IBPS: 7460 బ్యాంక్ ఉద్యోగాలు.. దరఖాస్తు గడువు పెంపు..
బ్యాంకింగ్ రంగంలో స్థిరపడాలని కలలు కనే నిరుద్యోగ యువతకు ఇన్స్టిట్యూట్ ఆఫ్ బ్యాంకింగ్ పర్సనల్ సెలెక్షన్ -IBPS ఊరటనిచ్చే తీపి కబురు చెప్పింది. వివిధ ప్రభుత్వ రంగ బ్యాంకుల్లో ఖాళీగా ఉన్న ప్రొబేషనరీ ఆఫీసర్ (PO), స్పెషలిస్ట్ ఆఫీసర్ (SO) పోస్టుల భర్తీకి సంబంధించి దరఖాస్తు గడువును పొడిగించింది. సాంకేతిక సమస్యలు లేదా ఇతర కారణాలతో ఇప్పటివరకు దరఖాస్తు చేసుకోలేకపోయిన అభ్యర్థులకు ఇది ఒక అద్భుతమైన అవకాశంగా చెప్పవచ్చు.
భారీగా ఖాళీలు.. జులై 26 వరకు ఛాన్స్!
ఈ భారీ భర్తీ ప్రక్రియ ద్వారా మొత్తం 7,460 ఉద్యోగాలను నింపనున్నారు. ఇందులో 6,715 ప్రొబేషనరీ ఆఫీసర్ (PO) పోస్టులు ఉండగా, 745 స్పెషలిస్ట్ ఆఫీసర్ (SO) ఖాళీలు ఉన్నాయి. అర్హత, ఆసక్తి ఉన్న అభ్యర్థులు జులై 26 వరకు ఐబీపీఎస్ అధికారిక వెబ్సైట్ (ibps.in) ద్వారా తమ దరఖాస్తులను ఆన్లైన్లో సమర్పించవచ్చు. గడువు ముగిసే వరకు వేచి చూడకుండా వెంటనే అప్లై చేసుకోవాలని నిపుణులు సూచిస్తున్నారు.
విద్యార్హతలు - ఎంపిక విధానం!
- పీఓ (PO) పోస్టులకు దరఖాస్తు చేసుకునే అభ్యర్థులు ఏదైనా గుర్తింపు పొందిన యూనివర్సిటీ నుంచి బ్యాచిలర్స్ డిగ్రీ (గ్రాడ్యుయేషన్) పూర్తి చేసి ఉండాలి.
- దరఖాస్తు సమయంలో మార్కుల వివరాలు సమర్పించాలి.
- ఎస్ఓ (SO) పోస్టులకు ఆయా విభాగాలను బట్టి ప్రత్యేక విద్యార్హతలు ఉంటాయి.
- ప్రిలిమ్స్, మెయిన్స్ పరీక్షలతో పాటు పర్సనల్ ఇంటర్వ్యూ ఆధారంగా అభ్యర్థులను ఎంపిక చేస్తారు.
- ప్రిలిమ్స్ పరీక్ష 100 మార్కులకు (60 నిమిషాలు), మెయిన్స్ పరీక్ష 200 మార్కులకు (160 నిమిషాలు) ఉంటుంది.
- తప్పు సమాధానాలకు 0.25 (పావు వంతు) నెగెటివ్ మార్కింగ్ ఉంటుంది.
- ఆన్లైన్ ప్రిలిమినరీ, మెయిన్స్ పరీక్షలు, ఇంటర్వ్యూ ద్వారా ఫైనల్ సెలక్షన్ ఉంటుంది.
అప్లికేషన్ ఫీజు, అప్లై చేసే విధానం!
ఓపెన్/జనరల్, ఓబీసీ, ఈడబ్ల్యూఎస్ కేటగిరీల అభ్యర్థులకు దరఖాస్తు రుసుముగా రూ.850 నిర్ణయించారు. ఎస్సీ, ఎస్టీ, దివ్యాంగులకు రుసుము రూ175గా ఉంటుంది. అభ్యర్థులు డెబిట్ కార్డ్, క్రెడిట్ కార్డ్, నెట్ బ్యాంకింగ్ లేదా యూపీఐ ద్వారా ఫీజు చెల్లించవచ్చు.
అప్లై చేయడం ఎలా?
- ముందుగా ఐబీపీఎస్ అధికారిక వెబ్సైట్ ఓపెన్ చేయాలి. (https://www.ibps.in/)
- హోమ్పేజీలోని 'PO / SO Recruitment 2026' లింక్పై క్లిక్ చేయాలి.
- ప్రాథమిక వివరాలతో రిజిస్ట్రేషన్ పూర్తి చేసి, దరఖాస్తు ఫారమ్ను నింపాలి.
- అవసరమైన పత్రాలను అప్లోడ్ చేయాలి
- ఫీజు చెల్లించిన తర్వాత ఫారమ్ను సబ్మిట్ చేసి ప్రింటవుట్ దాచుకోవాలి.
Click it and Unblock the Notifications
Sign in with Google