రామ్‌చరణ్ వద్ద అప్పు చేసిన పవన్ కల్యాణ్?

జనసేన అధినేత కొణిదెల పవన్ కల్యాణ్ 70వేల పైచిలుకు ఓట్ల మెజార్టీతో పిఠాపురం నుంచి సంచలన విజయాన్ని కైవసం చేసుకున్నారు. అసెంబ్లీ ఎన్నికల్లో కూడా జనసేన పోటీచేసిన 21 స్థానాల్లోను గెలుపొంది దేశం మొత్తం తమవైపు చూసేలా చేసుకుంది. ప్రస్తుతం ఉప ముఖ్యమంత్రిగా పవన్ బాధ్యతలు చేపట్టారు. తనకు ఓఎస్‌డీగా సమర్థుడైన యువ ఐఏఎస్ అధికారి కృష్ణతేజను నియమించుకున్నారు. కేరళలో విధులు నిర్వహిస్తున్న కృష్ణతేజను ఏపీకి పంపించాలంటూ కేంద్రానికి చంద్రబాబు లేఖ రాశారు. పవన్ కల్యాణ్ ప్రమాణ స్వీకార సమయంలో కుటుంబ సభ్యులంతా హాజరై సంతోషంలో మునిగారు.

సొంత డబ్బులతో రైతులకు పరిహారం
ఎన్నికలకు ముందు పవన్ రాష్ట్రమంతటా పర్యటించి ఆత్మహత్య చేసుకున్న కౌలు రైతులకు తన సొంత డబ్బునే లక్ష రూపాయల చొప్పున పంపిణీ చేశారు. సినిమాలద్వారా తనకు వచ్చే పారితోషికాన్ని ఇందుకు కేటాయించారు. దీనిపై అన్నివర్గాల నుంచి ప్రశంసలు వెల్లువెత్తాయి. తాజాగా మరో విషయం బయటకు వచ్చింది. మెగా పవర్‌స్టార్ రామ్‌చరణ్ వద్ద కొంత సొమ్మును అప్పుగా తీసుకున్నట్లు తెలుస్తోంది. అయితే రాజకీయ పార్టీని నడపడానికో, ఎన్నికల్లో పోటీచేయడానికో కాదు.. తాను సినిమాల్లోకి రాకముందు తీసుకున్న అప్పు.

వడ్డీతో సహా చెల్లిస్తాను
పాకెట్ మనీగా చిరంజీవి ఇచ్చిన డబ్బులు చాలకపోవడంతో రామ్ చరణ్ వద్ద నుంచి కొంత సొమ్మును అప్పుగా తీసుకునేవారు. ఎంత తీసుకున్నానో అంత వడ్డీగా ఇస్తానని చెర్రీకి చెప్పారు. అంతేకాదు.. చిన్న పిల్లాడివి నీకు ఇన్ని డబ్బులెందుకు? అని గట్టిగా చెప్పి వాటిని కూడా తానే తీసుకునేవారు. ఈ విషయాన్ని ఇటీవల జరిగిన ఓ ఇంటర్వ్యూలో చిరంజీవి పెద్ద కూతురు సుస్మిత చెప్పింది.

అలాగే పవన్ కల్యాణ్, రామ్ చరణ్ కూడా వేర్వేరు సందర్భాల్లో ఈ విషయాన్ని స్వయంగా చెప్పారు. పాకెట్ మనీకి డబ్బులు తీసుకున్న పవన్ కల్యాణ్ ఈరోజు లక్షలాది మందికి స్ఫూర్తిగా నిలిచే స్థాయికి చేరుకున్నారని, అందుకు ఎంతో శ్రమించారని, మంత్రిగా ప్రమాణ స్వీకారం చేయడంతో ఆ శ్రమకు తగిన ఫలితం దక్కిందని మెగా కుటుంబ సభ్యులు సంతోషాన్ని వ్యక్తం చేస్తున్నారు.

English summary

As a child, Ram Charan used to take the pocket money that Pawan gave him as his pocket money was not enough. They used to say that they will add interest.