CISF Recruitment 2021: కేవలం వారు మాత్రమే అప్లై చేసుకోవచ్చు

సెంట్రల్ ఇండస్ట్రియల్ సెక్యూరిటీ ఫోర్స్(సీఐఎస్ఎఫ్)లో పలు ఉద్యోగాల భర్తీకి యూనియన్ పబ్లిక్ సర్వీస్ కమిషన్(యూపీఎస్సీ) తాజాగా నోటిఫికేషన్ విడుదల చేసింది. ఈ నోటిఫికేషన్ ద్వారా 19 అసిస్టెంట్ కమాండెంట్ ఉద్యోగాలను భర్తీ చేయనుంది. అర్హత, ఆసక్తి ఉన్న అభ్యర్థులు చివరి తేదీలోగా దరఖాస్తు చేసుకోవచ్చు.

ఇప్పటికే దరఖాస్తు ప్రక్రియ ప్రారంభమైంది. డిసెంబర్ 21 చివరి తేదీ కావడంతో ఆ లోగా అభ్యర్థులు దరఖాస్తు చేసుకోవాలి. అయితే, ఈ పోస్టులకు నిరుద్యోగులు దరఖాస్తు చేసుకునే అవకాశం లేదు. ఎందుకంటే, ఈ పోస్టులను కేవలం సీఐఎస్ఎఫ్‌లో అనుభవం ఉన్నవారికే కేటాయించారు.

పోస్టులకు సంబంధించిన వివరాలు:

దరఖాస్తు చేసుకోబోయే అభ్యర్థులు 2022 జనవరి 1 నాటికి సీఐఎస్​ఎఫ్​ సబ్ ర్యాంక్‌లో కనీసం నాలుగు సంవత్సరాల రెగ్యులర్ సర్వీస్ పూర్తి చేసి ఉండాలి. అపాయింట్‌మెంట్ లెటర్​ జారీ అయ్యే వరకు సర్వీస్ క్లీన్ రికార్డ్‌ను కలిగి ఉండాలి.

వయో పరిమితి:

అభ్యర్థి వయస్సు ఆగస్టు 1 నాటికి 35 ఏళ్లు మించకూడదు. అంటే, 1987 ఆగస్టు 2 తర్వాత జన్మించిన వారే దరఖాస్తుకు అర్హులు. అయితే, ఎస్సీ/ఎస్టీ కేటగిరీ అభ్యర్థులకు ఐదేళ్ల గరిష్ట వయో సడలింపు ఉంటుంది.

యూపీఎస్సీ అధికారిక వెబ్‌సైట్ www.upsc.gov.in సంప్రదించి అభ్యర్థులు దరఖాస్తు చేసుకోవచ్చు. దరఖాస్తు పూర్తి చేసిన తర్వాత అప్లికేషన్ ప్రింట్ అవుట్ లేదా హార్డ్ కాపీని సీఐఎస్​ఎఫ్​ విభాగానికి పంపాలి.

English summary

UPSC CISF Recruitment 2021: 19 New vacancies, apply now.