రాజా నీ రాణి వచ్చేసింది..బిగ్ బాస్ నుంచి దివ్వెల మాధురి అవుట్

ఈ సీజన్ బిగ్ బాస్ హౌస్ (Bigg Boss 9 Telugu)లో జరిగిన డ్రామా ఎవ్వరూ ఊహించని విధంగా ఉంది. హౌస్‌లోకి ఒక 'నిజమైన ఫైర్ స్ట్రోమ్' లాగా దూసుకొచ్చిన కంటెస్టెంట్ దివ్వెల మాధురి. వచ్చిన రోజు నుంచే అందరితో కటువుగా, ఇష్టం వచ్చినట్లుగా గొడవలు పెట్టుకుని, తాను గేమ్ ఆడడానికే వచ్చాను, బాండింగ్స్ కోసం కాదు అని ప్రకటించింది. ఆమె ఆటిట్యూడ్‌కి హౌస్‌మేట్స్ హడలిపోయారు.

అయితే, అలాంటి మాధురి, టాప్ కంటెస్టెంట్ తనూజతో అకస్మాత్తుగా 'అయస్కాంతంలా' అతికిపోవడం అందరినీ ఆశ్చర్యపరిచింది. తానూజ పదేపదే 'నాకు బాండింగ్ వద్దు' అని మొహం మీదే చెప్పినా కూడా, మాధురి ఆమెను తన సొంత కూతురులా దగ్గరకు తీసుకుంది. హౌస్‌మేట్స్, ఆడియన్స్ దృష్టిలో, దీని వెనుక ఉన్న మాధురి వ్యూహం స్పష్టంగా కనిపించింది: తనూజకు ఉన్న ప్రజాదరణను, ఆమె టాప్ స్థానాన్ని వాడుకుని నామినేషన్ల నుండి సేవ్ అవ్వాలని ప్లాన్ చేసింది.

మాధురి ప్లాన్‌కు పదునుగా తానూజకు సేవింగ్ పవర్ వచ్చినప్పుడే. ఆ పవర్ కోసం ఎంతటి ఆటిట్యూడ్ ఉన్న మాధురి అయినా, తానూజతో గొడవ పడిన వెంటనే వెళ్లి ఆమెకు జడలు వేయడం వంటి పనులు చేసింది. ఇది హౌస్‌లో అందరినీ షాక్‌కు గురి చేసింది. తన ఎలిమినేషన్‌ను తానూజ ఆపుతుందనే ఆశతో మాధురి తన పంతాన్ని దిగమింగింది.

ఈ వారం ఎలిమినేషన్‌లో దివ్వెల మాధురి, గౌరవ్ మధ్య ఉత్కంఠ నెలకొంది. నాగార్జున, తానూజను ఆమెకు లభించిన సేవింగ్ పవర్‌ను ఉపయోగించాలనుకుంటున్నావా అని అడగ్గా, తానూజ ఏమాత్రం ఆలోచించకుండా లేదు సార్ అని సమాధానం ఇచ్చింది. తక్కువ ఓటింగ్ కారణంగా మాధురి ఎలిమినేట్ అయ్యింది, గౌరవ్ సేవ్ అయ్యాడు.

తానూజ తీసుకున్న ఈ నిర్ణయం, ఆమె మాస్టర్ మైండ్ గేమ్‌కు నిదర్శనం. మాధురిని డైరెక్ట్‌గా నామినేట్ చేయడం, ఆపై ఆమె కోసం సేవింగ్ పవర్‌ను వాడకపోవడం చూస్తే, తానూజ కేవలం టాప్ కంటెస్టెంట్ మాత్రమే కాదు, ఆలోచించి ఆడే తెలివైన ప్లేయర్ అని రుజువైంది. ఆశతో దగ్గరైన మాధురి ఆశ తీరకపోగా, తానూజ చేతిలోనే బలైపోవడం ఈ సీజన్‌లోని అతిపెద్ద ట్విస్ట్‌గా మారింది.

English summary

In a massive twist in Bigg Boss 9 Telugu, Divyala Madhuri, who attempted to leverage top contestant Tanuja's popularity, was evicted after Tanuja refused to use her Saving Power on her. Tanuja's calculated decision not only exposed Madhuri's strategic bonding but also cemented Tanuja's position as a 'mastermind' player in the house.