రూ. 1,20,940 జీతంతో ఇండియన్ బ్యాంకులో ఉద్యోగాలు..!

దేశంలోని ప్రముఖ ప్రభుత్వ రంగ బ్యాంక్‌లలో ఒకటైన ఇండియన్ బ్యాంక్ (Indian Bank) దేశవ్యాప్తంగా స్పెషలిస్ట్ ఆఫీసర్ (SO) పోస్టుల భర్తీకి భారీ నోటిఫికేషన్ విడుదల చేసింది. మొత్తం 171 ఖాళీలకు ఆన్‌లైన్ దరఖాస్తులను ఆహ్వానిస్తోంది. బ్యాంకింగ్ రంగంలో శాశ్వత ఉద్యోగం కోరుకునే అభ్యర్థులకు ఇది మంచి అవకాశం. అభ్యర్థులు తమ దరఖాస్తులను ఇండియన్ బ్యాంక్ అధికారిక వెబ్‌సైట్ www.indianbank.in ద్వారా సమర్పించాలి. ఈ నోటిఫికేషన్ గురించి పూర్తి వివరాలు మీకోసం ప్రత్యేకంగా..

మొత్తం ఖాళీలు..

171

పోస్టులు స్కేల్ I, II, III, IV కేటగిరీల్లో భర్తీ చేయబడతాయి.

పోస్టుల విభాగాలు..

• క్రెడిట్ అనలిస్ట్
• ఫైనాన్షియల్ అనలిస్ట్
• రిస్క్ మేనేజ్‌మెంట్
• ఇన్ఫర్మేషన్ టెక్నాలజీ & ఇన్ఫర్మేషన్ సెక్యూరిటీ
• డేటా అనలిస్ట్
• కంపెనీ సెక్రటరీ
• చార్టర్డ్ అకౌంటెంట్ (CA)
• లీగల్ ఆఫీసర్, ట్రెజరీ మేనేజ్‌మెంట్

అర్హతలు..

ప్రతి విభాగానికి తగిన విద్యార్హతలు వేర్వేరుగా నిర్దేశించబడ్డాయి.

• CA / CWA / ICWA
• BE / B.Tech (Computer Science / IT / ECE)
• MCA / M.Sc (Computer Science / IT)
• MBA / PGDM (Finance, Marketing, HR)
• LLB / Company Secretary (ICSI)
• Economics / Statistics / Risk Management లో పీజీ డిగ్రీ

అభ్యర్థులు ఈ విద్యార్హతలను గుర్తింపు పొందిన యూనివర్సిటీ లేదా ఇన్స్టిట్యూట్‌ నుండి పూర్తి చేసి ఉండాలి. కొన్ని పోస్టులకు సంబంధిత రంగంలో 2 నుండి 7 సంవత్సరాల అనుభవం తప్పనిసరి.

వయోపరిమితి..

దరఖాస్తుదారుల కనీస వయస్సు 23 సంవత్సరాలు, గరిష్ట వయస్సు 36 సంవత్సరాలుగా నిర్ణయించారు. ప్రభుత్వ నియమాల ప్రకారం వయోపరిమితిలో సడలింపులు ఈ విధంగా ఉంటాయి:

• SC / ST: 5 సంవత్సరాలు
• OBC: 3 సంవత్సరాలు
• PwD అభ్యర్థులు: 10 సంవత్సరాలు

జీతం..

ఇండియన్ బ్యాంక్ స్పెషలిస్ట్ ఆఫీసర్లకు ఆకర్షణీయమైన వేతనాలు ఉన్నాయి.

• స్కేల్ II: రూ.64,820 - రూ.93,960
• స్కేల్ III: రూ.85,920 - రూ.1,05,280
• స్కేల్ IV: రూ.1,02,300 - రూ.1,20,940

అదనంగా, బ్యాంక్ నిబంధనల ప్రకారం DA, HRA, Medical Allowance, Leave Travel Concession, Incentives వంటి పలు సదుపాయాలు కూడా అందిస్తారు.

ఎంపిక విధానం..

ఎంపిక ప్రక్రియలో రెండు దశలు ఉంటాయి:

• ఆన్‌లైన్ రాత పరీక్ష / Objective Test
• ఇంటర్వ్యూ

దరఖాస్తు రుసుము..

• దరఖాస్తు రుసుము జనరల్, OBC, EWS అభ్యర్థులకు రూ.1,000గా నిర్ణయించబడింది.
• SC, ST, PwD అభ్యర్థులకు రూ.175 మాత్రమే.
• ఈ రుసుము ఆన్‌లైన్ పద్ధతిలో (Debit/Credit Card, UPI, Net Banking ద్వారా) చెల్లించాలి.

పరీక్షా విధానం..

ఆన్‌లైన్ పరీక్ష మొత్తం 160 ప్రశ్నలతో, 220 మార్కులకు నిర్వహించబడుతుంది. పరీక్షా సమయం 2 గంటలు. పరీక్షలో నాలుగు విభాగాలు ఉంటాయి: ఇంగ్లీష్ లాంగ్వేజ్, రీజనింగ్ ఎబిలిటీ, క్వాంటిటేటివ్ ఆప్టిట్యూడ్, ప్రొఫెషనల్ నాలెడ్జ్.

• ఇంగ్లీష్ లాంగ్వేజ్ విభాగంలో 20 ప్రశ్నలకు 20 మార్కులు కేటాయిస్తారు.
• ఈ సెక్షన్ అభ్యర్థి గ్రమ్మర్, వోక్యాబులరీ, కంప్రిహెన్షన్ స్కిల్స్‌ను అంచనా వేస్తుంది.
• రీజనింగ్ ఎబిలిటీ విభాగంలో 40 ప్రశ్నలు ఉంటాయి. లాజికల్ థింకింగ్, సిట్యుయేషన్ అనాలిసిస్, సీరీస్ మరియు పజిల్స్ వంటి అంశాలు ఇందులో ఉంటాయి.
• క్వాంటిటేటివ్ ఆప్టిట్యూడ్ విభాగంలో 40 ప్రశ్నలు, 40 మార్కులు ఉంటాయి.
• మ్యాథమెటికల్ అబిలిటీ, డేటా ఇంటర్‌ప్రిటేషన్, టైమ్-స్పీడ్-డిస్టెన్స్ వంటి అంశాలను పరీక్షిస్తారు.
• అత్యంత కీలకమైన ప్రొఫెషనల్ నాలెడ్జ్ విభాగంలో 60 ప్రశ్నలు ఉంటాయి, మొత్తం 120 మార్కులు కేటాయిస్తారు.
• ప్రతి తప్పు సమాధానానికి 1/4 మార్కు తగ్గించబడుతుంది.

ముఖ్య సూచనలు..

• అభ్యర్థులు దరఖాస్తు చేసుకునే ముందు అధికారిక నోటిఫికేషన్‌ను పూర్తిగా చదవాలి.
• అర్హత, అనుభవం, వయస్సు, వేతనం వంటి అన్ని వివరాలు ధృవీకరించాలి.
• ఆన్‌లైన్ ఫారం సబ్మిట్ చేసిన తర్వాత ప్రింట్ అవుట్ తీసుకుని భద్రపరచుకోవాలి.
• పరీక్షా తేదీలు మరియు అడ్మిట్ కార్డ్ వివరాలు తర్వాత అధికారిక వెబ్‌సైట్‌లో ప్రకటించబడతాయి.

English summary

Indian Bank, one of the leading public sector banks in the country, has released a huge notification for the recruitment of Specialist Officer (SO) posts across the country. It is inviting online applications for a total of 171 vacancies.