బాలయ్య అందరినీ కొడతాడుకదా.. కానీ ఆయన్ని కొట్టిన ఇద్దరు డైరెక్టర్లు ఎవరో తెలుసా?

నందమూరి బాలకృష్ణ అంటే సెట్స్ మీద సీరియస్‌గా ఉంటారని, కోపం వస్తే కొడతారని, కోపం ఆపుకోలేక చేయి చేసుకుంటారని ఒక టాక్ ఉంది. కానీ, ఆయన్నే షూటింగ్ సెట్‌లో అందరి ముందూ కొట్టిన వారు ఇద్దరున్నారు. వారు ఎవరో కాదు.. ఇద్దరు డైరెక్టర్లు కాగా, ఒకరు నందమూరి తారకరామారావు, మరొకరు కోడి రామకృష్ణ. అన్నదమ్ముల అనుబంధం సినిమా తీసే సమయంలో సీనియర్ ఎన్టీఆర్ చంద్రమోహన్ ను ఒక పాత్ర కోసం ఎంపిక చేశారు. అయితే అనుకోకుండా చంద్రమోహన్ ను తప్పించి బాలకృష్ణను తీసుకున్నారు. బాలయ్యకు పెద్దయిన తర్వాత అదే మొదటి సినిమా. అంతకుముందు తాతమ్మకలలో నటించారు.

చెంపపై గట్టిగా రెండిచ్చిన ఎన్టీఆర్

షూటింగ్ కు ముందే నటనలో ఉండే మెళకువలన్నీ ఎన్టీఆర్ బాలయ్యకు నేర్పించారు. షూటింగ్ ప్రారంభమైన తర్వాత తడబడుతుండటంతో ఎన్టీఆర్ లాగిపెట్టి రెండిచ్చారు. ఈ సినిమాకు డైరెక్టర్ ఎస్.డి.లాల్. అలా కొట్టడంతో అందరూ షాక్ తిన్నారు. ఎన్టీఆర్ కూడా అనేక సినిమాలకు దర్శకత్వం వహించారు కాబట్టి బాలయ్యను కొట్టిన డైరెక్టర్ గా పేరు తెచ్చుకున్నారు. ఆ తర్వాత బాలయ్యను కొట్టిన మరో డైరెక్టర్ కోడి రామకృష్ణ.వీరిద్దరి కాంబినేషన్‌లో 'మంగమ్మగారి మనవడు' సినిమా షూటింగ్ జరుగుతున్న సమయంలో ఒక కీలకమైన సన్నివేశం షూటింగ్ జరుగుతోంది. ఆ సన్నివేశంలో బాలకృష్ణ సరిగ్గా నటించడంలేదని కోడి రామకృష్ణ భావించారు. ఎన్నిసార్లు టేక్స్ తీసుకున్నా దర్శకుడు కోరుకున్న హావభావాలు రాకపోవడంతో ఆయనకు కోపం వచ్చింది.

లాగిపెట్టి ఒకటి పీకిన కోడి రామకృష్ణ

షూటింగ్ స్పాట్‌లోనే అందరూ చూస్తుండగానే కోడి రామకృష్ణ బాలయ్య దగ్గరికి వెళ్లి లాగిపెట్టి ఒక చెంప దెబ్బ ఇచ్చారు. ఒక పెద్ద స్టార్ హీరోని, పైగా ఎన్టీఆర్ కుమారుడిని అలా కొట్టేసరికి యూనిట్ సభ్యులంతా షాక్ అయ్యారు. సాధారణంగా ఎవరైనా అలా చేస్తే బాలయ్య ఊరుకోరు. కానీ ఆ సమయంలో ఆయన ఏమాత్రం కోప్పడలేదు. ఎందుకంటే కోడి రామకృష్ణను ఆయన గురువుగా భావిస్తారు. తనను కొట్టింది తన మేలుకోసమేనని అర్థం చేసుకున్నారు. ఆ దెబ్బ తర్వాతే బాలయ్యలో కలిసి పెరిగి ఆ సన్నివేశంలో అద్భుతంగా నటించి పండించారు. 1984లో వచ్చిన మంగమ్మ గారి మనవడు సినిమా ఇండస్ట్రీ హిట్ గా నిలిచి బాలయ్యకు నటుడిగా మంచి పేరు తెచ్చిపెట్టింది. కోడి రామకృష్ణకు బాలకృష్ణ అంటే చాలా ఇష్టం. ఆ ఇష్టంతోనే ఎన్నో సినిమాలు వీరిద్దరి కాంబినేషన్ లో వచ్చి సూపర్ హిట్లుగా నిలిచి అభిమానులను అలరించాయి.

English summary

Nandamuri Balakrishna is known for being unable to control his anger and hitting everyone. But he was also hit hard twice by two directors, NTR and Kodi Ramakrishna, because the scenes were not coming out right.