TG EAPCET 2026: పరీక్ష రాసిన వెంటనే మార్కులు! ఈసారి 4 సంచలన మార్పులు!
తెలంగాణ రాష్ట్రంలో వృత్తి విద్యా కోర్సుల్లో చేరాలనుకునే విద్యార్థులకు కీలక అప్డేట్. నేటి నుంచి ఏప్రిల్ 4 వరకు ఎప్సెట్ దరఖాస్తులను ఆన్లైన్లో స్వీకరించనున్నారు. మే 4 నుంచి 11వ తేదీ వరకు పరీక్షలు జరగనున్నాయి. ఈసారి అభ్యర్థుల సౌకర్యార్థం అధికారులు సరికొత్త సాంకేతిక మార్పులను ప్రవేశపెట్టారు.
తెలంగాణలో ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశాల కోసం నిర్వహించే TG EAPCET 2026 నోటిఫికేషన్ విడుదలైంది. ఈ ఏడాది పరీక్ష నిర్వహణలో జేఎన్టీయూ-హైదరాబాద్ పలు విప్లవాత్మక మార్పులు చేపట్టింది. విద్యార్థులకు మరింత వెసులుబాటు కల్పించేలా తీసుకొచ్చిన ఆ మార్పులు మరియు దరఖాస్తు వివరాలు ఇక్కడ..
TG EAPCET 2026: 4 ప్రధాన మార్పులు:
తక్షణమే మార్కుల వెల్లడి:
ఈసారి విద్యార్థులు పరీక్ష పూర్తి చేయగానే, వారి స్క్రీన్పై ప్రిలిమినరీ కీ ఆధారంగా వచ్చిన మార్కులు వెంటనే కనిపిస్తాయి. దీనివల్ల విద్యార్థులు తమ ఫలితంపై అక్కడికక్కడే ఒక స్పష్టతకు రావచ్చు. అంతేకాకుండా, వచ్చిన మార్కులకు ఎంత ర్యాంకు రావచ్చో అంచనా వేయడానికి గత రెండేళ్ల గణాంకాలను కూడా వెబ్సైట్లో అందుబాటులో ఉంచారు.
Downloadమొబైల్ ఫోన్ ద్వారా దరఖాస్తు:
కంప్యూటర్లు, ల్యాప్టాప్లు అందుబాటులో లేని గ్రామీణ ప్రాంత విద్యార్థుల కోసం ఈసారి మొబైల్లోనే దరఖాస్తు చేసుకునే వెసులుబాటు కల్పించారు. ఇంటర్నెట్ సెంటర్లకు వెళ్లే శ్రమ లేకుండా, స్మార్ట్ఫోన్ ద్వారా డెస్క్టాప్ తరహాలోనే సులభంగా అప్లికేషన్ పూర్తి చేయవచ్చు.
రిజిస్ట్రేషన్ స్టేటస్ చెకింగ్:
దరఖాస్తు చేసుకున్న తర్వాత అప్లికేషన్ ఏ స్థితిలో ఉందో తెలుసుకోవడానికి, ఒకవేళ రిజిస్ట్రేషన్ నంబర్ మర్చిపోయినా తిరిగి పొందేందుకు 'Know your registration status' అనే కొత్త ఆప్షన్ను ప్రవేశపెట్టారు. ట్రాన్సాక్షన్ ఐడీ, మొబైల్ నంబర్ మరియు ఇంటర్ హాల్ టికెట్ నంబర్ ద్వారా ఈ వివరాలు పొందవచ్చు.
తప్పుల సవరణకు హెల్ప్డెస్క్ సాయం:
చాలామంది విద్యార్థులు ఎంపీసీ (MPC) కి బదులు బైపీసీ (BiPC) అని పొరపాటున ఎంటర్ చేస్తుంటారు. ఇలాంటి తప్పులను గుర్తించడానికి అధికారులు ఇంటర్ బోర్డుతో సమన్వయం చేసుకుంటున్నారు. డేటాలో ఏవైనా తేడాలు ఉంటే హెల్ప్డెస్క్ నుంచి అధికారులే నేరుగా విద్యార్థులకు ఫోన్ చేసి సరిదిద్దుతారు.
ముఖ్యమైన తేదీలు:
- దరఖాస్తుల ప్రారంభం: ఫిబ్రవరి 19, 2026
- చివరి తేదీ: ఏప్రిల్ 4, 2026
- పరీక్షల నిర్వహణ: మే 4 నుండి మే 11 వరకు
Click it and Unblock the Notifications
Sign in with Google