తెలంగాణలో ఇంటర్ అడ్వాన్డ్స్ సప్లీమెంటరీ రిజల్ట్స్ రిలీజ్..

తెలంగాణలో ఇంటర్ అడ్వాన్స్‌డ్ సప్లిమెంటరీ పరీక్ష ఫలితాలు విడుదలయ్యాయి. ఇంటర్ బోర్డు అధికారికంగా ఈరోజు (జూన్ 10) మధ్యాహ్నం 12 గంటలకు రిజల్ట్స్ ప్రకటించింది. ఈ ఫలితాలను తెలంగాణ స్టేట్ బోర్డ్ ఆఫ్ ఇంటర్మీడియట్ ఎడ్యుకేషన్ (TSBIE) అధికారిక వెబ్‌సైట్ https://tsbie.cgg.gov.in. ‌లో చూసుకోవచ్చు. అంతేకాకుండా, ఫలితాలు మనబడి, స్కూల్9, ఇండియా రిజల్ట్స్ లాంటి ప్రైవేట్ వెబ్‌సైట్లలో కూడా అందుబాటులో ఉంటాయి.

కాగా ఇంటర్ అడ్వాన్స్‌డ్ సప్లిమెంటరీ పరీక్షలు మే 22 నుండి మే 29 వరకు రాష్ట్రవ్యాప్తంగా నిర్వహించారు. ఈ పరీక్షలకు మొత్తం 4.13 లక్షల మంది విద్యార్థులు హాజరయ్యారు. జోసా కౌన్సెలింగ్ (JoSAA), ఈఏపీసెట్ (EAPCET), నీట్ (NEET), జేఈఈ (JEE), ఇతర ప్రొఫెషనల్ కోర్సులకు అర్హత పొందేందుకు ఇంటర్ మార్కులే ఆధారం అవుతాయి. ఈ క్రమంలోనే పరీక్షలు నిర్వహించిన తక్కువ కాలంలోనే ఫలితాలను విడుదల చేసినట్టు తెలుస్తోంది.

ఫలితాలను ఎలా చెక్ చేయాలి..

అధికారిక వెబ్‌సైట్ https://tsbie.cgg.gov.in ఓపెన్ చేయండి

"IPE Advanced Supplementary Results 2025" లింక్‌పై క్లిక్ చేయండి

హాల్ టికెట్ నెంబర్ ఎంటర్ చేసి, "Get Result" క్లిక్ చేయండి

ఫలితాలు స్క్రీన్‌పై కనిపిస్తాయి - వాటిని డౌన్‌లోడ్ చేసుకుని ప్రింట్ తీసుకోవచ్చు

విద్యార్థులకు సూచనలు..

ఫలితాల్లో ఏదైనా సమస్య ఉంటే, సంబంధిత కాలేజ్ లేదా బోర్డు కార్యాలయాన్ని సంప్రదించాలి

మెమోస్ డౌన్‌లోడ్ చేసుకునే అవకాశం కొద్ది రోజుల్లో ప్రారంభమవుతుంది

సర్టిఫికెట్ అవసరమైతే డిజిటల్ విధానంలో డౌన్‌లోడ్ చేసుకోవచ్చు.

ఈ అడ్వాన్స్‌డ్ సప్లిమెంటరీ ఫలితాలు విద్యార్థుల భవిష్యత్‌కు ఓ 'సెకండ్ ఛాన్స్' లాంటివి. ఒకవేళ ఈ సప్లిమెంటరీలో కూడా ఫెయిలైతే, విద్యార్థులు వచ్చే ఏడాది వరకు ఎదైనా ప్రవేశ పరీక్షలు రాయలేరు, లేదా హయ్యర్ స్టడీస్‌కి అడుగుపెట్టలేరు. ఫెయిల్ అయినవారు డిప్రెషన్‌కి లోనవకుండా, స్ఫూర్తిగా మరలా ఎగ్జామ్ కోసం ప్రిపేర్ కావాలని సూచిస్తున్నారు.

English summary

results of the Inter Advanced Supplementary Examination in Telangana have been released. The Inter Board officially declared the results today (June 10) at 12 noon.