TTD Jobs : టీటీడీలో ఉద్యోగాలు... జీతం రూ.61వేలు..

TTD Jobs : టీటీడీలో ఉద్యోగాలు... జీతం రూ.61వేలు..

49 డిగ్రీ లెక్చరర్‌ పోస్టులకు టీటీడి జాబ్ నోటిఫికేష‌న్ విడుద‌ల చేసింది. ఈ పోస్టుల‌కు ద‌ర‌ఖాస్తు ప్ర‌క్రియ కూడా ప్రారంభ‌మైంది. శాశ్వత ప్రాతిపదికన టీటీడీ డిగ్రీ కాలేజీలు/ ఓరియంటల్ కాలేజీల్లో డిగ్రీ లెక్చరర్‌ ఉద్యోగాల భర్తీకి నోటిఫికేషన్‌ విడుదల చేసింది. ఈ పోస్టుల‌కు అప్ల‌య్ చేయాల‌నుకునేవారు ఆంధ్రప్రదేశ్ రాష్ట్రంలోని హిందూ మతానికి చెందిన వారు మాత్ర‌మే అయి ఉండాలి. ఈ పోస్టుల‌కు ఆన్‌లైన్‌లో మాత్ర‌మే దరఖాస్తు చేసుకోవాల్సి ఉంటుంది. మొత్తం 49 డిగ్రీ లెక్చరర్‌ పోస్టులకు నోటిఫికేష‌న్ వెలువ‌డింది. మార్చి 7వ తేదీ ద‌ర‌ఖాస్తు ప్ర‌క్రియ ప్రారంభ‌మైంది. మార్చి 27 వరకు ఈ పోస్టుల‌కు ద‌ర‌ఖాస్తు చేసుకోవ‌చ్చు. వీటితో పాటు జూనియ‌ర్ లెక్చ‌ర‌ర్ పోస్టులు కూడా నోటిఫికేష‌న్ విడుద‌ల‌య్యింది.

జూనియ‌ర్ లెక్చ‌ర‌ర్ పోస్టులు మొత్తం 29. ఈ పోస్టుల‌కు సంబంధించిన ద‌ర‌ఖాస్తు ప్ర‌క్రియ మార్చి 5వ తేదీ నుంచే ప్రారంభ‌మైంది. ఈ పోస్టుల‌కు ద‌ర‌ఖాస్తు చేసుకునేందుకు చివ‌రితేది మార్చి 25. అర్హత, ఆసక్తిగల అభ్యర్థులు పూర్తి వివరాల‌కోసం, ద‌ర‌ఖాస్తు చేసుకోవడానికి ఏపీపీఎస్సీ అధికారిక వెబ్‌సైట్‌ను సంద‌ర్శించొచ్చు.

డిఎల్ పోస్టులు మొత్తం .. 49

సబ్జెక్టుల వారీగా ఖాళీల వివ‌రాలివే.

బోటనీ- 3,
కెమిస్ట్రీ- 2,
కామర్స్- 9,
డెయిరీ సైన్స్- 1,
ఎలక్ట్రానిక్స్- 1,
ఇంగ్లిష్- 8,
హిందీ- 2,
హిస్టరీ- 1,
హోమ్ సైన్స్- 4,
ఫిజికల్ ఎడ్యుకేషన్- 2,
ఫిజిక్స్- 2,
పాపులేషన్ స్టడీస్- 1,
సంస్కృతం- 1,
సంస్కృత వ్యాకరణం- 1,
స్టాటిస్టిక్స్- 4,
తెలుగు- 3,
జువాలజీ- 4 పోస్టులున్నాయి.

ఇత‌ర వివ‌రాలు ఇలా ఉన్నాయి...

విద్యార్హ‌త : కనీసం 55% మార్కులతో సంబంధిత సబ్జెక్టులో మాస్టర్స్ డిగ్రీ ఉత్తీర్ణతతో పాటు నెట్‌/ స్లెట్‌ అర్హత సాధించి ఉండాలి.
వ‌య‌సు : 01-07-2023 నాటికి 18 నుంచి 42 ఏళ్ల మధ్య ఉండాలి. ఎస్సీ, ఎస్టీ, బీసీ, ఈడబ్ల్యూఎస్‌ అభ్యర్థులకు అయిదేళ్లు, దివ్యాంగులకు పదేళ్ల సడలింపు వ‌ర్తిస్తుంది.
నెల‌వారి వేత‌న వివ‌రాలు : నెలకు డిగ్రీ లెక్చరర్‌ పోస్టులకు రూ.61,960- రూ.1,51,370 వేత‌నంగా ఉంటుంది.
ఎంపిక ప్రక్రియ : రాత పరీక్ష (కంప్యూటర్ ఆధారిత రిక్రూట్‌మెంట్ టెస్ట్), ధ్రువపత్రాల పరిశీలన తదితరాల ఆధారంగా అభ్యర్థులను ఎంపిక చేయ‌డం జ‌రుగుతుంది.
ఫీజు వివ‌రాలు: ఎస్సీ, ఎస్టీ, బీసీ, దివ్యాంగులు, ఎక్స్-సర్వీస్ మెన్ అభ్యర్థులకు రూ.250.. ఇతరులకు రూ.370గా ప‌రిణించారు.
అప్ల‌య్ చేయు విధానం : ఆన్‌లైన్‌లో మాత్ర‌మే దరఖాస్తు చేసుకోవాల్సి ఉంటుంది.
దరఖాస్తు తేదీలు : డిగ్రీ లెక్చరర్‌ పోస్టులకు మార్చి 7 నుంచి మార్చి 27వ తేదీ వరకు దరఖాస్తు చేసుకోవచ్చు.

English summary

TTD has released job notification for 49 Degree Lecturer posts. The application process for these posts has also started