అశోక్‌నగర్‌లో నిరుద్యోగుల భారీ నిరసన: సొమ్మసిల్లిన యువతి, హరీశ్ హెచ్చరిక

హైదరాబాద్: గ్రూప్ 2, గ్రూప్ 3 ఉద్యోగాలు పెంచాలని, ప్రస్తుత పరీక్షలను వాయిదా వేయాలంటూ అశోక్ నగర్‌లో భారీ సంఖ్యలో నిరుద్యోగులు రాస్తారోకో నిర్వహించారు. చిక్కడపల్లి నుంచి అశోక్​ నగర్​ చౌరస్తా వరకు ర్యాలీగా వెళ్లారు. అనంతరం ఆర్టీసీ క్రాస్​ రోడ్డులో బైఠాయించి నిరసన తెలియజేశారు.

ఈ రాస్తారోకో కార్యక్రమంలో ఓ నిరుద్యోగ యువతి సొమ్మసిల్లి పడిపోయింది. అభ్యర్థుల ఆందోళనతో ఆర్టీసీ క్రాస్​ రోడ్డులో వాహన రాకపోకలకు తీవ్ర అంతరాయం ఏర్పడింది. ప్రస్తుతం ఉన్న షెడ్యూల్ ప్రకారం పరీక్షలు నిర్వహిస్తే నిరుద్యోగులు గ్రూప్​ 2 లేదా గ్రూప్​ 1కు మాత్రమే సిద్ధం కావాల్సి వస్తుందని, ఒక పరీక్ష కోల్పోవటం జరుగుతుందని వాపోయారు. డీఎస్సీ పరీక్ష కూడా వాయిదా వేయాలని డిమాండ్ చేశారు.

గ్రూప్​ 2, గ్రూప్​ 3 షెడ్యూల్​ ఒకే సమయానికి ఉండటం వల్ల ఈ రెండింటి పోస్టులు పెంచాలని డిమాండ్​ చేశారు. గ్రూప్​ 2 డిసెంబర్‌​లో నిర్వహిస్తే గ్రూప్ 1 మెయిన్స్‌​కు ప్రిపరేషన్​‌కు టైమ్ ఉంటుందన్నారు. ఈ ధర్నాకు భారీస్థాయిలో నిరుద్యోగులు హాజరై తమ నిరసనను తెలిపారు.

#WATCH | Telangana: A large number of unemployed youth, including Group II and DSC aspirants staged a protest against the state government at Ashok Nagar in Hyderabad. pic.twitter.com/JL4ldWewuB

— ANI (@ANI) July 13, 2024

మొర ఆలకించాలంటూ రేవంత్ సర్కారుకు హరీశ్ ట్వీట్

నిరుద్యోగుల నిరసనపై మాజీ మంత్రి హరీశ్ రావు స్పందించారు. 'గ్రూప్స్ అభ్యర్థులు, నిరుద్యోగుల మొర ఆలకించాలని రేవంత్ రెడ్డిని మరోసారి విజ్ఞప్తి చేస్తున్నాను. భేషజాలకు పోకుండా, వారి జీవితాలను, భవిష్యత్తును దృష్టిలో ఉంచుకొని సమస్యకు ఓ పరిష్కారం చూపాలని కోరుతున్నాను అని ట్విట్టర్ వేదికగా పేర్కొన్నారు.

గ్రూప్స్ అభ్యర్థులు, నిరుద్యోగుల మొర ఆలకించాలని రేవంత్ రెడ్డి గారిని మరోసారి విజ్ఞప్తి చేస్తున్నాను. భేషజాలకు పోకుండా, వారి జీవితాలను, భవిష్యత్తును దృష్టిలో ఉంచుకొని సమస్యకు ఓ పరిష్కారం చూపాలని కోరుతున్నాను.

గ్రూప్స్ అభ్యర్థులు, నిరుద్యోగులను చర్చలకు పిలుచుకొని వారి బాధను,… pic.twitter.com/Ps40y3sZQq

— Harish Rao Thanneeru (@BRSHarish) July 13, 2024

గ్రూప్స్ అభ్యర్థులు, నిరుద్యోగులను చర్చలకు పిలుచుకొని వారి బాధను, డిమాండ్లను అర్థం చేసుకునే ప్రయత్నం చేయండి. అంతేగాని వారిని రెచ్చగొట్టే విధంగా, కించపరిచే విధంగా మాట్లాడి అబాసుపాలు కాకండి. వారు దైర్యం కోల్పోయే విధంగా వ్యవహరించకండి అని రేవంత్ సర్కారును కోరారు.

పోలీసు బలగాలు, లాఠీలు, ఇనుప కంచెలు, బ్యారికేడ్లతో విద్యార్థుల పోరాటాన్ని అణిచివేసే ప్రయత్నం ఫలించక పొగా, అది మరింత ఉదృతం అవుతుంది. గ్రూప్స్ అభ్యర్థులు, నిరుద్యోగులను ఇబ్బందులకు గురి చేసినా, వారిపై భౌతిక దాడులకు పాల్పడినా మేము చూస్తూ ఊరుకోబోమని ప్రభుత్వాన్ని హెచ్చరించారు హరీశ్ రావు.

English summary

Unemployed Protest to Postpone Group-2, Group-3 Exams and increase posts.