BSNL బంపర్ ఆఫర్.. భారీ జీతంతో ఉద్యోగాలు

భారత ప్రభుత్వ రంగ టెలికాం దిగ్గజం భారత్ సంచార్ నిగమ్ లిమిటెడ్ (BSNL) యువతకు మరో సువర్ణావకాశం అందించింది. 2026 సంవత్సరానికి గాను సీనియర్ ఎగ్జిక్యూటివ్ ట్రైనీ (Senior Executive Trainee - SET) పోస్టుల భర్తీ కోసం భారీ నోటిఫికేషన్‌ను అధికారికంగా విడుదల చేసింది. దేశవ్యాప్తంగా వివిధ విభాగాల్లో ఉన్న మొత్తం 120 ఖాళీలను భర్తీ చేయడం ఈ నియామక ప్రక్రియ లక్ష్యం. టెలికాం రంగంలో ప్రభుత్వ ఉద్యోగం సాధించాలనుకునే అర్హత కలిగిన అభ్యర్థులు 2026 ఫిబ్రవరి 5 నుంచి మార్చి 7 వరకు ఆన్‌లైన్ విధానంలో దరఖాస్తు చేసుకోవచ్చు.

ఈ పోస్టులను దేశవ్యాప్తంగా ఉన్న అన్ని BSNL యూనిట్లలో భర్తీ చేయనున్నారు. దరఖాస్తుల ప్రారంభ తేదీ ఫిబ్రవరి 5, 2026 కాగా.. దరఖాస్తుల చివరి తేదీ మార్చి 7, 2026 గా నిర్ణయించారు. CBT పరీక్ష తేదీని నోటిఫికేషన్ తర్వాత ప్రకటించనున్నారు. డాక్యుమెంట్ వెరిఫికేషన్ CBT ఫలితాల అనంతరం ఫిక్స్ చేయనున్నారు.

పోస్టుల వివరాలు..

ఈ నోటిఫికేషన్‌లో ప్రధానంగా రెండు విభాగాల్లో నియామకాలు జరగనున్నాయి:

టెలికం స్ట్రీమ్: 95 పోస్టులు

ఫైనాన్స్ స్ట్రీమ్: 25 పోస్టులు

అర్హతలు (Educational Qualifications)..

టెలికం స్ట్రీమ్..

అభ్యర్థులు గుర్తింపు పొందిన యూనివర్సిటీ/ఇన్‌స్టిట్యూట్ నుండి కింది విభాగాల్లో ఫుల్‌టైమ్ BE / B.Tech పూర్తి చేసి ఉండాలి:

ఎలక్ట్రానిక్స్ & టెలికమ్యూనికేషన్

కంప్యూటర్ సైన్స్

ఇన్ఫర్మేషన్ టెక్నాలజీ (IT)

ఎలక్ట్రికల్

ఇన్‌స్ట్రుమెంటేషన్

కనీసం 60% మార్కులు తప్పనిసరి (SC/ST/PwD వర్గాలకు నిబంధనల ప్రకారం సడలింపు ఉంటుంది).

ఫైనాన్స్ స్ట్రీమ్..

అభ్యర్థులు తప్పనిసరిగా చార్టర్డ్ అకౌంటెంట్ (CA) లేదా

కాస్ట్ అండ్ మేనేజ్‌మెంట్ అకౌంటెంట్ (CMA) అర్హత కలిగి ఉండాలి.

వయస్సు అర్హతలు..

కనీస వయస్సు: 21 సంవత్సరాలు

గరిష్ట వయస్సు: 30 సంవత్సరాలు
(మార్చి 7, 2026 నాటికి)

ప్రభుత్వ నిబంధనల ప్రకారం SC/ST/OBC/PwD వర్గాలకు వయోపరిమితిలో సడలింపులు వర్తిస్తాయి.

ఎంపిక విధానం (Selection Process)..

BSNL SET రిక్రూట్‌మెంట్‌లో ఎంపిక ప్రక్రియ రెండు దశల్లో జరుగుతుంది:

కంప్యూటర్ ఆధారిత పరీక్ష (CBT)

డాక్యుమెంట్ వెరిఫికేషన్ (Certificate Verification)

CBT పరీక్షలో ప్రతిభ చూపిన అభ్యర్థులను మెరిట్ ఆధారంగా తదుపరి దశకు ఎంపిక చేస్తారు.

దరఖాస్తు విధానం..

అర్హత కలిగిన అభ్యర్థులు BSNL అధికారిక వెబ్‌సైట్ ద్వారా మాత్రమే దరఖాస్తు చేయాలి. Official Website: https://www.bsnl.co.in. దరఖాస్తు చేయడానికి ముందు నోటిఫికేషన్ PDF‌ను పూర్తిగా చదవాలని అధికారులు సూచించారు.

వేతనం, శిక్షణ & ఇతర సౌకర్యాలు..

ఎంపికైన అభ్యర్థులకు సీనియర్ ఎగ్జిక్యూటివ్ ట్రైనీగా శిక్షణ కాలం ఉంటుంది

శిక్షణ అనంతరం ఆకర్షణీయమైన వేతనం, ప్రభుత్వ ఉద్యోగ భద్రత

ఇతర ప్రభుత్వ ఉద్యోగ సౌకర్యాలు, అలవెన్సులు వర్తిస్తాయి

వేతన వివరాలు, ట్రైనింగ్ కాలం, పోస్టింగ్ వివరాల కోసం అధికారిక నోటిఫికేషన్‌ను పరిశీలించాలి.

English summary

Indian public sector telecom giant Bharat Sanchar Nigam Limited (BSNL) has provided another golden opportunity to the youth. It has officially released a huge notification for the recruitment of Senior Executive Trainee (SET) posts for the year 2026.