రూ.1,42,400 జీతంతో ఇంటెలిజెన్స్ బ్యూరోలో ఉద్యోగాలు..!

ప్రభుత్వ ఉద్యోగాలకు ప్రిపేర్ అవుతున్న నిరుద్యోగులకు గుడ్ న్యూస్. భారత ప్రభుత్వ ఇంటెలిజెన్స్ బ్యూరో (IB)లో ఉద్యోగాలను భర్తీకి నోటిఫికేషన్ విడుదలైంది. అసిస్టెంట్ సెంట్రల్ ఇంటెలిజెన్స్ ఆఫీసర్ గ్రేడ్-II (టెక్నికల్) పోస్టుల భర్తీకి అధికారిక ప్రకటన రిలీజ్ చేశారు. మొత్తం 258 సాంకేతిక పోస్టులుకు దరఖాస్తు ప్రక్రియ అక్టోబర్ 25న ప్రారంభమవుతుంది. ఆసక్తి గల అభ్యర్థులు నవంబర్ 16, 2025 వరకు ఆన్‌లైన్‌లో దరఖాస్తు చేసుకోవచ్చు.

విద్యార్హత..

ఈ ఉద్యోగాలకు దరఖాస్తు చేయదలచిన అభ్యర్థులు ఎలక్ట్రానిక్స్, టెలికమ్యూనికేషన్స్, కంప్యూటర్ సైన్స్ లేదా ఇన్ఫర్మేషన్ టెక్నాలజీ వంటి విభాగాల్లో బీటెక్ లేదా బీఈ డిగ్రీ కలిగి ఉండాలి. అదనంగా, పోస్ట్‌గ్రాడ్యుయేట్ డిగ్రీ (M.Sc/M.Tech) ఉన్నవారికి ప్రాధాన్యత ఇవ్వబడుతుంది. అభ్యర్థులు తమ విద్యార్హతలను AICTE గుర్తించిన విశ్వవిద్యాలయాల నుంచి పొందినవే అయి ఉండాలి. గేట్ (GATE) స్కోర్ తప్పనిసరిగా ఉండాలి.

వయోపరిమితి & సడలింపులు..

ఈ పోస్టులకు కనీస వయసు 18 సంవత్సరాలు, గరిష్ట వయసు 27 సంవత్సరాలుగా నిర్ణయించారు.

• SC/ST అభ్యర్థులకు 5 సంవత్సరాల వయో సడలింపు
• OBC అభ్యర్థులకు 3 సంవత్సరాల వయో సడలింపు

రాష్ట్ర, కేంద్ర ప్రభుత్వ ఉద్యోగులకు కూడా నియమావళి ప్రకారం రాయితీలు లభిస్తాయి.

ఎంపిక విధానం..

అభ్యర్థుల ఎంపిక మూడు దశల్లో జరుగుతుంది:

GATE స్కోర్ ఆధారంగా ప్రాథమిక షార్ట్‌లిస్టింగ్

స్కిల్ టెస్ట్ (Technical Assessment)

ఇంటర్వ్యూ (Personal Interaction)

ఫైనల్ మెరిట్ లిస్ట్ ఈ మూడు దశలలో సాధించిన సమిష్టి మార్కుల ఆధారంగా రూపొందించబడుతుంది.

జీతం..

ఎంపికైన అభ్యర్థులకు పే స్కేల్ రూ.44,900 - రూ.1,42,400 (లెవల్ 7, 7th CPC) కింద వేతనం లభిస్తుంది. అదనంగా డియర్‌నెస్ అలవెన్స్ (DA), హౌస్ రెంట్ అలవెన్స్ (HRA), ట్రాన్స్‌పోర్ట్ అలవెన్స్ (TA) వంటి అన్ని సదుపాయాలు వర్తిస్తాయి.

దరఖాస్తు ఫీజు..

జనరల్, OBC, EWS అభ్యర్థులకు: రూ.200

SC/ST, మహిళలు, దివ్యాంగులు: రూ.100

ఫీజు ఆన్‌లైన్ ద్వారా డెబిట్/క్రెడిట్ కార్డు లేదా నెట్ బ్యాంకింగ్ ద్వారా చెల్లించాలి.

దరఖాస్తు విధానం..

దరఖాస్తు చేసుకునే ముందు అభ్యర్థులు అధికారిక వెబ్‌సైట్ www.mha.gov.in లేదా www.ncs.gov.in ను సందర్శించాలి. ఎంపికైన అభ్యర్థులకు నియామకానికి ముందు ఢిల్లీ లేదా హైదరాబాద్‌లోని నేషనల్ అకాడమీ ఆఫ్ ఇంటెలిజెన్స్ (NAI) లో ప్రత్యేక శిక్షణ ఇవ్వబడుతుంది. అనంతరం వారిని దేశంలోని వివిధ ప్రాంతాల్లోని ఇంటెలిజెన్స్ బ్యూరో ఫీల్డ్ యూనిట్లలో నియమిస్తారు.

ముఖ్య సూచనలు..

• దరఖాస్తు సమయంలో అభ్యర్థులు తమ గేట్ రిజిస్ట్రేషన్ నంబర్ మరియు వాలిడ్ ఈమెయిల్ ఐడి తప్పనిసరిగా ఇవ్వాలి.
• ఒకసారి సమర్పించిన దరఖాస్తులో మార్పులు చేయడం సాధ్యం కాదు.
• ఫైనల్ ఫలితాలు IB అధికారిక వెబ్‌సైట్‌లో మాత్రమే ప్రకటించబడతాయి.

English summary

Good news for the unemployed who are preparing for government jobs. A notification has been released for filling up jobs in the Intelligence Bureau (IB) of the Government of India.