కొత్త బిజినెస్ షురూ చేసిన తెలుగు యాంకర్..!

శ్రీముఖి.. తెలుగు బుల్లితెరపై తనదైన శైలితో ప్రేక్షకులను అలరిస్తూ ఫుల్ క్రేజ్ సొంతం చేసుకుంది. కెరీర్‌ను చిన్న వయసులోనే ప్రారంభించి, అతి తక్కువ కాలంలోనే అత్యధిక పారితోషికం తీసుకునే యాంకర్లలో ఒకరిగా ఎదిగింది. తన అద్భుతమైన వాక్చాతుర్యం, గలగలా మాట్లాడే తత్వం.. స్టేజ్ మీద ఆమె చూపించే ఎనర్జీ ప్రేక్షకులను కట్టిపడేస్తాయి. 'అదుర్స్' వంటి షోలతో ప్రయాణం మొదలుపెట్టినప్పటికీ.. మల్లెమాల ప్రొడక్షన్స్ లో వచ్చిన 'పటాస్' షో ఆమె కెరీర్‌ను మలుపు తిప్పింది. ఆమెకు 'రాములమ్మ' అనే పేరు కూడా ఈ షో ద్వారానే పాపులర్ అయింది.

దీంతో ఆమెకు వరుసగా టాప్ ఛానల్స్‌లో అవకాశాలు రావడం మొదలైంది. స్టార్ మా, ఈటీవీ, జీ తెలుగు వంటి ప్రముఖ ఛానల్స్‌లో ప్రైమ్ టైమ్ షోలకి ఆమె ఫస్ట్ ఛాయిస్‌గా మారారు. 'ఆదివారం విత్ స్టార్ మా పరివారం', 'సా రి గ మ ప', 'స్టార్ట్ మ్యూజిక్' వంటి షోల ద్వారా ఆమె తన యాంకరింగ్ రేంజ్‌ను మరింత విస్తరించారు. టెలివిజన్‌తో పాటు వెండితెరపై కూడా Sreemukhi తన ప్రయాణాన్ని కొనసాగించారు. 2012లో విడుదలైన Julayiలో Allu Arjun చెల్లెలి పాత్రతో సినిమాల్లోకి ఎంట్రీ ఇచ్చారు. ఆ తర్వాత Prema Ishq Kaadhal చిత్రంలో హీరోయిన్‌గా నటించి తన అదృష్టాన్ని పరీక్షించుకున్నారు. Nenu Sailajaలో Ram Pothineni సోదరిగా నటించి మంచి గుర్తింపు తెచ్చుకున్నారు.

ఇక Bigg Boss Telugu Season 3లో పాల్గొనడం Sreemukhi కెరీర్‌లో మైలురాయిగా నిలిచింది. ఈ షోలో ఆమె చూపించిన పట్టుదల, టాస్క్‌లలో పోరాటం ప్రేక్షకులను విపరీతంగా ఆకట్టుకుంది. టైటిల్ గెలవకపోయినా రన్నరప్‌గా నిలిచి, కోట్లాది అభిమానులను సంపాదించారు. ఈ షో తర్వాత ఆమెకు వచ్చిన క్రేజ్ రెట్టింపు అయ్యి, పెద్ద షోల హోస్టింగ్ అవకాశాలు వరుసగా దక్కాయి. ఇక ఇప్పుడు టెలివిజన్, సినిమాల తర్వాత Sreemukhi కొత్తగా వ్యాపార రంగంలోకి ఎంట్రీ ఇచ్చింది.

హైదరాబాద్‌లోని Madhapurలో Fursat Restaurantను శ్రీముఖి ఘనంగా ప్రారంభించారు. శ్రావణ్, ఆనంద్, రవి భాగస్వామ్యంతో ప్రారంభమైన ఈ మల్టీ-కుయిజిన్ డైనింగ్ స్పాట్ ఏర్పాటు చేశారు. సుమారు 300 మంది కూర్చునే సదుపాయం, బ్యాంక్వెట్ ఫెసిలిటీలు, కుటుంబాలు, కార్పొరేట్ ఈవెంట్స్‌కు అనువైన వాతావరణం ఈ రెస్టారెంట్ ప్రత్యేకతగా నిలుస్తుంది. ఈ సందర్భంగా Sreemukhi మాట్లాడుతూ, "నాకు భోజనం అంటే చాలా ఇష్టం. ముఖ్యంగా చికెన్ వంటకాలు, బిర్యానీ, హోమ్ స్టైల్ కర్రీలు చాలా ఇష్టం. అలాగే వెజిటేరియన్ వంటకాలు కూడా అందరికీ నచ్చేలా మెనూను రూపొందించాం. 'ఫుర్సత్' కేవలం రెస్టారెంట్ కాదు-ఇది ఒక అనుభూతి. కుటుంబం, స్నేహితులతో కలిసి రిలాక్స్ అవ్వడానికి మంచి ప్రదేశం" అని తెలిపారు.

మరోవైపు కేవలం యాంకర్‌గానే కాకుండా, సోషల్ మీడియాలో కూడా ఆమె చాలా యాక్టివ్‌గా ఉంటారు. తన గ్లామరస్ ఫోటోషూట్స్ మరియు యూట్యూబ్ వ్లాగ్స్ ద్వారా నిరంతరం అభిమానులతో టచ్‌లో ఉంటారు. టాలెంట్, హార్డ్ వర్క్ ఉంటే ఒక సాధారణ అమ్మాయి కూడా గ్లామర్ ప్రపంచంలో రాణించవచ్చని ఆమె నిరూపిస్తున్నారు.

English summary

Sreemukhi has become a full-fledged craze on Telugu television, entertaining the audience with her unique style. She started her career at a young age and rose to become one of the highest-paid anchors in a very short period of time.