ఆరోజు అలా జరిగినందుకు చాలా సిగ్గుపడ్డా..

టాలీవుడ్ మన్మథుడు, కింగ్ అక్కినేని నాగార్జున తెలుగు సినీ పరిశ్రమలో నాలుగు దశాబ్దాలుగా తనకంటూ ప్రత్యేక గుర్తింపు సంపాదించుకున్నారు. రొమాంటిక్ హీరోగా, యాక్షన్ స్టార్‌గా, ప్రయోగాత్మక నటుడిగా, నిర్మాతగా ఎన్నో మైలురాళ్లు సృష్టించారు. ప్రస్తుతం వరుస సినిమాలతో దూసుకుపోతున్నారు. ఇటీవల కుభేర, కూలీ సినిమాల్లో వైవిధ్య పాత్రలతో అలరించిన ఆయన.. ఇప్పుడు తన 100వ సినిమా కోసం సిద్దమవుతున్నారు.

రీసెంట్ గానే ఈ చిత్రానికి పూజా కార్యక్రమాలు నిర్వహించారు. కింగ్ 100 అనే వర్కింగ్ టైటిల్‌తో కార్తీక్ అనే తమిళ దర్శకుడు ఈ చిత్రాన్ని తెరకెక్కిస్తున్నారు. నాగ్ తన సొంత ప్రొడక్షన్ లో నిర్మిస్తున్న ఈ మూవీ పవర్ ఫుల్ యాక్షన్, ఫ్యామిలీ ఎమోషన్స్ కలబోసిన చిత్రంగా రాబోతుంది. ఈ క్రమంలోనే తాజాగా తన 40 ఏళ్ల సినీ ప్రయాణాన్ని గుర్తు చేసుకుంటూ ఆసక్తికర విషయాలు వెల్లడించారు. చిన్నప్పటి జ్ఞాపకాల నుంచి హీరోగా ఎదిగిన రోజుల వరకు ఎన్నో అనుభవాలను అభిమానులతో పంచుకున్నారు.

ఫిల్మ్ కెరీర్..

1986లో విడుదలైన Vikram సినిమాతో హీరోగా పరిచయమైన నాగార్జున, అప్పటి నుంచి వెనుదిరిగి చూడలేదు. రొమాన్స్, యాక్షన్, ఫ్యామిలీ, భక్తి, ప్రయోగాత్మక కథలు ఇలా అన్ని జానర్లలో తనకంటూ ప్రత్యేక ముద్ర వేశారు. Geethanjali, Shiva, Hello Brother, Ninne Pelladata, Annamayya, Manmadhudu, Soggade Chinni Nayana వంటి చిత్రాలు ఆయన కెరీర్‌లో క్లాసిక్ మూవీస్‌గా నిలిచాయి. భక్తిరస చిత్రాలు, రొమాంటిక్ ఎంటర్‌టైనర్స్, మాస్ కమర్షియల్ సినిమాలు అన్నింటిలోనూ విజయాలు సాధించి టాలీవుడ్‌లో ప్రత్యేక స్థానం సంపాదించుకున్నారు.

అయితే తన బాల్యం గురించి మాట్లాడిన నాగార్జున, చిన్నప్పటి నుంచే తాను హీరో అవుతాననే ఆలోచనే లేదని తెలిపారు. తాము చాలా చిన్న వయసులోనే హైదరాబాద్‌కు వచ్చేశామని, ఇక్కడే చదువు పూర్తిచేశానని చెప్పారు. Hyderabad Public School లో చదివానని, కానీ స్టార్ హీరో Akkineni Nageswara Rao కుమారుడిని అనే ప్రత్యేక ట్రీట్మెంట్ ఎప్పుడూ లభించలేదని అన్నారు. తాను చదువులో టాపర్ కాదని.. సాధారణ విద్యార్థినే అని చెప్పుకొచ్చారు. అలానే చిన్నప్పటి ఒక సంఘటన ఇప్పటికీ గుర్తుండిపోయిందని నాగార్జున చెప్పారు. ఐదో తరగతిలో చదువుతున్న సమయంలో ఒక స్కూల్ డ్రామాలో తనకు ఆడవేషం వేయించారని తెలిపారు.

ఆ సమయంలో తనను చూసి చాలా మంది ఎగతాళి చేశారని, దాంతో తీవ్రంగా సిగ్గుపడ్డానని అన్నారు. "ఆ రోజు తర్వాత మళ్లీ డ్రామాల జోలికి వెళ్లలేదు" అంటూ సరదాగా గుర్తు చేసుకున్నారు. అయితే హీరోగా కాకముందే చిన్న పాత్రలో తెరపై కనిపించిన విషయాన్ని కూడా నాగార్జున గుర్తు చేసుకున్నారు. Sudigundalu సినిమాలో కేవలం 30 సెకన్ల పాత్ర చేశానని చెప్పారు. అదే తన జీవితంలో మొదటిసారి మేకప్ వేసుకున్న సందర్భమని తెలిపారు.

హీరోగా మారమన్న అన్నయ్య వెంకట్

తన సినీ ప్రయాణానికి అసలు కారణం అన్నయ్య వెంకట్ అని నాగార్జున చెప్పారు. ఫిల్మ్ ప్రొడక్షన్‌లోకి వచ్చిన తర్వాత తనను సినిమాల్లో నటించమని అన్నయ్య సూచించాడని తెలిపారు. 1986లో విడుదలైన Vikram మంచి విజయాన్ని సాధించినప్పటికీ, ప్రారంభంలో విమర్శలు ఎదుర్కొన్నానని నాగార్జున తెలిపారు. సినిమాల్లో జీన్స్ ధరించే ట్రెండ్ తనతోనే ఎక్కువగా ప్రారంభమైందని నాగార్జున గుర్తు చేసుకున్నారు. తన స్టైల్, మేకోవర్ అప్పటి యువతపై పెద్ద ప్రభావం చూపిందని సినీ వర్గాలు చెబుతుంటాయని అన్నారు.

English summary

Tollywood's love interest and King Akkineni Nagarjuna has made a special mark for himself in the Telugu film industry for four decades. He has created many milestones as a romantic hero, an action star, an experimental actor, and a producer.