Karthika deepam 2 November 21st:బిగ్ ట్విస్ట్ - హోమంలో అరిష్టం,దీప చేతుల్లోకి..!!

కార్తీకదీపం 2 సీరియల్‌లో శ్రీధర్ కుటుంబం ఇంటికి వచ్చిన సందర్భంగా జ్యోత్స్న సృష్టించిన అవమానకరమైన దృశ్యం తర్వాత, కార్తీక్ ఆమెకు గట్టిగా వార్నింగ్ ఇస్తాడు. జ్యోత్స్న నీచమైన మాటలకు బాధపడిన కావేరిని, స్వప్నను బుజ్జగించి ఇంటికి తీసుకొచ్చే ప్రయత్నంలో, కార్తీక్ జ్యోత్స్నతో క్షమాపణలు చెప్పిస్తాడు.

మరోవైపు, శివన్నారాయణ తన భర్తను క్షమించమని అడిగినప్పుడు, కాంచన తీవ్ర నిర్ణయం తీసుకుంటుంది. "క్షమిస్తాను, కానీ భర్తగా మాత్రం దగ్గరికి తీసుకోను" అని తేల్చి చెబుతుంది. తాను శ్రీధర్‌ను దైవంలా చూశానని, ఆ నమ్మకాన్ని మోసం చేసిన భర్తను క్షమించడం తేలిక కాదని అంటుంది. తాను కావేరికి తన భర్తను ఇచ్చేశానని బాధను వ్యక్తం చేస్తుంది.

హోమం కార్యక్రమం కొనసాగుతుండగా, గురువుగారు కీలక విషయం చెబుతారు. ఇంటి వారసురాలు మాత్రమే పూర్ణాహుతి వేయాలని, అది కిందపడితే ఇంటికి పెను అరిష్టం తప్పదని హెచ్చరిస్తారు. జ్యోత్స్న అసలైన వారసురాలు కాదని తెలిసిన దాసు, ఆమె పూర్ణాహుతి వేయకుండా ఆపడానికి ప్రయత్నిస్తాడు. తన కూతురికి ఏం కాదు అని పారిజాతం అడ్డుకోగా, "అన్నయ్య కుటుంబానికి అన్యాయం జరగడం చూడలేను, జ్యోత్స్న నా కూతురే అని నిజం చెప్పేస్తాను" అని దాసు ఆవేశంగా లోపలికి వెళ్తాడు.

పూర్ణాహుతి వేయబోతుండగా సుమిత్ర కళ్లు తిరిగి పడిపోవడంతో దీప ఆమెను పట్టుకుంటుంది. ఈ గందరగోళంలో, జ్యోత్స్న హోమంలోకి విసిరిన పూర్ణాహుతి ఆమె చేతిలోంచి జారి, అప్రయత్నంగా దీప చేతుల మీదుగా హోమగుండంలో పడుతుంది. ఇది చూసి అందరూ షాక్ అవుతారు. వారసురాలికి దక్కాల్సిన పూర్ణాహుతి దీప చేతుల్లో పడటం ఇంటికి శుభ సూచకం అని కథనం ముగుస్తుంది.

English summary

Karthika deepam 2 Serial Today's Episode 521 November 21