కేటీఆర్‌కు కరోనావైరస్ పాజిటివ్: వారందరూ పరీక్షలు చేసుకోవాలని ట్వీట్

హైదరాబాద్: తెలంగాణ ఐటీ శాఖ మంత్రి, టీఆర్ఎస్ వర్కింగ్ ప్రెసిడెంట్ కేటీఆర్ మరోసారి కరోనావైరస్ బారినపడ్డారు. తనకు కరోనా వైరస్ పాజిటివ్ అని నిర్ధారణ అయ్యిందని ట్విట్టర్ వేదికగా ఆయన వెల్లడించారు.

Thought this was behind us but clearly it isn’t

After developing symptoms, got tested for Covid & it’s positive. Will be isolating at home

I request all who met with me over the last few days to kindly get tested & take precautions

— KTR (@KTRTRS) August 30, 2022

కొన్ని లక్షణాలు కనబడటంతో పరీక్షలు చేయించుకున్నానని.. పరీక్షల్లో కరోనా పాజిటివ్‌గా తేలినట్లు తెలిపారు. ప్రస్తుతంలో హోం ఐసోలేషన్‌లోనే ఉన్నట్లు చెప్పారు. గత కొన్ని రోజులుగా తనను కలిసిన వారు పరీక్షలు చేయించుకోవాలని, ముందస్తు జాగ్రత్తలు తీసుకోవాలని సూచించారు. ఈ క్రమంలో త్వరగా కోలువాలని నెటిజన్లు ఆకాంక్షిస్తున్నారు.

ఇటీవల కాలుకు గాయం కావడంతో ఆయన కొద్ది రోజులపాటు ఇంట్లోనే విశ్రాంతి తీసుకున్న విషయం తెలిసిందే. దాన్నుంచి కోలుకున్నత తర్వాత గత కొద్ది రోజులుగా అధికారిక కార్యక్రమాల్లో పాల్గొన్నారు. ఈ క్రమంలోనే ఆయన కోవిడ్ బారినపడటం గమనార్హం.

కాగా, గత కొన్ని రోజులుగా తెలంగాణ రాష్ట్రంలో కరోనా కేసులు క్రమంగా తగ్గుతున్న విషయం తెలిసిందే. 200-300 కరోనా కేసులు నమోదవుతున్నాయి.

English summary

Coronavirus positive for minister KTR. .