తెలంగాణ ఈఏపీసెట్ సహా ఉమ్మడి ప్రవేశ పరీక్షల తేదీలు విడుదల

తెలంగాణ ఎంసెట్ పేరును టీఎస్ ఈఏపీసెట్‌గా మారుస్తూ ఉన్నత విద్యా మండలి ఉత్తర్వులు జారీ చేసిన విషయం తెలిసిందే. ఈ నేపథ్యంలో తెలంగాణ ఉమ్మడి ప్రవేశ పరీక్షలకు నోటిఫికేషన్ విడుదల చేసింది. 2024-25 విద్యా సంవత్సరంలో ప్రవేశాలకు నిర్వహించే పరీక్షల తేదీలు, వర్సిటీలు ఖరారు చేసింది.

మే 9 నుంచి 11 వరకు ఇంజినీరింగ్ ప్రవేశ పరీక్షలు జరగనున్నాయి. మే 12, 13 తేదీల్లో అగ్రికల్చర్, ఫార్మసీ ప్రవేశ పరీక్ష, మే 6న టీఎస్ ఈ సెట్ పరీక్షను నిర్వహిస్తారు. జూన్ 4న ఐసెట్ ప్రవేశ పరీక్ష, జూన్‌ 6 నుంచి 8 వరకు టీఎస్ పీజీఈసెట్ పరీక్షలు జరగనున్నాయి.

తెలంగాణ ఈసెట్- మే 6 (ఉస్మానియా వర్సిటీ)
టీఎస్ ఈఏపీసెట్(ఇంజినీరింగ్)- మే 9 నుంచి 11 వరకు, (అగ్రికల్చరల్ అండ్ ఫార్మా) మే 12, 13 జేఎన్టీయూహెచ్
టీఎస్ ఎడ్‌సెట్ : మే 23, మహాత్మాగాంధీ యూనివర్సిటీ
టీఎస్ లా సెట్: పీజీ ఎల్ సెట్: జూన్ 3, ఉస్మానియా యూనివర్సిటీ
టీఎస్ ఐసెట్: జూన్ 4,5, కాకతీయ యూనివర్సిటీ
టీఎస్ పీజీఈసెట్: జూన్ 6 నుంచి 8 వరకు, జేఎన్టీయూహెచ్
టీఎస్ పీఈసెట్: జూన్ 10 నుంచి 13 వరకు, శాతవాహన యూనివర్సిటీ

కాగా, ఈ ప్రవేశ పరీక్షలకు సంబంధించిన నోటిఫికేషన్లు, షెడ్యూల్, రిజిస్ట్రేషన్, ఫీజు తదితర వివరాలను సంబంధిత పరీక్షల కన్వీనర్లు వెల్లడిస్తారని తెలంగాణ రాష్ట్ర ఉన్నత విద్యా మండలి కార్యదర్శి శ్రీనివాసరావు పేర్కొన్నారు.

English summary

telangana eamcet name change as EAPCET and exam dates released.