భార్య సహా భారత సంతతి వ్యక్తి హత్య

బర్మింగ్‌హామ్‌లో భారత సంతతి వ్యక్తి, అతని ఇంగ్లీషు భార్య హత్యకు గురయ్యారు. జాత్యహంకారంతో వారం రోజుల క్రితం భారత విద్యార్థి హత్యకు గురైన నేపథ్యంలో ఈ దంపతులు హత్యకు గురి కావడం గమనార్హం. హతులను అవతార్ సింగ్ కోలార్ (62), కరోల్ కోలార్ (58)గా వెస్ట్ మిడ్లాండ్స్ పోలీసులు గుర్తించారు. ఈ దంపతుల కుమారుడు పోలీసుగా పనిచేస్తున్నాడు.

వారం రోజుల క్రితం 23 ఏళ్ల భారత విద్యార్థి అనుజ్ బిద్వే గ్రేటర్ మాంచెస్టర్‌లో హత్యకు గురయ్యాడు. వారం రోజుల పాటు కనిపించకుండా పోయిన మరో భారత సంతతి విద్యార్థి గుర్దీప్ హయర్ (20) మాంచెస్టర్ సిటీ సెంటర్‌లో శవమై కనిపించాడు. దంపతుల హత్య కేసులో అనుమానితులను గుర్తించలేకపోయారు. ఆ ఇద్దరు శవాలు హ్యాండ్స్‌వర్త్‌లోని వారి ఇంటిలో పడి ఉన్నాయి. వారిపై దాడి చేసి చంపేసి ఉంటారని పోలీసులు అనుమానిస్తున్నారు.

English summary

An Indian-origin man and his English wife have been murdered in Birmingham, the British police said today, weeks after an Indian student was killed in an apparent hate crime in Manchester.