యువ ఇంజినీర్లకు DRDO గోల్డెన్ ఛాన్స్.. DON'T MISS
భారత రక్షణ రంగానికి వెన్నెముకగా నిలిచిన Defence Research and Development Organisation (DRDO) నిరుద్యోగులకు తీపికబురు ప్రకటించింది. యువ ఇంజినీర్ల కోసం అద్భుతమైన ఇంటర్న్షిప్ అవకాశాన్ని అందిస్తుంది. దేశ భద్రతకు కీలకమైన క్షిపణులు, యుద్ధ విమానాలు, ఆధునిక రక్షణ పరికరాల అభివృద్ధిలో కీలక పాత్ర పోషించే ఈ సంస్థలో శిక్షణ పొందడం ప్రతి ఇంజినీరింగ్ విద్యార్థి కలగానే ఉంటుంది. ఈ ఇంటర్న్షిప్ ద్వారా ఆ కలను నిజం చేసుకునే అవకాశం లభిస్తోంది.
ఈ కార్యక్రమం ప్రధాన ఉద్దేశం యువతలో పరిశోధనపై ఆసక్తిని పెంచడమని స్పష్టం చేస్తున్నారు. దేశాన్ని సాంకేతికంగా మరింత బలపరచే శాస్త్రవేత్తలను తయారు చేయాలనే లక్ష్యంతో ప్రభుత్వం ఈ ఛాన్స్ ఇస్తున్నట్టు పేర్కొన్నారు. అలానే రక్షణ రంగంలోని సవాళ్లను ఎదుర్కొనే అనుభవం కూడా పొందుతారని అంటున్నారు. సాంకేతికత, పరిశోధన, దేశ సేవ-ఈ మూడు అంశాలను కలిపే ఈ గోల్డెన్ ఛాన్స్ను యువ ఇంజినీర్లు సద్వినియోగం చేసుకోవాలని నిపుణులు సూచిస్తున్నారు.
అర్హతలు & ఎంపిక విధానం..
ఈ ప్రతిష్టాత్మక ఇంటర్న్షిప్కు బీఈ, బీటెక్, ఎంఈ లేదా ఎంటెక్ చివరి సంవత్సరం చదువుతున్న విద్యార్థులు దరఖాస్తు చేసుకోవచ్చు. అభ్యర్థులకు ఎటువంటి బ్యాక్లాగ్లు ఉండకూడదు. అదనంగా, మంచి అకడమిక్ రికార్డ్, టెక్నికల్ స్కిల్స్ ఉన్నవారికి ఎంపికలో ప్రాధాన్యం ఉంటుంది. షార్ట్లిస్ట్ చేసిన అభ్యర్థులను మెరిట్ ఆధారంగా ఎంపిక చేసి ఈ-మెయిల్ ద్వారా సమాచారం అందిస్తారు.
భారీ స్టైపెండ్..
సాధారణ ఇంటర్న్షిప్లతో పోలిస్తే, ఈ కార్యక్రమం ప్రత్యేకత ఏమిటంటే నెలకు సుమారు ₹30,000 వరకు స్టైపెండ్ అందించడం. 4 నుంచి 6 నెలల పాటు సాగే ఈ శిక్షణలో విద్యార్థులు అగ్రశ్రేణి శాస్త్రవేత్తల పర్యవేక్షణలో పనిచేస్తారు. ల్యాబ్ రీసెర్చ్, ప్రాజెక్ట్ డెవలప్మెంట్, టెక్నికల్ అనాలిసిస్ వంటి అంశాల్లో ప్రత్యక్ష అనుభవాన్ని పొందుతారు.
DIPASలో శిక్షణ..
ఈ ఇంటర్న్షిప్ను Defence Institute of Physiology and Allied Sciences (DIPAS) నిర్వహిస్తోంది. ఇది డీఆర్డీఓలో ప్రముఖ ల్యాబ్లలో ఒకటి. ఇక్కడ హ్యూమన్ ఫిజియాలజీ, హై అల్టిట్యూడ్ రీసెర్చ్, సైనికుల ఆరోగ్యం, పనితీరు మెరుగుదల వంటి కీలక రంగాల్లో పరిశోధనలు జరుగుతాయి. శిక్షణ దిల్లీ లేదా హల్ద్వానీ కేంద్రాల్లో నిర్వహించబడుతుంది.
సర్టిఫికేట్ & కెరీర్ అవకాశాలు..
ఇంటర్న్షిప్ విజయవంతంగా పూర్తి చేసిన వారికి అధికారిక సర్టిఫికేట్ అందజేస్తారు. ఇది వారి రెజ్యూమేకు పెద్ద ప్లస్ పాయింట్గా మారుతుంది. భవిష్యత్తులో డీఆర్డీఓ లేదా ఇతర ప్రీమియర్ సంస్థల్లో ఉద్యోగ అవకాశాలను పొందడంలో ఈ అనుభవం ఎంతో ఉపయోగపడుతుంది. రీసెర్చ్ రంగంలో కెరీర్ చేయాలనుకునే వారికి ఇది బలమైన పునాది అవుతుంది.
దరఖాస్తు ప్రక్రియ & ముఖ్య తేదీలు..
ఆసక్తి గల అభ్యర్థులు 2026 మే 15లోపు అధికారిక వెబ్సైట్ drdo.gov.in ద్వారా ఆన్లైన్లో దరఖాస్తు చేయాలి. అవసరమైన విద్యార్హత సర్టిఫికేట్లు, రిజ్యూమే, ఇతర పత్రాలను అప్లోడ్ చేయాలి. ఎంపికైన అభ్యర్థులకు ఈ-మెయిల్ ద్వారా సమాచారం అందుతుంది. శిక్షణ మే లేదా జూన్ నెలలో ప్రారంభమయ్యే అవకాశం ఉంది.
Click it and Unblock the Notifications
Sign in with Google