చిన్న సినిమా .. పెద్ద విజయం ..యంగ్ హీరో సంచలనం
చిన్న సినిమాగా వచ్చి, ఓటీటీ వేదికగా సెన్సేషన్ సృష్టించిన 'జిగ్రిస్' చిత్రంతో ఓవర్నైట్ స్టార్డమ్ను సొంతం చేసుకున్నారు నటుడు కృష్ణ బురుగుల. ప్రస్తుతం టాలీవుడ్లో ఎక్కడ చూసినా ఈయన పేరు మారుమోగిపోతోంది. పరిమిత బడ్జెట్తో అద్భుతాలు చేయవచ్చని నిరూపించిన కృష్ణ, ఇప్పుడు చిన్న చిత్రాల మేకర్స్కు 'మోస్ట్ వాంటెడ్' హీరోగా మారారు.
'జిగ్రిస్' విజయం కృష్ణ కెరీర్ను ఒక్కసారిగా మలుపు తిప్పింది. ఇండస్ట్రీ వర్గాల సమాచారం ప్రకారం, ఆయన వద్దకు ఇప్పటికే 100కు పైగా కథలు వచ్చినట్లు తెలుస్తోంది. ప్రముఖ నిర్మాతలు సైతం ఆయనతో పని చేసేందుకు ఆసక్తి చూపిస్తున్నారు. అయితే, వచ్చిన ప్రతి అవకాశాన్ని ఒప్పుకోకుండా, కేవలం కమర్షియల్ సక్సెస్ కోసం కాకుండా, ప్రేక్షకుల అభిరుచికి తగ్గట్టుగా విభిన్నమైన కథలను ఎంచుకోవడంలో ఆయన నిమగ్నమై ఉన్నారు. తనకంటూ ఒక బలమైన ఆడియన్స్ బేస్ను నిర్మించుకోవడమే లక్ష్యంగా ఆయన అడుగులు వేస్తున్నారు.
ఏ నటుడికైనా ఎదుగుదల అనేది విమర్శల నుంచే మొదలవుతుంది. 'జిగ్రిస్'లో కృష్ణ నటనకు 90 శాతం ప్రశంసలు దక్కినప్పటికీ, అక్కడక్కడ ఆయన నటనలో 'లౌడ్ నెస్' ఉందని కొంతమంది ప్రేక్షకులు అభిప్రాయపడ్డారు. ఈ ఫీడ్బ్యాక్ను కృష్ణ చాలా పాజిటివ్గా తీసుకున్నారు. రాబోయే చిత్రాల్లో మరింత సెటిల్డ్ పర్ఫార్మెన్స్ ఇచ్చేలా, పాత్రలోని లోతును సహజంగా పండించేలా తనను తాను మలుచుకుంటున్నారు.తెలుగు చిత్ర పరిశ్రమలో తనకంటూ ఒక ప్రత్యేక ముద్ర వేయడానికి కృష్ణకు ఇది సరైన సమయం. సరైన కథా ఎంపిక, నటనలో వైవిధ్యం తోడైతే ఆయన రీచ్ అన్స్టాపబుల్ అనడంలో సందేహం లేదు. త్వరలోనే ఒక భారీ క్రేజీ ప్రాజెక్ట్ అనౌన్స్ అయ్యే అవకాశం ఉంది.
Click it and Unblock the Notifications
Sign in with Google