హైదరాబాద్ కు మరో అరుదైన గుర్తింపు - దేశంలోనే టాప్..!!

హైదరాబాద్ కు మరో అరుదైన గుర్తింపు దక్కింది. దేశంలోనే తొలి నగరంగా ఖ్యాతి గడించింది. తాజాగా ప్రభుత్వం తీసుకున్న నిర్ణయంతో హైదరాబాద్ ఇప్పుడు ఈ గుర్తింపు వచ్చింది. ప్రస్తుతం 150 వార్డులుగా ఉన్న హైదరాబాద్ 300 వార్డులకు పెరిగింది. అదే విధంగా కొత్తగా మరో 30 సర్కిల్ కార్యాలయాలను ఏర్పాటు గ్రేటర్ పరిధిలోకి తెచ్చారు. పరిపాలనా సౌలభ్యం తీసుకున్న ఈ నిర్ణయం రానున్న గ్రేటర్ ఎన్నికల పైన ప్రభావం చూపటం ఖాయంగా కనిపిస్తోంది.

గ్రేటర్ హైదరాబాద్ కు అరుదైన గుర్తింపు దక్కింది. గ్రేటర్ లో వార్డుల సంఖ్య ఒకే సారి రెట్టింపు చేస్తూ తాజాగా ప్రభుత్వం నోటిఫికేషన్ జారీ చేసింది. ఔటర్ రింగ్ రోడ్ లోపల ఉన్న 27 మున్సిపలా లిటీలు జీహెచ్‌ఎంసీలో విలీనం అయ్యాయి. ప్రస్తుతం ఉన్న 150 వార్డులను 300కు పెంచుతూ నిర్ణయం తీసుకున్నారు. సుమారు 2,000 చదరపు కిలోమీటర్ల మేర విస్తరించిన ఈ మహానగరం ఇప్పుడు దేశంలోనే అతిపెద్ద మున్సిపల్ కార్పొరేషన్‌గా అవతరించింది.

ఈ అరుదైన గుర్తింపు హైదరాబాద్ సొంతం చేసుకుంది. ఇప్పటి వరకు ఉన్న 6 జోన్లను 12కు, అలాగే 30 సర్కిళ్లను 60కి పెంచుతూ నోటిఫికేషన్‌లో పేర్కొన్నారు. కొత్తగా ఉప్పల్, కుత్బుల్లాపూర్, మల్కాజి గిరి, శంషాబాద్, గోల్కొండ, రాజేంద్రనగర్ జోన్లు ఏర్పాటు చేశారు. ప్రతి 45 వేల మంది జనాభాకు ఒక వార్డు ఉండేలా ప్రణాళికలు సిద్ధం చేసారు.

అదే విధంగా కొత్తగా ప్రతీ జోన్ పరిధిలో అయిదు సర్కిల్ కార్యాలయాలు ఉండేలా జాగ్రత్తలు తీసుకున్నారు. ప్రాథమిక నోటిఫికేషన్ విడుదలైన తర్వాత ప్రజలు, రాజకీయ పార్టీల నుండి సుమారు 6,000కు పైగా అభ్యంతరాలు, సూచనలు వచ్చాయి. వాటన్నింటినీ పరిశీలించిన అధికారులు 40 వార్డులకు పాత పేర్లనే కొనసాగించాలని నిర్ణయించారు. కాగా, ప్రస్తుత గ్రేటర్ పాలక మండలి గడువు 2026 ఫిబ్రవరి 10తో ముగియనుంది.

ఈ లోపే వార్డుల పునర్విభజన , ఓటర్ల జాబితా తయారీ ప్రక్రియను పూర్తి చేసి, కొత్త వార్డుల ప్రకారం ఎన్నికలు నిర్వహించాలని ప్రభుత్వం లక్ష్యంగా పెట్టుకుంది. కాగా, ఇప్పుడు ఈ కార్పోరేషన్ ను మూడుగా విభజించాలనే ప్రతిపాదన పైన చర్చ జరుగుతోంది. రాజకీయంగా కలిసి వచ్చే నిర్ణయాల పైన అధ్యయనం చేస్తున్నట్లు తెలుస్తోంది. దీంతో.. ఒక్కటిగానే ఎన్నికలకు వెళ్లే అవకాశం ఉందని అధికార పార్టీ నేతల సమాచారం. దీంతో.. తుది నిర్ణయం పైన రాజకీయంగా ఉత్కంఠ కొనసాగుతోంది.

English summary

The Telangana government officially notified the expanded Greater Hyderabad Municipal Corporation