Telangana Lok Sabha Election Results 2024 LIVE: ఖమ్మం, నల్గొండలో కాంగ్రెస్ రికార్డు విజయం

Updated: Tuesday, June 4, 2024, 22:12 [IST]

తెలంగాణ లోక్ సభ ఎన్నికల 2024 ప్రత్యక్ష ఫలితాలు: తెలంగాణ రాష్ట్రంలో లోక్‌సభ స్థానాలకు ఎన్నికలు పోటాపోటీగా నిలిచాయి. గతంలో ఎన్నడూ లేని విధంగా తెలంగాణలో త్రిముఖ పోటీ కనిపించింది. అయితే ప్రధానంగా కాంగ్రెస్, బీజేపీ నువ్వా? నేనా? అనే విధంగా పోటీ పడితే.. గత 10 ఏళ్లుగా అధికారంలో ఉండి.. ప్రస్తుతం ప్రతిపక్ష స్థానంలో ఉన్న భారతీయ రాష్ట్ర సమితి (బీఆర్ఎస్) నామమాత్రంగానే పోటీలో నిలిచింది. మే 13న జరిగిన ఓటింగ్ తర్వాత జూన్ 4వ తేదీన 17 ఎంపీ స్థానాలకు ఫలితాలు వెలువడనున్నాయి. వాటి వివరాల్లోకి వెళితే..

2019 సంవత్సరంలో తెలంగాణ లోక్‌సభ ఎన్నికల్లో సుమారుగా 66.4 శాతం ఓటింగ్ నమోదైంది. 17 స్థానాలకు జరిగిన ఎన్నికల్లో బీఆర్ఎస్ 9 స్థానాలను గెలుచుకోగా, బీజేపీ 4 పార్లమెంట్ స్థానాలు, కాంగ్రెస్ 3 స్థానాలు, ఎంఐఎం 1 స్థానంలో విజయం సాధించాయి. ఇక తాజాగా 2024 సంవత్సరంలో దేశవ్యాప్తంగా 4వ దఫా జరిగిన పార్లమెంట్ ఎన్నికల్లో 66 శాతం ఓటింగ్ నమోదైంది. జూన్ 4వ తేదీన ఎన్నికల ఫలితాలు వెలువడుతాయి. తెలంగాణ లోక్‌సభ ఎన్నికల కౌంటింగ్‌కు సంబంధించి మినిట్‌-టూ-మినిట్ లైవ్ అప్‌డేట్స్ మీకోసం.

Telangana Lok Sabha Election Results 2024 Vote counting live updates news in Telugu For all Constituencies coverage

Jun 04, 2024, 9:11 pm IST

తెలంగాణ

కాంగ్రెస్ పార్టీకి ఓటు వేసిన ప్రతీ ఒక్కరికి ధన్యవాదాల: మంత్రి జూప‌ల్లి కృష్ణారావు

నాగ‌ర్ క‌ర్నూల్ లోక్ స‌భ స్థానంలో కాంగ్రెస్ పార్టీ అభ్య‌ర్థి మ‌ల్లు ర‌వి ఘన విజయం సాధించడంపై రాష్ట్రమంత్రి జూపల్లి కృష్ణారావు ఆనందం వ్యక్తం చేశారు. కాంగ్రెస్ పార్టీకి ఓటు వేసిన ప్రతీ ఒక్కరికి ధన్యవాదాలు అని అన్నారు. నాగర్ కర్నూల్ ఎంపీగా గెలుపు సాధించిన మల్లు రవికి శుభాకాంక్షలు తెలిపారు.

Jun 04, 2024, 9:04 pm IST

తెలంగాణ

మా ఆత్మస్తైర్యాన్ని పెంచాయి: రేవంత్ రెడ్డి

లోక్ సభ ఎన్నికల్లో ఘన విజయాన్ని అందించిన తెలంగాణ ప్రజలకు రేవంత్ రెడ్డి ధన్యవాదాలు తెలిపారు. తెలంగాణ రాష్ట్రంలో కాంగ్రెస్ ప్రభుత్వ 100 రోజుల పాలనను ఆశీర్వదిస్తూ ఎనిమిది లోక్ సభ స్థానాలతో పాటు కంటోన్మెంట్ శాసన సభ ఉప ఎన్నికలో విజయం చేకూర్చిన రాష్ట్ర ప్రజలకు హృదయ పూర్వక ధన్యవాదాలు. మీరు అందించిన ఈ ఆశీర్వాదాలు మా ఆత్మస్థైర్యాన్ని పెంచాయి. మరింత సమర్ధవంతమైన పాలన అందివ్వడానికి ఉత్సాహాన్నిచ్చాయి. ప్రజల మద్ధతు కాంగ్రెస్ పార్టీకే ఉన్నదన్న విషయాన్ని ఈ ఎన్నికల ఫలితాలు మరోసారి రుజువు చేశాయి అని రేవంత్ రెడ్డి అన్నారు.

Jun 04, 2024, 7:11 pm IST

తెలంగాణ

మల్కాజిగిరిలో 3.8 లక్షల ఓట్ల మెజారిటీతో ఈటెల విజయం

మల్కాజిగిరి పార్లమెంట్ స్థానంలో బీజేపీ అభ్యర్థి ఈటల రాజేందర్ ఘన విజయం సాధించారు. తన సమీప ప్రత్యర్థి, కాంగ్రెస్ అభ్యర్థి పట్నం సునీత మహేందర్ రెడ్డిపై 3,86,258 ఓట్ల మెజారిటీతో విజయం సాధించారు. బీజేపీ అభ్యర్థి ఈటల రాజేందర్‌కు పోలైన ఓట్లు: 9,77,757. కాంగ్రెస్ అభ్యర్థి పట్నం సునీత మహేందర్ రెడ్డి పోలైన ఓట్లు: 5,91,499. బీఆర్ఎస్ అభ్యర్థి రాగిడి లక్ష్మారెడ్డికి పోలైన ఓట్లు: 2,97,636.

Jun 04, 2024, 6:53 pm IST

తెలంగాణ

కరీంనగర్‌లో బండి సంజయ్ విజయం.. అధికారికంగా సర్టిఫికెట్ అందజేత

కరీంనగర్ పార్లమెంట్ స్థానం నుంచి గెలుపు సాధించిన బండి సంజయ్‌కు అధికారికంగా ధృవపత్రాన్ని అందజేశారు. కరీంనగర్ ఎంపీగా భారీ మెజార్టీతో బండి సంజయ్ విజయం సాధించారు. ఈ మేరకు మంగళవారం సాయంత్రం కరీంనగర్ ఎస్ ఆర్ ఆర్ కాలేజీలో జిల్లా కలెక్టర్ పమేలా సత్పతి సర్టిఫికెట్‌ను బండి సంజయ్ అందుకొన్నారు.

Jun 04, 2024, 5:35 pm IST

తెలంగాణ

సికింద్రాబాద్‌లో కిషన్ రెడ్డి గెలుపు

సికింద్రాబాద్ నియోజకవర్గం నుంచి బీజేపీ అభ్యర్థి కిషన్ రెడ్డి ఘన విజయం సాధించారు. ఆయన తన సమీప ప్రత్యర్థి, కాంగ్రెస్ అభ్యర్థి దానం నాగేందర్‌పై భారీ మెజారిటీతో గెలుపొందారు.

Jun 04, 2024, 5:34 pm IST

తెలంగాణ

ఖమ్మంలో 3.5 మెజారిటీతో కాంగ్రెస్ గెలుపు

ఖమ్మం పార్లమెంట్ స్థానం నుంచి కాంగ్రెస్ అభ్యర్థి రామసహాయం రఘురాం రెడ్డి ఘనం విజయం సాధించారు. తన సమీప ప్రత్యర్థి బీఆర్ఎస్ నేత నామా నాగేశ్వరరావుపై 3.5 లక్షల మెజారిటీతో గెలుపొందారు.

Jun 04, 2024, 4:57 pm IST

తెలంగాణ

తెలంగాణలో గెలుపుబాటలో ఉన్న బిజెపి 8 స్థానాలు ఇవే..!

1) మహబూబ్ నగర్: డికే అరుణ. 2) మెదక్ : రఘునందన్ రావు 3) అదిలాబాద్ : జి నాగేష్ 4) మల్కాజ్ గిరి : ఈటెల రాజేందర్ 5) సికింద్రాబాద్ : కిషన్ రెడ్డి 6) కరీంనగర్ : బండి సంజయ్ 7) నిజామాబాద్ : ధర్మపురి అరవింద్ 8) చేవెళ్ల :కొండ విశ్వేశ్వర్ రెడ్డి

Jun 04, 2024, 4:07 pm IST

తెలంగాణ

మహబూబ్ నగర్‌లో బీజేపీ విజయం

మహబూబ్ నగర్‌ పార్లమెంట్ స్థానం నుంచి బీజేపీ అభ్యర్థి డీకే అరుణ విజయం సాధించింది. కాంగ్రెస్ అభ్యర్థి వంశీపై ఆమె విజయం సాధించారు.

Jun 04, 2024, 3:07 pm IST

తెలంగాణ

నల్గొండలో రికార్డు విజయం

నల్గొండ పార్లమెంట్ నియోజకవర్గంలో కాంగ్రెస్ పార్టీ రికార్డు విజయం సాధించింది. అభ్యర్తి కే రఘువీర్ రెడ్డి 5.52 లక్షల ఓట్ల మెజారిటీతో ఘనం విజయం సాధించారు.

Jun 04, 2024, 2:52 pm IST

తెలంగాణ

మహబూబాబాద్‌లో కాంగ్రెస్ ఘన విజయం

మహబూబాబాద్ పార్లమెంట్ నియోజకవర్గంలో కాంగ్రెస్ పార్టీ అభ్యర్థి పొరిక బలరాం ఘన విజయం సాధించాడు. సమీప ప్రత్యర్థి బీఆర్ఎస్ అభ్యర్థి మాలోత కవితపై భారీ విజయం సాధించారు.

Jun 04, 2024, 2:38 pm IST

తెలంగాణ

ఖమ్మంలో కాంగ్రెస్‌కు రికార్డు మెజారిటీ

ఖమ్మం పార్లమెంట్‌ నియోజకవర్గంలో కాంగ్రెస్ అభ్యర్థి రామసహాయం రఘురాంరెడ్డి భారీ అధిక్యంతో విజయానికి చేరువయ్యారు. 21వ రౌండ్ ముగిసిన తర్వాత ఆయన సుమారుగా 2.5 లక్షల అధిక్యంతో ముందంజలో ఉన్నారు.

Jun 04, 2024, 2:14 pm IST

తెలంగాణ

అసదుద్దీన్ ఓవైసీకీ భారీ మెజారిటీ

హైదరాబాద్ పార్లమెంట్ నియోజకవర్గంలో 21వ రౌండ్ పూర్తయిన తర్వాత బీజేపీ అభ్యర్థి మాధవీ లతపై ఎంఐఎం అభ్యర్థి అసదుద్దీన్ ఓవైసీ 1 లక్ష 20 వేల ఓట్ల మెజారిటీతో ముందంజలో ఉన్నారు.

Jun 04, 2024, 2:06 pm IST

తెలంగాణ

పెద్దపల్లిలో గడ్డం వంశీకృష్ణకు భారీ మెజారిటీ

పెద్దపల్లి పార్లమెంట్ నియోజక వర్గంలో 10వ రౌండ్ ఓట్ల లెక్కింపు ముగిసిన తర్వాత కాంగ్రెస్ అభ్యర్థి గడ్డం వంశీ కృష్ణ 63,507 వేల ఆధిక్యంలో ఉన్నారు. బీఆర్ఎస్ అభ్యర్థి కొప్పుల ఈశ్వర్‌కు 95959 ఓట్లు పోలయ్యాయి. కాంగ్రెస్ అభ్యర్థి గడ్డం వంశీకృష్ణకు 251127 ఓట్లు పోలయ్యాయి. బీజేపీ అభ్యర్థి గోమాసె శ్రీనివాస్‌కు 187620 ఓట్లు పోలయ్యాయి.

Jun 04, 2024, 1:09 pm IST

తెలంగాణ

కడియం కావ్యకు 1 లక్ష ఓట్ల అధిక్యం

వరంగల్ పార్లమెంట్ స్థానంలో కడియం కావ్య భారీ మెజారిటీ దిశగా దూసుకెళ్తున్నది. ఆమె 7వ రౌండ్ ముగిసే సమయానికి 1 లక్ష ఓట్లకుపైగా అధిక్యంలో ఉన్నాయి.

Jun 04, 2024, 1:07 pm IST

తెలంగాణ

మల్కాజిగిరిలో 2 లక్షల మెజారిటీ

మల్కాజిగిరి లోక్‌సభ నియోజకవర్గంలో ఈటెల రాజేందర్ భారీ మెజారిటీ దిశగా దూసుకెళ్తున్నారు. 7వ రౌండ్ ముగిసిన తర్వాత సుమారుగా 2 లక్షల ఓట్ల అధిక్యంలో ఉన్నారు.

Jun 04, 2024, 1:06 pm IST

తెలంగాణ

నల్గొండలో 3 లక్షల మెజారిటీ

నల్గోండ లోక్‌సభ నియోజకవర్గంలో బీజేపీ అభ్యర్తి బూర నర్సయ్య గౌడ్‌పై రఘువీర్ రెడ్డి 3 లక్షల ఓట్ల అధిక్యంతో ముందజలో ఉన్నారు.

Jun 04, 2024, 12:46 pm IST

తెలంగాణ

మహబూబాబాద్ లో కాంగ్రెస్‌కు భారీ ఆధిక్యం

మహబూబాబాద్ పార్లమెంట్ నియోజకవర్గంలో కాంగ్రెస్ అభ్యర్ధి పోరిక బలరాం నాయక్ 3 రౌండ్ లో పూర్తి అయ్యేసరికి 51793 ఓట్ల అధిక్యం కాంగ్రెస్ పార్టీకి పోలైన ఓట్లు: 92918 బీజేపీ పోలైన ఓట్లు: 16413 బీఆర్ఎస్ పోలైనో ఓట్లు: 41125

Jun 04, 2024, 12:34 pm IST

తెలంగాణ

మల్కాజిగిరి పార్లమెంట్ నియోజకవర్గంలో బీజేపీకి భారీ ఆధిక్యం

మల్కాజిగిరి పార్లమెంట్ నియోజకవర్గంలో బీజేపీకి భారీ ఆధిక్యంలో కొనసాగుతున్నది. బీజేపీ అభ్యర్థి ఈటెల రాజేందర్‌కు పోలైన ఓట్లు 470351 కాంగ్రెస్ అభ్యర్థి సునీతా రెడ్డికి పోలైన ఓట్లు: 289503 బీఆర్ఎస్ అభ్యర్థికి పోలీైన ఓట్లు: 147987 బీజేపీకి 180848 ఓట్ల అధిక్యంతో దూసుకుపోతున్న ఈటెల

Jun 04, 2024, 11:33 am IST

తెలంగాణ

పెద్దపల్లిలో కాంగ్రెస్ అధిక్యం

పెద్దపల్లి పార్లమెంట్ నియోజకవర్గంలో 6వ రౌండ్ ముగిసే సమయానికి కాంగ్రెస్ అభ్యర్థి గడ్డం వంశీ కృష్ణకు 32,666 ఓట్ల ఆధిక్యం ప్రదర్శిస్తున్నారు. బీజేపీ అభ్యర్థి గోమాసె శ్రీనివాస్‌కు పోలైన ఓట్లు: 116803 గడ్డం వంశీకృష్ణకు పోలైన ఓట్లు: 149469 కొప్పుల ఈశ్వర్‌కు కు పోలైన ఓట్లు: 57078

Jun 04, 2024, 10:51 am IST

తెలంగాణ

ఖమ్మంలో కాంగ్రెస్‌కు లక్షకుపైగా మెజారిటీ

ఖమ్మం పార్లమెంట్ స్థానంలో 6వ రౌండ్ పూర్తి అయ్యేసరికి కాంగ్రెస్ పార్టీ అభ్యర్థి రామసాహాయం రఘురాం రెడ్డి 1,26,000 ఓట్ల అధిక్యంతో కొనసాగుతున్నారు.

Jun 04, 2024, 10:47 am IST

తెలంగాణ

బలరాం నాయక్ అధిక్యం

మహబూబాబాద్ పార్లమెంట్ స్థానంలో బీఆర్ఎస్ ఎంపీ మాలోత్ కవితపై కాంగ్రెస్ అభ్యర్థి బలరాం నాయక్ అధిక్యాన్ని ప్రదర్శిస్తున్నారు. రెండు రౌండ్లు పూర్తయ్యే సరికి 16 వేలకుపైగా అధిక్యంలో ఉన్నారు.

Jun 04, 2024, 10:45 am IST

తెలంగాణ

వరంగల్‌లో కడియం కావ్య అధిక్యం

వరంగల్ పార్లమెంట్ స్థానంలో కాంగ్రెస్ పార్టీ అభ్యర్థి కడియం కావ్య 30 వేలకుపైగా ఓట్ల అధిక్యంతో దూసుకెళ్తున్నారు.

Jun 04, 2024, 10:22 am IST

తెలంగాణ

పెద్దపల్లి పార్లమెంట్ నియోజకవర్గం ఎన్నికల ఫలితాలు

మొదటి రౌండ్ పూర్తయ్యే సరికి బీజేపీ అభ్యర్థి గోమాసె శ్రీనివాస్‌కు 18401 ఓట్లు పోలవ్వగా.. కాంగ్రెస్ అభ్యర్థికి గడ్డం వంశీకృష్ణ 23495 ఓట్లు పోలయ్యాయి. బీఆర్ఎస్ అభ్యర్థి కొప్పుల ఈశ్వర్‌కు 9312 ఓట్లు పోలయ్యాయి. మొదటి రౌండ్ ముగిసేసరికి కాంగ్రెస్ అభ్యర్థి గడ్డం వంశీ కృష్ణ 5,094 ఓట్లతో ముందంజలో ఉన్నారు.

Jun 04, 2024, 10:19 am IST

తెలంగాణ

తెలంగాణ ఎంపీ స్థానాల్లో బీజేపీ ఆధిక్యం

ఎనిమిది స్థానాల్లో బీజేపీ ముందంజ కొనసాగుతున్నది. ఏడు స్థానాల్లో కాంగ్రెస్‌ ఆధిక్యాన్ని ప్రదర్శిస్తున్నది. చెరో స్థానంలో బీఆర్‌ఎస్‌, ఎంఐఎం అధిక్యంలో కొనసాగుతున్నాయి.

Jun 04, 2024, 10:07 am IST

తెలంగాణ

భువనగిరి పార్లమెంట్ మొదటి రౌండ్ లో..

కాంగ్రెస్ అభ్యర్థి చామల కిరణ్ కుమార్ రెడ్డి 9,800 ఓట్ల అధిక్యం. కాంగ్రెస్‌కు పోలైన ఓట్లు: 29,783 బీజేపీకి పోలైన ఓట్లు: 19,983 బీఆర్ ఎస్‌కు పోలైన ఓట్లు: 15,361

Jun 04, 2024, 9:47 am IST

తెలంగాణ

చేవెళ్ల పార్లమెంట్ నియోకవర్గంలో కాంగ్రెస్, బీజేపీ నువ్వా? నేనా?

చేవెళ్ల నియోజకవర్గంలో బిజెపికి పోలైన ఓట్లు: 3773 కాంగ్రెస్‌కు పోలైన ఓట్లు: 3214 బిఆర్ఎస్‌కు పోలైన ఓట్లు: 818

Jun 04, 2024, 9:34 am IST

తెలంగాణ

బీఆర్ఎస్‌కు గడ్డు పరిస్థితి

తెలంగాణ రాష్ట్రంలో భారత రాష్ట్ర సమితికి గడ్డు పరిస్థితి కనిపిస్తున్నది. 17 లోక్ సభ స్థానాల్లో ఏ ఒక్క స్థానంలో కూడా ముందంజలో లేని బీఆర్ఎస్ పార్టీ. దారుణమైన ఫలితాలను చవిచూస్తున్న కేసీఆర్

Jun 04, 2024, 9:27 am IST

తెలంగాణ

మెదక్ పార్లమెంటు ఎన్నికల ఫలితాలు: బీజేపీ లీడ్ - 775

మొదటి రౌండ్ పూర్తయ్యే సరికి బీజేపీ 775 ఓట్ల లీడ్‌లో కొనసాగుతున్నది. బీజేపీకి పోలైన ఓట్లు - 3515 కాంగ్రెస్ పార్టీకి పోలైన ఓట్లు - 2740 బిఆర్ఎస్ పార్టీకి పోలైన ఓట్లు- 2425

Jun 04, 2024, 9:22 am IST

తెలంగాణ

ఖమ్మం జిల్లా రెండో రౌండ్ ఫలితాలు.. కాంగ్రెస్-26008 ఆధిక్యం

కాంగ్రెస్ పార్టీ అభ్యర్థి రామసహాయం రఘురాం రెడ్డి కి 46049 ఓట్లు, బిఆర్ఎస్ అభ్యర్థి నామ నాగేశ్వరరావుకు -20041 ఓట్లు, బిజెపి అభ్యర్థి తాండ్ర వినోద్ రావుకి. 5216 ఓట్లు పోలయ్యాయి.

Jun 04, 2024, 9:05 am IST

తెలంగాణ

భువనగిరిలో బీజేపీ, కాంగ్రెస్ నువ్వా? నేనా?

భువనగిరి పార్లమెంటు స్థానంలో కాంగ్రెస్, బిజెపి మధ్యన హోరాహోరీగా పోరు జరుగుతున్నది. చామల కిరణ్ కుమార్ రెడ్డి (కాంగ్రెస్) మధ్య బూర నర్సయ్య గౌడ్ (బీజేపీ) గట్టి పోటీ కనిపిస్తున్నది.

5:54 PM, 3 Jun

మరి కొన్ని గంటల్లో దేశవ్యాప్తంగా లోక్‌సభ ఎన్నికల ఫలితాలు విడుదల

5:55 PM, 3 Jun

జూన్ 4వ తేదీన ఉదయం 8 గంటలకు లోక్‌సభ ఎన్నికల కౌటింగ్ ప్రారంభం

11:48 PM, 3 Jun

తెలంగాణ

ఉత్కంఠను రేపుతున్న హైదరాబాద్

ఉత్కంఠను రేపుతున్న హైదరాబాద్ పార్లమెంట్ స్థానం. సిట్టింగ్ ఎంపీ ఓవైసీతో నువ్వా నేనా అని తలపడిన మాధవీ లత మధ్య పోటీ గట్టిగా ఉందనే విషయం ఆసక్తికరంగా మారింది. దాంతో ఈ ఫలితంపై దేశవ్యాప్తంగా దృష్టి ఫడింది.

11:51 PM, 3 Jun

తెలంగాణ

బీజేపీ చేతికి వరంగల్ పార్లమెంట్‌ చిక్కనుందా?

బీజేపీ చేతికి వరంగల్ పార్లమెంట్‌ చిక్కనుందా? కడియం శ్రీహరికి ఎదురు దెబ్బ తగలనున్నాదా? ఓరుగల్లు పీఠం ఎవరికి చెందుతుందనే వార్త కోసం లైవ్ న్యూస్ ఫాలో అవ్వండి

5:58 AM, 4 Jun

తెలంగాణ

రేవంత్ రెడ్డి, కేసీఆర్ ఓటు హక్కు

తెలంగాణ లోక్‌సభ ఎన్నికల్లో ముఖ్యమంత్రి రేవంత్ రెడ్డి మహబూబ్ నగర్ జిల్లాలోని తన సొంత గ్రామం కోడంగల్‌లో ఓటు వినియోగించుకొన్నారు. ఇక మాజీ ముఖ్యమంత్రి కే చంద్రశేఖర్ రావు సిద్దిపేటకు సమీపంలోని చింతమడక ఓటు హక్కు వినియోగించుకొన్నారు.

6:07 AM, 4 Jun

తెలంగాణ

తెలంగాణలోనే చిరంజీవి, మహేష్, రాంచరణ్

తాజా లోక్‌సభ ఎన్నికల్లో తెలుగు సినిమా పరిశ్రమకు సంబంధించిన స్టార్ హీరోలు చిరంజీవి, మహేశ్ బాబు, జూనియర్ ఎన్టీఆర్, రాంచరణ్ తదితరులు హైదరాబాద్‌లోనే ఓటు హక్కు వినియోగించుకొన్నారు.

6:21 AM, 4 Jun

తెలంగాణ

మల్కాజిగిరి సీటు ఎవ్వరిది?

గతంలో రేవంత్ రెడ్డి గెలిచిన మల్కాజిగిరి సీటును కాంగ్రెస్ పార్టీ హస్తగతం చేసుకొంటుందా అనే విషయం ఆసక్తికరంగా మారింది. ఈ ఎన్నికల్లో బీజేపీ అభ్యర్థి ఈటెల రాజేందర్‌కు విజయం ప్రతిష్టాత్మకంగా మారింది.

6:46 AM, 4 Jun

తెలంగాణ

సికింద్రాబాద్‌లో జీ కిషన్ రెడ్డికి విజయం దక్కుతుందా?

సికింద్రాబాద్‌లో జీ కిషన్ రెడ్డి విజయం సాధించి మరోసారి కేంద్రమంత్రి అవుతాడా? ఉత్కంఠను రేపుతున్న సికింద్రాబాద్ ఫలితం. ఈ ప్రాంతంలో దానం నాగేందర్, టీ పద్మారావు నుంచి గట్టి పోటీ ఎదుర్కొంటున్న నేపథ్యంలో ఫలితం ఆసక్తికరంగా మారింది.

7:01 AM, 4 Jun

తెలంగాణ

చేవెళ్ల పార్లమెంట్ స్థానంలో

చేవెళ్ల పార్లమెంట్ స్థానం నుంచి గత ఎన్నికల్లో స్వల్ప ఓటమి పాలైన కొండా విశ్వేశ్వర్ రెడ్డి 2024 సంవత్సరంలో గెలుపు సాధిస్తారా? అనే అంశం ఆసక్తికరంగా మారింది. కాంగ్రెస్ అభ్యర్థి బీ రంజిత్ రెడ్డి నుంచి గట్టి పోటీ ఎదురవ్వడంతో ఈ లోక్‌సభ ఎన్నికల ఫలితంపై అందరి దృష్టిపడింది.

7:10 AM, 4 Jun

తెలంగాణ

బలరాం నాయక్ గట్టెక్కుతాడా?

యూపీఏ ప్రభుత్వంలో మంత్రిగా పనిచేసిన బలరాం నాయక్ గత ఎన్నికల్లో పరాజయం పాలయ్యారు. ప్రస్తుతం ఎంపీ కవిత మాలోత్‌ను ఓడించి మళ్లీ ఎంపీగా పార్లమెంట్‌లో అడుగుపెడుతారా అనేది ఆసక్తికరంగా మారింది.

7:24 AM, 4 Jun

మహబూబ్ నగర్ జిల్లాలో చక్రం తిప్పిన డీకే అరుణ

కాంగ్రెస్ ప్రభుత్వంలో మంత్రిగా మహబూబ్ నగర్ జిల్లాలో చక్రం తిప్పిన డీకే అరుణ.. ఇటీవల కాలంలో వరుస పరాజయాలు చవిచూసింది. తాజాగా మహబూబ్ నగర్ ఎంపీగా పోటీ చేస్తూ విజయం దక్కించుకొనేందుకు ప్రయత్నిస్తున్నది. ఈసారి గెలిచి బీజేపీ తరఫున తెలంగాణ నుంచి మహిళా సభ్యురాలిగా పార్లమెంటులో అడుగుపెడుతుందా అనేది ఆసక్తికరంగా మారింది.

7:40 AM, 4 Jun

నిజమాబాద్ పార్లమెంట్ స్థానంలో

నిజమాబాద్ పార్లమెంట్ స్థానం నుంచి బీజేపీ అభ్యర్థి ధర్మపురి అరవింద్ మరోసారి విజయం సాధిస్తారా? అనేది ఉత్కంఠగా మారింది. కాంగ్రెస్ పార్టీ సీనియర్ నేత టీ జీవన్ రెడ్డితో గట్టిపోటీని ఎదుర్కొంటున్నారు. దాంతో నిజమాబాద్ ఫలితం ఉత్కంఠను రేపుతున్నది.

7:49 AM, 4 Jun

తెలంగాణ

కరీంనగర్ పార్లమెంట్ స్థానంలో

కరీంనగర్ పార్లమెంట్ స్థానంలో బీజేపీ అభ్యర్థి బండి సంజయ్ ఎంపీగా రెండోసారి తన అదృష్టాన్ని పరీక్షించుకొంటున్నారు. ఆయన విజయం సాధించడం ఖాయమని ఎగ్జిట్ పోల్ సర్వేలు వెల్లడించాయి. అయితే ఆయన గెలుపు సులభమేనా? అనేది ఆసక్తిగా మారింది.

8:01 AM, 4 Jun

తెలంగాణ

తెలంగాణలో ఓట్ల లెక్కింపు ప్రారంభం

ప్రారంభమైన సార్వత్రిక ఎన్నికల ఓట్ల లెక్కింపు. పోస్టల్‌ బ్యాలెట్‌ ఓట్లు లెక్కిస్తున్న సిబ్బంది, పోస్టల్‌ బ్యాలెట్‌ తర్వాత ఈవీఎంల ఓట్ల లెక్కింపు.. పోస్టల్ బ్యాలెట్ ఓట్లు లేనిచోట EVM ఓట్ల లెక్కింపు. తెలంగాణలో 17 లోక్‌సభ స్థానాలతో పాటు కంటోన్మెంట్‌ ఉప ఎన్నిక ఓట్ల లెక్కింపు జరుగుతున్నది.

8:11 AM, 4 Jun

తెలంగాణ

హైదరాబాద్‌లో కాషాయం జెండా: మాధవి లత

హైదరాబాద్‌ పార్లమెంట్ స్థానంలో కాషాయ జెండా ఎగురవేస్తున్నాం. బీజేపీ విజయం సాధించడం ఖాయం అని ఆ పార్టీ అభ్యర్థి మాధవి లత ధీమా వ్యక్తం చేశారు. కౌంటింగ్‌కు ముందు ఆమె పూజలు నిర్వహించి మీడియాతో మాట్లాడారు.

విజయం మాదే.. హైదరాబాద్‌పై కాషాయ జెండా: మాధవీ లత@BJP4India @Kompella_MLatha #telanganaelection2024 pic.twitter.com/i22WAgcB8s
— Rajababu Anumula (@Rajababu_a) June 4, 2024

8:14 AM, 4 Jun

తెలంగాణ

భాగ్యలక్ష్మి ఆలయంలో కిషన్‌రెడ్డి

చార్మినార్‌ భాగ్యలక్ష్మి ఆలయంలో కిషన్‌రెడ్డి పూజలు నిర్వహించారు. పూజల తర్వాత కౌంటింగ్‌ కేంద్రానికి కిషన్‌రెడ్డి చేరుకొన్నారు. ప్రజల ఆశీర్వాదం బీజేపీకి ఉంది.. మూడోసారి ప్రభుత్వం ఏర్పాటు చేస్తాం అని కిషన్‌రెడ్డి ధీమా వ్యక్తం చేశారు.

8:20 AM, 4 Jun

తెలంగాణ

ఒంటిగంటకే తెలంగాణలో తొలి ఫలితం

తెలంగాణలో తొలి ఫ‌లితం మ‌ధ్యాహ్నం ఒంటి గంట‌ వ‌ర‌కు వెలువ‌డే అవ‌కాశం ఉంది. తుది ఫ‌లితం సాయంత్రం 6 గంట‌ల వ‌ర‌కు వ‌చ్చే అవ‌కాశం ఉంది. తొలి ఫ‌లితం నిజామాబాద్ లోక్‌స‌భ నియోజ‌క‌ వ‌ర్గంలో వెలువ‌డ‌నుంది. ఈ నియోజ‌క‌ వ‌ర్గంలో కేవ‌లం 15 రౌండ్ల‌లో ఓట్ల లెక్కింపు పూర్తి కానుంది. క‌రీంన‌గ‌ర్, న‌ల్ల‌గొండ‌, హైద‌రాబాద్ నియోజ‌క‌ వ‌ర్గాల ఫ‌లితాలు చివ‌ర‌లో వెలువ‌డే అవ‌కాశం ఉంది.

8:24 AM, 4 Jun

తెలంగాణ

తెలంగాణలో నియోజ‌క‌ వ‌ర్గాల వారీగా ఓట్ల లెక్కింపు జరిగే రౌండ్ల వివ‌రాలు

ఆదిలాబాద్ – 23, పెద్ద‌ప‌ల్లి – 21, క‌రీంన‌గ‌ర్ – 24, నిజామాబాద్ – 15, జ‌హీరాబాద్ – 23, మెద‌క్ – 23, మ‌ల్కాజ్‌గిరి – 21, సికింద్రాబాద్ – 20, హైద‌రాబాద్ – 24, చేవెళ్ల – 23, మ‌హ‌బూబ్‌ న‌గ‌ర్ – 21, నాగ‌ర్‌క‌ర్నూల్ – 22, న‌ల్ల‌గొండ – 24, భువ‌న‌గిరి – 23, వ‌రంగ‌ల్ – 18, మ‌హ‌బూబాబాద్ – 22, ఖ‌మ్మం – 21

8:29 AM, 4 Jun

తెలంగాణ

ఖమ్మం పార్లమెంట్ స్థానంలో బీజేపీకి అధిక్యం

పోస్టల్ బ్యాలెట్ ఓట్ల లెక్కింపులో కాంగ్రెస్ అభ్యర్థి రామ సహాయం రఘురామిరెడ్డిపై బిజెపి అభ్యర్థి తాండ్ర వినోద్ రావుకు 2 వేల మెజార్టీ. మూడో స్థానంలో బిఆర్ఎస్ అభ్యర్థి నామా నాగేశ్వరరావు కొనసాగుతున్నారు.

8:33 AM, 4 Jun

తెలంగాణ

తెలంగాణలో బీజేపీ అభ్యర్థుల ముందజ

మల్కాజిగిరి పార్లమెంట్ స్థానంలో మొదటి రౌండ్ లో బిజెపి అభ్యర్థి ఈటెల రాజేందర్ ముందజ కరీంనగర్ పార్లమెంట్ స్థానంలో బండి సంజయ్ లీడ్ అదిలాబాద్ పార్లమెంట్ స్థానంలో గూడెం నగేష్ లీడ్

8:38 AM, 4 Jun

తెలంగాణ

దూసుకుపోతున్న ఈటెల

మల్కాజ్గిరి పార్లమెంట్ పరిధి ఎల్ బి నగర్ అసెంబ్లీ సెగ్మెట్‌లో మొదటి రౌండ్లో బీజేపీ అభ్యర్థి ఈటల రాజేందర్ 6330 ఓట్ల తో ఆధిక్యం బీజేపీకి పడిన ఓట్లు:-8811 కాంగ్రెస్ పార్టీకి పడిన ఓట్లు :2581 బిఆర్ఎస్‌కు పోలైన ఓట్లు :1418

8:40 AM, 4 Jun

తెలంగాణ

పెద్దపల్లిలో కాంగ్రెస్ అధిక్యం

పెద్దపల్లి పార్లమెంట్ నియోజకవర్గంలో మొదటి రౌండ్ ఓట్ల లెక్కింపు ముగిసే సమయానికి కాంగ్రెస్ వంశీ కృష్ణ 816 ఓట్ల లీడ్‌తో ఉన్నారు.

8:44 AM, 4 Jun

తెలంగాణ

సికింద్రాబాద్‌ పార్లమెంట్ నియోజకవర్గంలో

పరిధిలోని ముషీరాబాద్ నియోజకవర్గానికి సంబంధించిన ఓట్ల లెక్కింపు AV కాలేజీలో మొదటి రౌండ్ పూర్తి. బీజేపీకి పోలైన ఓట్లు: 4733 కాంగ్రెస్ పోలైన ఓట్లు: 1318 బీఆర్ఎస్ పోలైన ఓట్లు: 1097

8:50 AM, 4 Jun

తెలంగాణ

జహీరాబాద్ పార్లమెంట్ స్థానంలో కాంగ్రెస్ ముందంజ

జహీరాబాద్ పార్లమెంట్ స్థానంలో మొదటి రౌండ్ ఓట్ల లెక్కింపు ముగిసే సమయానికి కాంగ్రెస్ అభ్యర్థి సురేష్ షెట్కార్ 900 ఓట్లతో ముందంజ

9:01 AM, 4 Jun

తెలంగాణ

ఖమ్మం కౌంటింగ్ కేంద్రం నుంచి వెళ్లిపోయిన నామా

ఖమ్మం పార్లమెంట్ స్థానానికి జరుగుతున్న కౌంటింగ్ కేంద్రం నుంచి వెళ్ళి పోయిన బీఆర్ఎస్ ఎంపి అభ్యర్థి నామా నాగేశ్వరరావు.. నువ్వా? నేనా? అనే విధంగా కాంగ్రెస్, బీజేపీ పోటీ

9:05 AM, 4 Jun

తెలంగాణ