బిగ్ షాక్.. ఎస్‌ఎస్సీ సీజీఎల్‌ పరీక్షలు వాయిదా !

స్టాఫ్ సెలక్షన్ కమిషన్ అభ్యర్ధులకు షాక్ ఇచ్చింది. ఈ నెల 13 నుంచి జరగాల్సిన కంబైన్డ్ గ్రాడ్యుయేట్ లెవల్ (CGL) ఎగ్జామినేషన్ 2025 వాయిదా పడింది. సెప్టెంబర్ మొదటి వారంలో పరీక్షలు నిర్వహించనున్నట్టు కమిషన్ ప్రకటించింది. పూర్తి షెడ్యూల్‌ను త్వరలో ప్రకటిస్తామని అధికారులు తెలిపారు.

వాయిదాకు కారణం..

సుప్రీంకోర్టు తాజాగా కంప్యూటర్ ఆధారిత పరీక్షల (CBT) నిర్వహణలో సాంకేతిక లోపాలను నివారించేందుకు మార్పులు చేయాలని SSCకి సూచించింది. ఇటీవల నిర్వహించిన SSC ఫేజ్-13 పరీక్షల సమయంలో పలు కేంద్రాల్లో లాగిన్ సమస్యలు, సర్వర్ డౌన్ అవ్వడం, ప్రశ్నలు సరిగా లోడ్ కాకపోవడం వంటి ఇబ్బందులు ఎదురయ్యాయి. ఈ కారణంగా 55 వేల మంది అభ్యర్థులు పరీక్ష రాయలేకపోయారు. వీరికి ఈ నెల చివరి వారంలో మళ్లీ పరీక్షలు నిర్వహించనున్నారు.

భర్తీ వివరాలు..

ఈ పరీక్షల ద్వారా కేంద్ర ప్రభుత్వంలోని వివిధ శాఖలు, విభాగాలు, సంస్థల్లో మొత్తం 14,582 ఖాళీలను భర్తీ చేయనున్నారు. SSC CGL 2025 నోటిఫికేషన్ జూన్ 9న విడుదల కాగా, జూన్ 9 నుంచి జూలై 4 వరకు ఆన్‌లైన్‌లో దరఖాస్తులు స్వీకరించారు.

పరీక్ష షెడ్యూల్..

టైర్-1 పరీక్షలను ఆగస్టు 13 నుంచి 30 వరకు నిర్వహించాలనే ప్రణాళిక ఉండేది. ఇవి కంప్యూటర్ ఆధారిత ఆబ్జెక్టివ్ టైప్ పరీక్షలుగా జరగాల్సి ఉంది.

పరీక్ష ప్యాటర్న్.. టైర్ - 1

మొత్తం 200 మార్కులకు 100 ప్రశ్నలు అడుగుతారు. ప్రతి సరైన జవాబుకు 2 మార్కులు, ప్రతి తప్పు జవాబుకు 0.50 మార్కులు కోత విధిస్తారు. పరీక్ష సమయం 60 నిమిషాలు.

• జనరల్ ఇంటెలిజెన్స్ & రీజనింగ్ - 25 ప్రశ్నలు (50 మార్కులు)
• జనరల్ అవేర్‌నెస్ - 25 ప్రశ్నలు (50 మార్కులు)
• క్వాంటిటేటివ్ ఆప్టిట్యూడ్ - 25 ప్రశ్నలు (50 మార్కులు)
• ఇంగ్లిష్ కాంప్రహెన్షన్ - 25 ప్రశ్నలు (50 మార్కులు)

విద్యార్థులపై ప్రభావం..

ఈ వాయిదా వల్ల, ఇప్పటికే సిద్ధమై ఉన్న అభ్యర్థులకు పునఃసమీక్ష చేసుకోవడానికి అదనపు సమయం దొరికినప్పటికీ, పరీక్ష కోసం ప్రణాళికాబద్ధంగా తయారైన వారిలో కొంత అసహనం వ్యక్తమవుతోంది. కొత్త తేదీల ప్రకారం రివిజన్ ప్లాన్ మార్చుకోవాల్సి ఉంటుంది. అభ్యర్థులు SSC అధికారిక వెబ్‌సైట్ https://ssc.nic.in/లో తాజా అప్‌డేట్స్ చూడాలని సూచించింది. కొత్త షెడ్యూల్ త్వరలో విడుదల అవుతుందని స్పష్టం చేసింది.

English summary

Staff Selection Commission has given a shock to the candidates. The Combined Graduate Level (CGL) Examination 2025, which was scheduled to be held from the 13th of this month, has been postponed. The commission has announced that the exams will be conducted in the first week of September.