నా సూర్య‌ను వ‌ద‌ల‌డం కుద‌ర‌దు.. జ్యోతిక పోస్ట్ వైర‌ల్‌!

ఈ మ‌ధ్య‌కాలంలో స్టార్ హీరోలు, హీరోయిన్లు సోష‌ల్‌మీడియాలో త‌న అభిమానుల‌తో ముచ్చ‌టించ‌డం ప‌రిపాటిగా మారింది. వాళ్ల వ్య‌క్తిగ‌త విష‌యాలు, సినిమా విష‌యాలు కూడా అభిమానుల‌తో పంచుకుంటూ వాళ్ల‌తో చిట్‌చాట్ చేస్తున్నారు. తాజాగా న‌టి జ్యోతిక కూడా ఇదే ప‌నిచేసింది. కానీ ఓ అభిమాని అడిగిన ప్ర‌శ్నతో న‌టి జ్యోతిక అయోమ‌యంలో ప‌డింది. ఆ అభిమాని అడిగిన ప్ర‌శ్న‌తో భ‌ర్త సూర్య‌పై జ్యోతిక‌కు ఎంతప్రేముందో మ‌రోసారి రుజువైంది. ఇంత‌కీ ఆమె అడిగిన ప్ర‌శ్న ఏంటీ? అని అనుకుంటున్నారా?

గ‌త కొంత‌కాలంగా న‌టుడు సూర్య‌, జ్యోతిక విడిపోతున్నారంటూ సోష‌ల్‌మీడియాలో తెగ ప్ర‌చారం జ‌రిగింది. కానీ, ఈ వార్త‌ల‌కు వారిద్ద‌రూ స్పందించి అలాంటిదేమీ లేద‌ని కూడా క్లారిటీ ఇచ్చేసారు. న‌టి జ్యోతిక‌కు సూర్య అంటే ఎంత ప్రేమో సోష‌ల్‌మీడియా వేదిక‌గా మ‌రోసారి రుజువైంది. తాజాగా, న‌టి జ్యోతిక సైతాన్ సినిమాతో మంచి విజ‌యాన్ని అందుకున్నారు.

ఈ విజయాన్ని త‌న అభిమానుల‌తో పంచుకునేందుకు ఆమె త‌న ఇన్‌స్టాలో ఫ్యాన్స్‌తో ముచ్చ‌టించారు. ఈ సంద‌ర్భంగా జ్యోతిక చిత్రబృందాన్ని పొగుడుతూ ఓ పోస్ట్‌ తన ఇన్‌స్టా స్టోరీలో పోస్ట్ చేసింది. ఇక‌, ఈ పోస్టుపై ఓ లేడీ నెటిజ‌న్ స్పందించి ఇలా రాసుకొచ్చింది. మేడ‌మ్‌..నేను సూర్య‌గారికి పదిహేనేళ్ల నుంచి వీరాభిమానిని.. సూర్యగారిని ఒక రోజు నాకు అప్పుగా ఇస్తారా..మేడమ్‌.. ప్లీజ్‌..అంటూ కామెంట్ చేసింది.

ఆయ‌న ఎప్ప‌టికీ మీ వారే..!

అయితే, ఆ నెటిజ‌న్ కామెంట్‌పై జ్యోతిక వెంట‌నే స్పందించింది. అది మాత్రం కుద‌ర‌దు అంటూ స‌మాధానం చెప్పింది. సూర్య ఎప్ప‌టికీ త‌న వాడేనంటూ ప‌రోక్షంగా చెప్ప‌క‌నే చెప్పిన జ్యోతిక‌కు ఓ మై గాడ్‌.. ఆయన ఎప్పటికీ మీవారే.. అంటూ మ‌రో కామెంట్ చేసింది ఆ లేడి నెటిజ‌న్‌. ప్ర‌స్తుతం వీరిద్ద‌రి సంభాషణ నెట్టింట్లో తెగ వైర‌ల్‌గా మారింది. ఇక‌, జ్యోతిక ఇచ్చిన రిప్ల‌య్‌తో నెటిజ‌న్లు కూడా తెగ కామెంట్ల వ‌ర్షం కురిపిస్తున్నారు. కొంద‌రైతే జ్యోతికకు సూర్య అంటే ఎంతిష్ట‌మో అని కామెంట్లు పెడుతున్నారు.

English summary

Recently, actress Jyothika got good success with the movie Saitan. She took to her Instagram to share this success with her fans. Jyothika was confused by a question asked by a fan on this occasion