ఎలాన్ మస్క్ కొత్త టూల్: ఒక్క క్లిక్‌తో వీడియో!

Grok Imagine AI: ప్రపంచంలో అత్యంత ధనవంతుడు అయిన ఎలాన్ మస్క్‌కు చెందిన xAI తన ప్రముఖ టూల్ Grok Imagine AIలో ఒక కొత్త ఫీచర్‌ను తీసుకొచ్చింది. ఈ టూల్ ఇప్పటికే టెక్స్ట్-టు-ఇమేజ్, టెక్స్ట్-టు-వీడియో సామర్థ్యాలతో బాగా ప్రాచుర్యం పొందింది. అయితే ఇప్పుడు ఇమేజ్ నుంచి వీడియోను సృష్టించే ఫీచర్ మరింత చర్చనీయాంశమవుతోంది. Grok Imagine AI సహాయంతో వినియోగదారులు ఇప్పుడు ఏదైనా స్టాటిక్ చిత్రాన్ని (Still Image) యానిమేటెడ్ వీడియోగా మార్చవచ్చు. దీనికి కేవలం కొన్ని సెకన్లు మాత్రమే పడుతుంది. ఎలాన్ మస్క్ స్వయంగా ఈ కొత్త ఫీచర్ డెమోను తన సోషల్ మీడియా ప్లాట్‌ఫామ్ X (గతంలో ట్విట్టర్) లో పంచుకున్నారు.

ఎలాన్ మస్క్ పోస్ట్ ప్రకారం, Grok Imagineలో ఇప్పుడు ఒక ఎంపిక అందుబాటులో ఉంది. దీని ద్వారా ఏదైనా యూజర్ ఫోటోపై లాంగ్ ప్రెస్ చేసి, దానిని వీడియోగా మార్చవచ్చు. యూజర్ తన ఫోటోలో యానిమేషన్, మోషన్, కదలికలను జోడించవచ్చు. ఈ ఫీచర్ ద్వారా ఒక స్థిరమైన చిత్రం ప్రాణం పోసుకున్నట్లుగా చూడవచ్చు. కంపెనీ తెలిపిన వివరాల ప్రకారం.. ఈ వీడియోలు చాలా రియలిస్టిక్, స్మూత్‌గా ఉంటాయి. వీటిని సోషల్ మీడియాలో సులభంగా పంచుకోవచ్చు. వీడియోను రూపొందించడానికి ముందు, యూజర్ ఒక చిన్న ప్రాంప్ట్ కూడా ఇవ్వవచ్చు, తద్వారా ఏఐ ఆ ఫోటోను ఎలా యానిమేట్ చేయాలో అర్థం చేసుకోగలుగుతుంది (ఉదాహరణకు.. గాలి వీచేలా లేదా ముఖం నవ్వుతున్నట్లుగా).

ఫీచర్‌ను పంచుకున్న ఎలాన్ మస్క్
ఎలాన్ మస్క్ ఈ కొత్త అప్‌డేట్‌ను ఎక్స్ ఖాతా వేదికగా రెండు వేర్వేరు పోస్ట్‌ల ద్వారా తెలియజేశారు. "ఇప్పుడు యూజర్లు కేవలం ఒక ఇమేజ్ నుంచి వీడియోను సృష్టించవచ్చు, ఇది ఇంతకుముందు ఇంత సులభంగా లేదు" అని ఆయన రాశారు. పోస్ట్‌తో పాటు ఆయన కొన్ని సాంపిల్ వీడియోలను కూడా పంచుకున్నారు, అందులో ఒక సాధారణ చిత్రం ఎలా జీవన యానిమేషన్‌గా మారిందో చూపించారు. ఈ ఫీచర్ నేరుగా మొబైల్ యాప్ నుంచే పనిచేస్తుంది. అంటే దీనికి అదనపు సాఫ్ట్‌వేర్ లేదా కంప్యూటర్ అవసరం లేదు.

Long press on any image to turn it into a video!

Then customize the prompt to create whatever you can Imagine.

My prompt here was “add a boyfriend and they transition into muppets 😂 https://t.co/MkH4A4s1jl pic.twitter.com/nfNjT8ZK3m

— Elon Musk (@elonmusk) November 9, 2025

పోటీలో Grok Imagine
ఏఐ ప్రపంచంలో ఇటీవలి నెలల్లో OpenAIకి చెందిన Sora, Googleకు చెందిన Veo, Adobe Firefly వంటి టూల్స్ ఇప్పటికే వీడియో జనరేషన్ ఫీచర్లను పరిచయం చేశాయి. ఇప్పుడు Grok Imagine ఈ రేసులో తన ఉనికిని చాటుకుంటోంది. xAI కంపెనీ తమ కొత్త ఫీచర్ ఇతర టూల్స్‌తో పోలిస్తే వేగంగా ఉందని, ఉపయోగించడానికి సులభంగా ఉందని.. మరింత సహజమైన ఫలితాలను ఇస్తుందని పేర్కొంది.

ఫ్రీ యూజర్లకు కూడా అందుబాటు
xAI ఈ ఫీచర్ కేవలం ప్రీమియం యూజర్లకే పరిమితం కాదని స్పష్టం చేసింది. ఫ్రీ ప్లాన్ యూజర్లు కూడా దీనిని ఉపయోగించవచ్చు, అయితే వారికి పరిమిత సంఖ్యలో వీడియోలను సృష్టించే అనుమతి ఉంటుంది. ప్రీమియం, ప్రీమియం ప్లస్ సబ్‌స్క్రిప్షన్ తీసుకునే యూజర్లకు అడ్వాన్స్‌డ్ ఎడిటింగ్, హై-క్వాలిటీ ఎక్స్‌పోర్ట్ వంటి అదనపు ఫీచర్‌లు లభిస్తాయి.

కొత్త ఫీచర్ ఎలా పనిచేస్తుంది?
*వినియోగదారులు Grok Imagine యాప్ లేదా వెబ్‌సైట్‌లో ఒక స్థిర చిత్రాన్ని అప్‌లోడ్ చేయాలి.

*ఇమేజ్‌పై లాంగ్ ప్రెస్ చేయడం ద్వారా లేదా 'యానిమేట్' ఆప్షన్‌ను ఎంచుకోవడం ద్వారా ఏఐ ఆ చిత్రంలో కదలికను సృష్టిస్తుంది.

*యూజర్ కోరుకుంటే ఎలాంటి వీడియో కావాలో (ఉదా: గాలి వీచేలా లేదా ముఖం కదులుతున్నట్లు) ప్రాంప్ట్ ఇవ్వవచ్చు.

*కొన్ని సెకన్లలో ఈ టూల్ వీడియోను రూపొందించి డౌన్‌లోడ్ లేదా షేర్ చేయడానికి సిద్ధం చేస్తుంది.

English summary

Elon Musk xAI introduces a new Grok Imagine AI feature that lets users convert any still image into a realistic animated video in seconds.