ప్రియుడితో కలిసి భర్తను చంపి.. ఆపై జేసీబీతో పూడ్చి.. మహా ఇల్లాలు!
సంగారెడ్డి జిల్లా నారాయణఖేడ్ మండలం గంగాపూర్ గ్రామంలో వివాహేతర సంబంధం దారుణ హత్యకు దారితీసిన సంచలన ఘటన వెలుగులోకి వచ్చింది. ఒక మహిళ తన ప్రియుడితో కలిసి భర్తను క్రూరంగా హత్య చేసి, జేసీబీ సాయంతో గ్రామ శివారులో పాతిపెట్టి, తర్వాత మిస్సింగ్ కేసుగా నాటకం ఆడిన క్రైం స్టోరీ ప్రతీ ఒక్కరిని షాక్ కు గురి చేసింది.
భర్తకు తెలీకుండా వేరే వ్యక్తితో వివాహేతర సంబంధం
ఈ ఘటనలో హత్యకు గురైన వ్యక్తి ముత్యంరెడ్డి. ఆయన భార్య కల్పన నారాయణఖేడ్ పట్టణంలోని ఒక ప్రైవేట్ ఆసుపత్రిలో నర్సుగా పని చేస్తున్నారు. కొన్నేళ్ల పాటు ముత్యంరెడ్డి-కల్పన దంపతులు సుఖంగా జీవనం సాగించారు. కానీ ఆసుపత్రిలో పని చేస్తున్న క్రమంలో కల్పనకు చింటూ అనే వ్యక్తితో పరిచయం ఏర్పడి, అది క్రమంగా వివాహేతర సంబంధంగా మారింది. భర్త ఇంట్లో లేని సమయాల్లో ఆమె రహస్యంగా చింటూతో కలుసుకుంటూ వచ్చింది.
ప్రియుడితో కలిసి భర్తను హతమార్చిన భార్య.. జేసీబీతో అలా
కొంత కాలం తర్వాత ఈ వ్యవహారం ముత్యంరెడ్డికి తెలియడంతో దంపతుల మధ్య గొడవలు మొదలయ్యాయి. తన సంబంధానికి భర్త అడ్డుగా ఉన్నాడని భావించిన కల్పన, చింటూతో కలిసి భర్తను అడ్డు తప్పించుకోవాలని ప్లాన్ వేసింది. రాత్రి సమయంలో ఇద్దరూ కలిసి ముత్యంరెడ్డిపై దాడి చేసి అత్యంత క్రూరంగా హత్య చేశారు. ఆ తర్వాత మృతదేహాన్ని గ్రామ శివారు ప్రాంతానికి తరలించి, జేసీబీతో పెద్ద గొయ్యి తవ్వి పూడ్చిపెట్టారు.
భర్త కనిపించటం లేదని నాటకం
హత్య జరిగిన మరుసటి రోజు నుంచి కల్పన తన భర్త కనిపించడం లేదని బంధువులు, స్నేహితుల ద్వారా వెతికినట్లు నాటకం ఆడింది. చివరికి నారాయణఖేడ్ పోలీస్ స్టేషన్లో మిస్సింగ్ ఫిర్యాదు చేసింది. పోలీసులు మొదట్లో సాధారణ మిస్సింగ్ కేసుగా దర్యాప్తు చేపట్టారు. అయితే కల్పన ప్రవర్తన, ఫోన్ కాల్ రికార్డులు, సాంకేతిక ఆధారాలు పరిశీలించడంతో ఆమెపై అనుమానాలు బలపడ్డాయి.
పోలీసుల విచారణలో ఏం చెప్పారంటే
పోలీసులు కల్పన మరియు చింటూను విచారణకు తీసుకున్నారు. తొలి విచారణలోనే ఇద్దరూ నేరం అంగీకరించారు. హత్య జరిగిన 9 రోజుల తర్వాత నిందితులు చూపించిన స్థలంలో రెవెన్యూ అధికారుల సమక్షంలో మృతదేహాన్ని తవ్వి బయటకు తీశారు. శవపరీక్ష పూర్తి చేసి, హత్య మరియు సాక్ష్యాల మాయం కేసుల్లో ఇద్దరినీ అరెస్ట్ చేశారు. ఈ ఘటన స్థానికంగా తీవ్ర కలకలం సృష్టించింది.
Click it and Unblock the Notifications
Sign in with Google