Karthika deepam 2 November 4th:బిగ్ ట్విస్ట్..దీపకు ఊహించని గౌరవం..!!
తన కన్నతల్లిలా ప్రేమను పంచిన అత్త (కాంచన) రుణం తీర్చుకోలేనని కార్తీక్ భావోద్వేగానికి గురయ్యాడు. దశరథ్-సుమిత్ర దండలు మార్చుకోవడం, కేక్ కట్ చేయడంతో కుటుంబంలో సంతోష వాతావరణం నెలకొంది. జ్యోత్స్న ఎన్ని అడ్డంకులు సృష్టించినా, దశరథ్-సుమిత్రలు కలవడంతో ఆమె రగిలిపోయింది.
నేటి 506వ ఎపిసోడ్ హైలైట్స్ (నవంబర్ 4)
'నువ్వు ఈ ఇంటి వారసురాలివి కాదు':
సుమిత్ర తిరిగి రావడంతో రగిలిపోతున్న జ్యోత్స్నను పారిజాతం పక్కకు తీసుకెళ్లి మరింత భయపెట్టింది. "నువ్వు ఈ ఇంటి వారసురాలివి కాదని తెలిసే రోజు దగ్గరలోనే ఉంది" అంటూ జ్యోత్స్నను వణికించింది. అప్పుడు బిడ్డల్ని మార్చింది తానే కాబట్టి తనను గెంటేయడమో, జైలులో పెట్టడమో చేస్తారని, కానీ జ్యోత్స్నను అయితే ఏం చేస్తారో తెలియదని బెదిరించింది. దాసు చెప్పినట్లు సుమిత్ర కూతురు బతికే ఉంటే, ఆస్తి మొత్తం ఆ యువరాణికే చెందుతుందని, అప్పుడు జ్యోత్స్న ఉద్యోగం కోసం తిరగాల్సి వస్తుందని హెచ్చరించింది. తన మాట విని వీలైనంత త్వరగా పెళ్లి చేసుకోమని సలహా ఇచ్చింది.
కుటుంబ భోజనం: దీపకు ఊహించని గౌరవం
దశరథ్-సుమిత్రలు కలిసి భోజనం చేస్తుండటం చూసి కుటుంబమంతా సంతోషించింది. ఈ ఆనందాన్ని పాడుచేయడానికి వచ్చిన పారిజాతాన్ని శివన్నారాయణ కసురుకున్నారు. నిన్నటి వరకు ఇల్లు ఎలా ఉందో అందరికీ తెలుసని, ఇప్పుడు అందరూ కడుపు నిండా తినాలని చెప్పారు.
భోజనం సమయంలో దశరథ్ అందరినీ ఆశ్చర్యపరిచారు. "నాకు, సుమిత్రకు మధ్యలో దీపని కూర్చోబెట్టమని" కోరారు. దీప తన భార్యను కాపాడిందని, మూడు రోజులు దీప తన కన్నతల్లిలా సేవలు చేసిందని కాంచన చెప్పిందని, అలాంటి మనిషికి థ్యాంక్స్ చెబితే చాలదని దశరథ్ అన్నారు. ఈ ఏడాది దీపే తమ అతిథి అని ప్రకటించారు. ఈ పరిణామంతో "తొందరలోనే నిజాలు తెలిసిపోయేలా ఉన్నాయని" జ్యోత్స్న భయంతో వణికిపోయింది.
దగ్గు వచ్చిన దీపకు సుమిత్ర, దశరథ్ దగ్గరుండి నీళ్లు అందించారు. వారి ప్రేమను చూసి.. "నేను నిన్ను ఎలా చూడాలనుకున్నానో అలా చూశాను, ఇక ఆలస్యం చేయకూడదు, తొందరలోనే దీపే అసలైన కూతురని చెప్పాలి" అని కార్తీక్ నిర్ణయించుకున్నాడు.
బంధాలు శాశ్వతం: కుటుంబ సభ్యుల భావోద్వేగం
అందరి కోసం శివన్నారాయణ కొత్త బట్టలు తీసుకొచ్చారు. "ఆ దేవుడు నాకు చెల్లిని, తల్లిని ఒక్కరిలోనే ఇచ్చాడు" అని కాంచనను చూసి దశరథ్ మురిసిపోయాడు. మరో జన్మంటూ ఉంటే ఇవే బంధాలతో పుట్టాలని కాంచన కోరుకుంది. తాను ఇంట్లోంచి వెళ్లిపోయి అందరినీ బాధపెట్టానని సుమిత్ర సారీ చెప్పగా, పాత గాయాలకు ఆపరేషన్లు కూడా జరిగిపోయాయని, గతం తవ్వుకోవాల్సిన అవసరం లేదని కార్తీక్ అత్తకు ధైర్యం చెప్పాడు. శ్రీధర్ కూడా శివన్నారాయణ ఆశీర్వాదం తీసుకుంటూ, ఆయనే తనకు తండ్రి లాంటి వారని భావోద్వేగానికి లోనయ్యాడు.
ట్విస్ట్: ఇంటి పెద్ద నుంచి 'పెద్ద పార్టీ' ప్రకటన
ఆ తర్వాత శివన్నారాయణ, కార్తీక్-దీపలకు బట్టలు ఇచ్చి, పిల్లాపాపలతో ఉండమని దీవించారు. "త్వరలోనే ఈ ఇంట్లో ఒక పెద్ద పార్టీ జరుగుతుందని, అందరూ తరలి రావాలని" శివన్నారాయణ ప్రకటించడంతో జ్యోత్స్న, పారిజాతం షాక్ అయ్యారు. పెద్దాయన, దాసు, కాశీ, స్వప్నలను కూడా పార్టీకి రమ్మని చెప్పడంతో, "నేను చెప్పేది పెద్ద కుటుంబం గురించి కాదు, చిన్న కుటుంబం గురించి" అని స్పష్టం చేశారు. ఈ ప్రకటనతో 'అసలు నిజం' త్వరలోనే బయటపడబోతుందని జ్యోత్స్న, పారిజాతం భయపడ్డారు.
తరువాత ఏం జరుగుతుంది? శివన్నారాయణ ఏర్పాటు చేసే ఈ 'చిన్న కుటుంబం' పార్టీ దేని గురించి? దాసు, కాశీలు వచ్చాక ఆస్తి వివాదం, అసలు వారసురాలి రహస్యం బయటపడుతుందా? తెలుసుకోవాలంటే తర్వాతి ఎపిసోడ్ చూడాల్సిందే
Click it and Unblock the Notifications
Sign in with Google