తప్పించేంత తప్పు ఏంచేసారు.!అన్న నిన్ను మరువదు కాషాయ యువత అంటున్న బీజేపి క్యాడర్.!

హైదరాబాద్: బండి సంజయ్ కుమార్.. ఆ పేరుకు తెలంగాణలో రాజకీయాల్లో, యువతలో ఓ వినూత్న బ్రాండ్ ఉంది. ఆ పేరు చెబితే వైబ్రేట్ అయ్యే యూత్ కూడా ఉంది. బీజేపిలో పాదయాత్ర చేసిన తొలి నేతగా, మోదీ దేవుడన్నా అని గొంతు చించుకుని అరిసినా.. ఎందుకు తిట్టాలన్నా మోదీని అని ఎలుగెత్తి చాటినా, తెలంగాణ సీఎంను జైలుకు పంపించి తీరుతామని బల్ల గుద్ది చెప్పినా.. ఒక్క అవకాశం ఇవ్వండి బీజేపికీ అని వేడుకున్నా.. పాత బస్తీలో సర్జికల్ స్ట్రైక్ నిర్వహిస్తామని గర్జించినా బండి సంజయ్ తర్వాతే అనేంత వరకూ పార్టీని ఉర్రూతలూగించారు బండి సంజయ్.

ఎందుకు తప్పించారో అర్ధం కావట్లేదంటున్న యువత : అంతే కాకుండా 6విడతలుగా ప్రజా సంగ్రామ పాద యాత్రతో ప్రజలకు బీజేపిని అత్యంత సన్నిహితంగా తీసుకెళ్లారు బండి సంజయ్. బండి సంజయ్ పాద యాత్రతో తెలంగాణలో పార్టీకి మంచి ఊపొచ్చిందనే చర్చ కూడా క్షేత్ర స్ధాయిలో చోటుచేసుకుంది. బండి సంజయ్ నేత్రుత్వంలో జరిగిన మూడు ఉప ఎన్నికలో రెండు చోట్ల పార్టీ విజయాన్ని సొంతం చేసుకుంది. అంతే కాకుండా నగర పాలక సంస్ధ ఎన్నికల్లో 5 సీట్లు ఉన్న బీజేపి బండి సంజయ్ నేతృత్వంలో ఏకంగా 47 సీట్లను గెలుచుకుందంటే బండి సంజయ్ కృషి ఎంతుందో అర్థమవుతోంది.

పాదయాత్రలతో, ప్రజా సమస్యల పరిష్కారాలతో, పబ్లిక్ సమావేశాలతో, ప్రగతి భవన్ పోరాటాలతో అప్రతిహతంగా దూసుకెళ్తున్న బండి సంజయ్ ని పార్టీ అద్యక్షబాద్యతలనుండి అదిష్టానం తప్పించింది. దీంతో తెలంగాణ బీజేపి క్యాడర్ మొత్తం నిరుత్సాహంలో పడిపోయింది. బహిరంగంగా ఎవరూ ఈ అంశాన్ని చెప్పకపోయినప్పటికీ యువతలో మాత్రం ఇందుకు సంబందించిన నైరాశ్యం కొట్టొచ్చినట్టు కనపడుతోంది. అసలు బండి సంజయ్ చేసిన తప్పేంటని యువత ప్రశ్నిస్తోంది.

అంతే కాకుండా బండి సంజయ్ కు అసలు బాద్యతలు తెలంగాణ బీజేపి బాద్యతలు ఎందుకు కట్టడబెట్టారు.. ఎందుకు తొలగించారని బీజేపి యువత ప్రశ్నిస్తోంది. దేశం కోసం, ధర్మం కోసం పనిచేద్దాం అనుకునే ప్రతి యువకుడిలో ఆత్మస్తైర్యాన్ని నింపి సామాన్య యువకులు కూడా క్రమశిక్షణ తో ఉంటే రాజకీయాల్లో రానించోచ్చు అని నిరూపించిన నాయకుడని యువత బండి సంజయ్ ని కొనియాడుతున్నారు. నేడు కొన్నివేలమంది కార్యకర్తలు నిరుత్సాహనికి గురి అవుతున్నమాట వాస్తవం కాని అధినాయకత్వం నిర్ణయాన్ని శిరసా వహించాల్సిందే కదా అంటూ బండి సంజయ్ కు సందేశాలు పంపిస్తున్నారు యువత.

తెలంగాణ రాష్ట్రంలో బీజేపి పార్టీ అంటే ఓక ఆప్షన్ గా తీసుకున్న చాలా మంది నేతలు బీజేపినే బెటర్ అనేస్తాయికి రాష్ట్ర అధ్యక్షులుగా సమర్థవంతంగా పని చేసి పార్టీని క్షేత్ర స్థాయికి తీసుకువెళ్లిన బండి సంజయ్ కృషికి అభినందనలంటూ.. మీ సేవలు కేంద్రంలో పార్టీ కి మరియు పరిపాలనకు ఉపయోగ పడాలని కోరుకుంటున్నామంటూ బండి సంజయ్ కి నైతిక స్థైర్యాన్ని ఇస్తున్నారు తెలంగాణ కాషాయ యువత.

English summary

Bandi Sanjay, who was advancing unopposed with padayatras, solutions to public issues, public meetings and Pragati Bhavan struggles, was relieved of the party's responsibilities by BJP High Command. With this, the entire Telangana BJP cadre fell into despair.