అర్మీ భారీ రిక్రూట్‌మెంట్: 625 పోస్టుల కోసం అప్లై చేయండి

భారత రక్షణ శాఖకు సంబంధించిన డైరెక్టరేట్ జనరల్ ఆఫ్ ఎలక్ట్రానిక్స్ అండ్ మెకానికల్ ఇంజినీరింగ్ (DG EME) గ్రూప్ సీ పోస్టుల భర్తీ కోసం నోటిఫికేషన్ విడుదలైంది. ఈ నియామక ప్రక్రియ ద్వారా దేశ వ్యాప్తంగా ఉన్న వివిధ ఆర్బీ బేస్ వర్క్ షాప్స్, స్టాటిక్ వర్క్ షాప్స్‌లో మొత్తం 625 ఖాళీలను భర్తీ చేయనున్నారు. ఆసక్తి, అర్హత కలిగిన అభ్యర్థులు ఈ పోస్టులకు దరఖాస్తు చేసుకోవచ్చు.

ఉద్యోగ ప్రకటన వెలువడిన 21 రోజులలోగా దరఖాస్తులను నిర్దేశించిన చిరునామాకు పంపాలి. ఆఫ్‌లైన్ దరఖాస్తు పద్ధతిలోనే ఈ నియామక ప్రక్రియ నిర్వహిస్తున్నారు. ఈ ఉద్యోగ నియామక ప్రక్రియలో భాగంగా వివిధ పోస్టులలో ఎలక్ట్రిషియన్, టెలికాం మెకానిక్, ఫార్మసిస్ట్, ఫైర్‌మన్, లోయర్ డివిజన్ క్లర్క్, ఫిట్టర్, వెల్డర్, ట్రేడ్స్‌మెన్ మేట్, వెహికిల్ మెకానిక్, డ్రాఫ్ట్‌మెన్, స్టెనోగ్రాఫర్ పోస్టులు భర్తీ చేయనున్నారు.

ప్రతి పోస్టుకు సంబంధించి అర్హతు, విద్యార్హతలు వేరుగా ఉంటాయి. కొన్ని పోస్టులకు ఐటీఐ సర్టిఫికేట్లు, 12వ తరగతి పాస్, డిప్లొమా, డిగ్రీ పోస్టులను బట్టి అర్హతలు భిన్నంగా ఉన్నాయి. సాంకేతిక పోస్టులకు నేషనల్ కౌన్సిల్ ఫర్ ట్రైనింగ్ ఇన్ ది వొకేషనల్ ట్రేడ్స్ సర్టిఫికేట్, సంబంధిత పోస్టులో అనుభవం కూడా పరిగణలోకి తీసుకోనున్నారు.

ఆర్మీ డీజీ ఈఎంఈ గ్రూప్ సీ రిక్రూట్‌మెంట్ 2024 గ్రూప్ సీ కేటగిరీ కింద వివిధ పోస్టుల కోసం అద్భుతమైన అవకాశాలను అందిస్తుంది.

ఆర్మీ గ్రూప్ సి రిక్రూట్‌మెంట్ 2024: దరఖాస్తు ప్రక్రియ

ఆసక్తి గల అభ్యర్థులు ఆర్మీ DG EME గ్రూప్ C రిక్రూట్‌మెంట్ 2024 కోసం దరఖాస్తు చేయడానికి క్రింది దశలను అనుసరించాలి:

దరఖాస్తు ఫారమ్‌ను డౌన్‌లోడ్ చేయండి:
అభ్యర్థులు రిక్రూట్‌మెంట్ కోసం జారీ చేయబడిన అధికారిక ప్రకటన నుంచి దరఖాస్తు ఫారమ్‌ను డౌన్‌లోడ్ చేసుకోవచ్చు.

దరఖాస్తు ఫారమ్‌ను పూరించండి:
అవసరమైన అన్ని వివరాలతో దరఖాస్తు ఫారంను జాగ్రత్తగా పూరించాలి. మొత్తం ఖ సమాచారం ఖచ్చితమైనది, పూర్తి అని నిర్ధారించుకోవాలి.

అవసరమైన పత్రాలను జత చేయండి:
దరఖాస్తు ఫారమ్‌తో పాటు, అభ్యర్థులు తప్పనిసరిగా కింది పత్రాలను జతచేయాలి:

విద్యా ధృవీకరణ పత్రాల స్వీయ-ధృవీకరించిన కాపీలు
కులం/కేటగిరీ సర్టిఫికేట్ (వర్తించినట్లయితే)
వైకల్య ధృవీకరణ పత్రం (వర్తించినట్లయితే)
రూ. 5 పోస్టల్ స్టాంప్‌తో స్వీయ చిరునామా ఉన్న ఎన్వలప్
దరఖాస్తును సమర్పించాలి:
పూర్తి చేసిన దరఖాస్తును అవసరమైన పత్రాలతో పాటు అధికారిక ప్రకటనలో పేర్కొన్న సంబంధిత యూనిట్ చిరునామాలకు పంపాలి. దరఖాస్తులను సాధారణ పోస్టు ద్వారా పంపాలి.

దరఖాస్తు ఫారం కోసం ఇక్కడ క్లిక్ చేయండి

English summary

Army DG EME Group C Recruitment: Apply for 625 posts.