విద్యుత్ ఉద్యోగుల రెగ్యులరైజేషన్ పై కేసీఆర్ సర్కారుకు హైకోర్టులో చుక్కెదురు!

తెలంగాణ ప్రభుత్వానికి హైకోర్టులో చుక్కెదురైంది. విద్యుత్‌ శాఖలో కాంట్రాక్టు, ఔట్‌ సోర్సింగ్‌ ఉద్యోగుల క్రమబద్ధీకరణపై ఉన్నత న్యాయస్థానం స్టే విధించింది. తదుపరి ఆదేశాలు వచ్చేవరకు క్రమబద్ధీకరణ ప్రక్రియను

హైదరాబాద్‌: తెలంగాణ ప్రభుత్వానికి హైకోర్టులో చుక్కెదురైంది. విద్యుత్‌ శాఖలో కాంట్రాక్టు, ఔట్‌ సోర్సింగ్‌ ఉద్యోగుల క్రమబద్ధీకరణపై ఉన్నత న్యాయస్థానం స్టే విధించింది. తదుపరి ఆదేశాలు వచ్చేవరకు క్రమబద్ధీకరణ ప్రక్రియను నిలిపివేయాలని ఆదేశించింది.

అలాగే ఈ కేసుకు సంబంధించి నాలుగు వారాల్లో కౌంటర్‌ దాఖలు చేయాలని తెలంగాణ ప్రభుత్వాన్ని హైకోర్టు ఆదేశించింది. తదుపరి విచారణను నాలుగు వారాల పాటు వాయిదా వేసింది.

రాష్ట్ర విద్యుత్‌ సంస్థలో పనిచేస్తున్న 20,903 మంది కాంట్రాక్టు ఉద్యోగులను జూలై నెలాఖరులో తెలంగాణ ప్రభుత్వం క్రమబద్ధీకరించింది. 23,667 మంది విద్యుత్ కాంట్రాక్టు, ఔట్‌ సోర్సింగ్‌ ఉద్యోగులు క్రమబద్ధీకరణ కోసం దరఖాస్తు చేసుకున్నారు.

అందులో 20,903 మంది అర్హులని దరఖాస్తుల పరిశీలన కోసం ఏర్పాటు చేసిన స్క్రీనింగ్‌ కమిటీలు నిర్ధారించాయి. తెలంగాణ స్థానికత లేకపోవడం, వయోపరిమితి మీరిపోవడం, ఉద్యోగాన్ని మధ్యలో వదిలేయడం వంటి కారణాలతో మిగిలినవారి దరఖాస్తులను తిరస్కరించాయి. ఈ నేపథ్యంలో పలువురు ఉద్యోగులు హైకోర్టును ఆశ్రయించారు.

English summary

In a significant development, a division bench of the High Court directed the Telangana government on Wednesday not to regularise the services of contract employees who were appointed after April 10, 1996.Declaring that regularisation of contract employees by the government had to be in consonance with the Supreme Court judgment in the case of the State of Karnataka vs Uma Devi, the High Court bench made it clear that only those contract employees, who were appointed prior to April 10, 1996 and have completed 10 years of service, were eligible for regularisation. The bench of Acting Chief Justice Ramesh Ranganathan and Justice Shameem Akther passed this interim order on a PIL filed by J Shankar Rao and another person from Karimnagar urging the court to declare as unconstitutional the government’s act of regularising contract employees.