వ్యభిచారంపై యాంకర్ రష్మి కామెంట్స్..పంచుకోవాల్సింది డిక్‌ కాదంటూ పోస్ట్

Updated: Wednesday, May 1, 2024, 16:18 [IST]

బుల్లితెర యాంకర్ రష్మి క్రేజ్ గురించి ప్రత్యేకంగా చెప్పాల్సిన పనిలేదు. క్యారెక్టర్ ఆర్టిస్ట్‌గా కెరీర్ ప్రారంభించిన రష్మి.. సినిమాల్లో సరైన అవకాశాలు దొరక్కపోవడంతో బుల్లితెర మీద యాంకర్ అవతారం ఎత్తింది. జబర్థస్త్ షోలో యాంకర్‌గా కనిపించిన తరువాత రష్మి జాతకమే మారిపోయింది. జబర్థస్త్ షో రష్మికి ఫుల్ పాపులారిటీని తెచ్చిపెట్టింది. ముఖ్యంగా రష్మి -సుడిగాలి సుధీర్‌ల మధ్య కెమిస్ట్రీ గురించి ఎంత చెప్పుకున్న తక్కువే.

టీవీ రంగంలో రష్మి -సుడిగాలి సుధీర్‌లపెయిర్ సంచలనం సృష్టించారని అని చెప్పాలి. వీరిద్దరూ కలిసి కనిపిస్తే చాలు ఆ షో సూపర్ హిట్ అనే రేంజ్‌కి వెళ్లిపోయిందంటే వీరి క్రేజ్ ఎంతలా ఉందో అర్థం చేసుకోవచ్చు. ఈ షో ద్వారా వచ్చిన పాపులారిటీతో రష్మి పలు సినిమాల్లో హీరోయిన్‌గా కూడా అవకాశాలు దక్కించుకుంది. యాంకర్ రష్మీ ఇటీవల కాలంలో నిత్యం వార్తాల్లో నిలుస్తున్నారు. లేటెస్ట్ ఫొటో షూట్‌లతో పాటు, తన కామెంట్స్‌తో రష్మి పేరు సోషల్ మీడియాలో మార్మోగిపోతుంది.

తాజాగా రష్మి వ్యభిచారం గురించి చేసిన కామెంట్స్ ఇప్పుడు హాట్ టాపిక్‌గా మారాయి. తాజాగా ఆమె పెట్టిన ఓ పోస్ట్ వైరల్‌ అవుతుంది. మహిళ, సెక్స్ అనే అంశాలకు సంబంధించిన రష్మి చేసిన ఓ పోస్ట్ వైరల్‌గా మారింది. ప్రముఖ రైటర్‌ రచెల్‌ మోరన్‌ రాసిన కోటేషన్‌ను తన ఇన్‌స్టాగ్రామ్‌‌ స్టోరీలో షేర్ చేసింది. ఇందులో వ్యభిచారం, మహిళల పేదరికానికి సంబంధించిన విషయం ఉండటం విశేషం.

మహిళలు పేదరికంలో ఉండి ఆకలితో అలమటిస్తున్నప్పుడు మనిషిగా మనం చేయాల్సింది వారికి ఫుడ్‌ పెట్టాలి, కానీ డిక్‌ కాదని రచెల్‌ మోరన్‌ రాసిన కోట్‌ని షేర్ చేసింది. చాలా మంది మగవాళ్లు మంచివాళ్లైతే అసలు వ్యభిచారం అనేదే ఉండదని..దాని మనుగడ ఉండదని రష్మి తెలిపింది. మహిళల వ్యభిచారం, ఆకలి బాధలపై ఓ వేశ్య చెప్పిన డైలాగుని ఇలా పోస్ట్ ద్వారా ఆ రైటర్ వెల్లడించారు. దాన్ని రష్మి తన స్టోరీలో పంచుకుంది. ప్రస్తుతం రష్మి షేర్ చేసిన పోస్ట్ వైరల్‌గా మారింది.