‘2011 మిస్ ఇండియా - కెనడా’గా టోరంటో బాలిక

టొరంటో: 19 ఏళ్ళ అఖినా మూకెన్ 2011 మిస్ ఇండియా - కెనడాగా ఎంపిక అయింది. టోరంటో కు చెందిన ఈ బాలిక 15 మందిని 21 వ వార్షిక మిస్ ఇండియా- కెనడా అందాల పోటీలో ఓడించి తాను గెలుపొందింది. ఈ సంవత్సరం వేడుకకు గౌరవ అతిధిగా వచ్చిన లిసా రే కు ఆమె సినిమాలకు చేసిన సేవలకుగాను స్పెషల్ ఎఛీవ్ మెంట్ అవార్డు బహుకరించబడింది. టోరంటోలో పుట్టిన ' రే "ఇటీవలే కేన్సర్ నుండి రికవర్ అవుతోంది. ఇవ్వబడిన పురస్కారానికి ఆమె నిర్వాహకులకు కృతజ్ఞతలు తెల్పింది. కెనడా లోని సాంస్కృతిక కార్యక్రమాలలో భాగంగా నిర్వహించబడిన ఈ అందాల సుందరి ఎంపిక కార్యక్రమానికి భారీ ఎత్తున ప్రజలు హాజరయ్యారు. వీనుల విందైన సంగీతాలు, పాటలు, కేట్ వాక్ లు, క్విజ్ లు, ఇతర పోటీలతో వేడుకలు ఘనంగా జరిగాయి. గతంలో అవార్డులు పొందిన కమల్ సిద్దు, రూబీ భాటియా, గీతా బాలి మొదలైన వారు కూడా పాల్గొన్నారు.

కాక్ టెయిల్స్, డిన్నర్, డ్యాన్స్ మొదలైన వాటితో ఈ వేడుక నాల్గు గంటల పాటు సాగింది. పోటీలు, ఇండియన్ డ్రస్, ఈవెనింగ్ గౌన్, టేలంట్ మొదలగు అంశాలలో నిర్వహించబడ్డాయి. ఈ అంశాల తర్వాత ప్రశ్నలు, జవాబుల కార్యక్రమం సాగింది. 19 ఏళ్ళ అఖినా మూకెన్ చివరగా మిస్ ఇండియా - కెనడా క్రౌన్ అలంకరించబడింది. ఈమెకు ఇతర అవార్డులే కాక ఇండియాకు ఒక ఉచిత ట్రిప్ కూడా బహుకరించారు. అందాల సుందరి కిరీటాన్ని మూకెన్ కు పెడుతూ, ఆమె కెనడా, ఇండియాలలోని వివిధ సామాజిక సంస్ధలతో పని చేయగలదని తాను ఆశిస్తున్నట్లు ఈవెంట్ ఆర్గనైజర్ సంజయ్ అగ్నిహోత్రి తెలిపారు.

మిస్ ఇండియా - కెనడా అందాల సుందరి పోటీని దివంగత పంజాబి బిజినెస్ మాన్ ఖుష్ అగ్నిహోత్రి గతంలో ఆరంభించగా నేడు అది నార్త్ అమెరికాలో ఒక పెద్ద వేడుకగా చేయబడుతోంది.

English summary

During more than four hours which involves cocktails, dinner, dances and music, contestants were first put through three segments of the pageant - Indian Dress, Evening Gown, and Talent.Started by the late Punjabi businessman Kush Agnihotri, the Miss India-Canada pageant is the biggest and oldest Indian beauty show in North America.