అట్లీ మూవీలో ఏకంగా నాలుగు పాత్రల్లో అల్లు అర్జున్..!

ఐకాన్ స్టార్ "అల్లు అర్జున్" ప్రస్తుతం ఫుల్ బిజీగా ఉన్నారు. సినిమా షూటింగ్ కి కొంచెం గ్యాప్ ఇచ్చి ఫ్యామిలీతో కలిసి వెకేషన్ ఎంజాయ్ చేస్తున్నారు. పుష్ప సినిమా పాన్ ఇండియా రేంజ్ లో హిట్ కొట్టగా.. పుష్ప 2 అయితే బాక్సాఫీస్ వద్ద కాసుల వర్షం కురిపించింది. దీంతో ఆయన గ్లోబల్ స్టార్ గా గుర్తింపు తెచ్చుకున్నారు.

ఈ క్రమంలోనే బన్నీ నెక్స్ట్ ప్రాజెక్టులపై చిత్ర పరిశ్రమలో భారీ అంచనాలు నెలకున్నాయి. ఇప్పటికే తమిళ్ డైరెక్టర్ అట్లీతో ఒక సినిమా చేస్తున్నట్టు అనౌన్స్ చేశారు. సన్ పిక్చర్స్ సంస్థ అంతర్జాతీయ ప్రమాణాలతో భారీ బడ్జెట్‌తో నిర్మిస్తోంది. AA 22 వర్కింగ్ టైటిల్ తో తెరకెక్కుతున్న ఈ చిత్రంలో దీపికా పదుకునే హీరోయిన్ గా నటిస్తున్నట్టు ప్రకటించారు. కాగా ఇప్పుడు ఈ సినిమాకు సంబంధించి ఓ ఆసక్తికర వార్త సోషల్ మీడియాలో ఫుల్ గా చక్కర్లు కొడుతుంది.

నాలుగు పాత్రల్లో బన్నీ..

ఈ చిత్రంలో అల్లు అర్జున్.. రెండు విభిన్నమైన పాత్రల్లో కనిపించనున్నారని ముందు ప్రచారం జరిగింది. ఆ తర్వాత అది మూడు క్యారెక్టర్ లు అన్నారు. అయితే తాజాగా అందుతున్న సమాచారం మేరకు.. బన్నీ మూడు తరాలకు చెందిన నలుగురు వ్యక్తుల పాత్రల్లో కనిపించనున్నారంటూ బాలీవుడ్ మీడియాలో వార్తలు వస్తున్నాయి. తాత, తండ్రి, ఇద్దరు కుమారులుగా అర్జున్ స్క్రీన్ పై సందడి చేయనున్నారని ప్రచారం జరుగుతోంది.

అంతే కాకుండా బన్నీ సైతం కొంచెం పెద్ద ఏజ్ లో ఉన్నట్టు గడ్డానికి రంగు వేసిన ఫోటోలు సైతం వైరల్ అవ్వడం మరింత బలాన్ని చేకూరుస్తుంది. ఇదే కనుక నిజమైతే ఒక సినిమాలో నాలుగు విభిన్న పాత్రల్లో నటించిన ఫస్ట్ యంగ్ హీరో ఆయనే అవుతారు.

మరోవైపు హాలీవుడ్‌కు చెందిన ఓ ప్రముఖ వీఎఫ్ఎక్స్ సంస్థ ఈ సినిమా కోసం పని చేస్తుండగా.. ఈ చిత్రం పునర్జన్మల కాన్సెప్ట్‌తో పాటు సైన్స్ ఫిక్షన్ తో లింక్ అయ్యి రాబోతుందని టాక్ నడుస్తోంది. మొత్తం ఐదుగురు హీరోయిన్లు ఈ మూవీలో ఉంటారని గుసగుసలు వినిపిస్తున్నాయి. ఇప్పటికే ఒకరు పీసీ అవ్వగా.. మిగిలిన వారి గురించి త్వరలోనే అప్డేట్ వచ్చే అవకాశం ఉంది.

English summary

Icon star "Allu Arjun" is currently very busy. He is enjoying a vacation with his family after taking a break from his film shooting. While Pushpa was a hit in the pan-India range, Pushpa 2 has been a box office hit.