"బాయిలోనే బల్లి పలికే "సింగర్ నాగవ్వ గురించి ఈ విషయాలు తెలుసా..?

చిత్ర పరిశ్రమలో ఫోక్ సింగర్ గా తనకంటూ ప్రత్యేక గుర్తింపు తెచ్చుకుంది సింగర్ " మంగ్లీ ". కేవలం సినిమా పాటల తోనే కాకుండా ప్రైవేట్‌ అల్భమ్‌ సాంగ్స్‌ ద్వారా కూడా మంచి గుర్తింపు పొందింది. ఇప్పటికే ఎన్నో హిట్ సాంగ్స్ పాడిన ఈమె.. రీసెంట్ గానే "బావిలోనే బల్లిపలికే" పాటను రిలీజ్ చేసింది. ఈ పాటకు కమల్ స్లావత్ లిరిక్స్ అందించగా.. సురేష్ బబ్లీ సంగీతం సమకూర్చారు. యూట్యూబ్‌లో మిలియన్ల వ్యూస్‌తో ఈ సాంగ్‌ దూసుకుపోవడమే కాకుండా.. ప్రస్తుతం సోషల్ మీడియాను ఊపేస్తుంది.

అయితే ఈ పాటతో తన గాత్రం లోని టాలెంట్ ని నిరూపించుకుంది సింగర్ చుంచు నాగవ్వ. మంగ్లీతో కలిసి ఆమె పాడిన ఈ పాట లక్షల మందిని నచ్చేయడమే కాకుండా.. చిన్నా, పెద్ద అందరూ స్టెప్పులేస్తున్నారు. ఒక్క పాటతోనే బాగా పాపులర్ అయిన ఆమె గురించి తెలుసుకోవడానికి నెటిజన్స్ తెగ ఆసక్తి చూపిస్తున్నారు. ఈ క్రమంలో ఇటీవల ఓ ఇంటర్వ్యూలో పాల్గొన్న నాగవ్వ తన జీవితం గురించి ఆసక్తికర విషయాలను వెల్లడించారు.

ఆమె ఏమన్నారంటే..?

కాగా జగిత్యాల జిల్లాలోని గుల్లకోట గ్రామానికి చెందిన నాగవ్వ మొదట సారంగ దరియా అనే టీవీ షోలో పాల్గొన్నానని తెలిపారు. కానీ అప్పుడు లైవ్ పర్ఫార్మెన్స్ భయం కారణంగా ఆమె మొదటి ఎపిసోడ్‌లోనే ఎలిమినేట్ చేశారని వాపోయారు. అయినప్పటికీ న్యాయనిర్ణేతలు తన ప్రతిభను గుర్తించి ప్రోత్సహించారన్నారు. వారి కారణం గానే దామోదర్ రెడ్డి, మంగ్లీలతో పరిచయం ఏర్పడిందని చెప్పారు. రాక్షస కావ్యం అనే సినిమా కోసం ఈ పాట చేశామని.. కానీ మూవీలో కుదరకపోవడంతో మంగ్లీ టీమ్ రిలీజ్ చేశారని ఓపెన్ అయ్యారు. మంగ్లీ టీమ్ ఖర్చుకు వెనుకాడకుండా.. పగలు రాత్రి అనే తేడా లేకుండా ఈ పాటను మూడు రోజుల్లో చిత్రీకరించారని స్పష్టం చేశారు.

అలానే గతంలో కిసీ కా భాయ్ కిసీ కీ జాన్ వంటి సల్మాన్ ఖాన్ చిత్రంలోనూ నాగవ్వ బతుకమ్మ పాట పడినట్టు చెప్పుకొచ్చారు. ఈ పాట కోసం మంగ్లీ టీమ్ దాదాపు 15 లక్షలకుపైగానే ఖర్చు చేసినట్లు సమాచారం. మరోవైపు ఇటీవల ఈ పాటపై సోషల్ మీడియాలో ట్రోల్స్ వస్తున్నాయని తిరుపతి రెడ్డి ఆవేదన వ్యక్తం చేశారు. మరాఠీ పాట కాపీ అనే ఆరోపణలను ఆయన ఖండించారు. జనాలు నిజాలు తెలుసుకోకుండా ట్రోల్స్ చేయడం సరికాదని పేర్కొన్నారు.

English summary

Singer "Mangli" has made a special mark for herself as a folk singer in the film industry. She has gained recognition not only through film songs but also through private album songs.