ఇండియన్ కోస్ట్ గార్డ్ లో ఉద్యోగాలు.. అప్లై చేశారా..?
కేవలం టెన్త్, ఇంటర్ విద్యార్హతతోనే భారత తీరరక్షక దళంలో పనిచేయాలని అనుకుంటున్నారా..? అయితే మీకు గుడ్ న్యూస్. ఇండియన్ కోస్ట్ గార్డ్ 260 నావిక్ (జనరల్ డ్యూటీ), నావిక్ (డొమెస్టిక్ బ్రాంచ్) 40 యాంత్రిక్ పోస్టుల భర్తీ కోసం ప్రకటన విడుదల చేసింది. ఆసక్తి గల అభ్యర్థులు ఫిబ్రవరి 25లోగా ఆన్లైన్లో దరఖాస్తు చేసుకోవాలని ప్రకటించింది.
మొత్తం పోస్టుల సంఖ్య
నావిక్ (జనరల్ డ్యూటీ) - 260 పోస్టులు
నావిక్ (డొమెస్టిక్ బ్రాంచ్) - 40 పోస్టులు
విద్యార్హతలు
నావిక్ (డొమెస్టిక్ బ్రాంచ్) : అభ్యర్థులు ప్రభుత్వ గుర్తింపు పొందిన విద్యాసంస్థ నుంచి 10వ తరగతి ఉత్తీర్ణత సాధించి ఉండాలి.
నావిక్ (జనరల్ డ్యూటీ) : ప్రభుత్వ గుర్తింపు పొందిన విద్యా బోర్డ్ నుంచి 10+2 క్వాలిఫై అయ్యుండాలి.
యాంత్రిక్ పోస్టులు : అభ్యర్థులు ఆయా పోస్టులను అనుసరించి డిప్లొమా కోర్స్ చేసి ఉండాలి. లేదా ఎలక్ట్రికల్, మెకానికల్, ఎలక్ట్రానిక్స్, టెలికమ్యునికేషన్ (రేడియో/ పవర్) ఇంజినీరింగ్ చేసి ఉండాలి.
వయోపరిమితి
అభ్యర్థుల వయస్సు 18 ఏళ్ల నుంచి 22 ఏళ్ల మధ్యలో ఉండాలి.
దరఖాస్తు రుసుము
జనరల్, ఓబీసీ అభ్యర్థులు అప్లికేషన్ ఫీజుగా రూ.300 చెల్లించాల్సి ఉంటుంది. అయితే ఎస్సీ, ఎస్టీ అభ్యర్థులకు దరఖాస్తు రుసుము నుంచి మినహాయింపు ఇచ్చారు.
ఎంపిక విధానం
అభ్యర్థులకు ముందుగా రాత పరీక్ష నిర్వహిస్తారు. తరువాత అసెస్మెంట్/ అడాప్టబిలిటీ టెస్ట్, ఫిజికల్ ఫిట్నెస్ టెస్ట్ నిర్వహిస్తారు. వీటిలో క్వాలిఫై అయిన అభ్యర్థులకు డాక్యుమెంట్ వెరిఫికేషన్, మెడికల్ ఎగ్జామినేషన్ నిర్వహించి.. ఆయా పోస్టులకు ఎంపిక చేస్తారు.
జీతభత్యాలు
నావిక్ పోస్టులకు ఎంపికైన అభ్యర్థులకు బేసిక్ శాలరీగా రూ.21,700 చెల్లిస్తారు. యాంత్రిక్ పోస్టులకు ఎంపికైన అభ్యర్థులకు బేసిక్ పే రూ.29,200 అందిస్తారు.
దరఖాస్తు విధానం
అభ్యర్థులు ముందుగా జాయిన్ ఇండియా కోస్ట్ గార్డ్ అధికారిక వెబ్సైట్ను ఓపెన్ చేయాలి. మీ పేరు మీద రిజిస్ట్రేషన్ ప్రాసెస్ పూర్తి చేయాలి.
దరఖాస్తు ఫారంలో మీ వ్యక్తిగత, విద్యార్హతల వివరాలు నమోదు చేయాలి. విద్యార్హత పత్రాలు అప్లోడ్ చేయాలి. దరఖాస్తు రుసుమును ఆన్లైన్లో చెల్లించి, దరఖాస్తును సబ్మిట్ చేయాలి. భవిష్యత్ రిఫరెన్స్ కోసం అప్లికేషన్ ప్రింట్అవుట్ తీసుకుని భద్రపరుచుకోవాలి.
ముఖ్యమైన తేదీలు
ఆన్లైన్ దరఖాస్తు ప్రారంభ తేదీ : 2025 ఫిబ్రవరి 2
ఆన్లైన్ దరఖాస్తుకు ఆఖరు తేదీ : 2025 ఫిబ్రవరి 25
Click it and Unblock the Notifications
Sign in with Google