ప్రభాస్ గురించి కన్నప్ప బ్యూటీ షాకింగ్ కామెంట్స్..!

ప్రీతి ముకుందన్.. శ్రీవిష్ణు హీరోగా నటించిన 'ఓం భీమ్ బుష్' చిత్రంతో టాలీవుడ్‌కి పరిచయమైంది. మొట్టమొదటి సినిమాతోనే గ్లామర్‌తో పాటు కామెడీ టైమింగ్‌ను చూపించి మెప్పించింది ఈ ముద్దుగుమ్మ. మంచు విష్ణు హీరోగా పాన్ ఇండియా స్థాయిలో తెరకెక్కిన చిత్రం " కన్నప్ప ". ఈ సినిమాలో నటించి అటు టాలీవుడ్, ఇటు పాన్ ఇండియా ప్రేక్షకుల దృష్టిని ఆకర్షించింది. ముకేశ్‌ కుమార్‌సింగ్‌ దర్శకత్వంలో వచ్చిన ఈ సినిమాలో భారీ తారాగణం ఉన్నారు. ఈ మూవీలో రుద్ర అనే పాత్రలో ప్రభాస్ కనిపించగా.. మోహన్ బాబు, అక్షయ్ కుమార్, మోహన్ లాల్, కాజల్ అగర్వాల్, శరత్ కుమార్.. బ్రహ్మానందం, మధుబాల, ముఖేష్ రిషి సహా పలువురు ప్రధాన పాత్రలు పోషించారు.

ఈ సినిమాకి ప్రేక్షకుల నుంచి మంచి రెస్పాన్స్ వచ్చినప్పటికీ.. మొదటి రోజు మాత్రమే బాక్సాఫీస్ దగ్గర కలెక్షన్స్ రాబట్టిన ఈ మూవీ ఆ తర్వాత నెమ్మదించిందని టాక్ వినిపిస్తోంది. అయితే ఈ అమ్మడు పాత్రకు మాత్రం మంచి రెస్పాన్స్ వచ్చింది.అయితే లేటెస్ట్ గా ఒక ఇంటర్వ్యూలో మాట్లాడుతూ ప్రభాస్ గురించి షాకింగ్ కామెంట్స్ చేసింది. ఇందుకు సంబంధించిన వీడియో సైతం ఫుల్ వైరల్ గా మారింది.

ప్రీతి మాట్లాడుతూ.. కన్నప్ప లాంటి పెద్ద ప్రాజెక్ట్‌లో అవకాశం అనుకోకుండా వచ్చింది. కొన్ని ఛాన్స్‌లు అదృష్టం వల్లే వస్తాయి.. కానీ ఆ అవకాశం వచ్చాక దాన్ని ఎలా వినియోగించుకోవాలో మనమే నిరూపించుకోవాలి అని అన్నారు. ప్రభాస్‌ తో పనిచేయడం నిజంగా ఓ డ్రీమ్‌లా ఫీలయ్యా.. ఆయన ఉన్నచోటే పాజిటివ్ ఎనర్జీ ఉంటుంది. స్క్రీన్‌పై కనిపించే మేజిక్ రియల్ లైఫ్‌లోనూ ఉంటుంది. ఆయన అందరినీ గౌరవంగా చూస్తారు, ఎవరినీ తక్కువగా చూడరు అంటూ చెప్పుకొచ్చారు. ప్రస్తుతం ప్రీతి.. బాలీవుడ్ లో 'మైనే ప్యార్ కియా' అనే రొమాంటిక్ కామెడీ సినిమాలో నటిస్తున్నారు. ఈ చిత్రం ఆగస్టు 29న విడుదల కాబోతుంది.

మరోవైపు యంగ్ రెబల్ స్టార్ ప్రభాస్ ప్రస్తుతం ఫుల్ స్వింగ్ లో దూసుకుపోతున్నారు. బాహుబలి సినిమాతో వరల్డ్ వైడ్ గా అభిమానులను సంపాదించుకున్న ప్రభాస్.. సలార్, కల్కి సినిమాలతో తన స్టామినా ఏంటో మరోసారి నిరూపించుకున్నాడు. ప్రస్తుతం మారుతితో రాజా సాబ్‌ సినిమా చేస్తున్నారు. ఈ మూవీలో మాళవిక మోహనన్ తో పాటు.. నిధి అగర్వాల్, రిద్ధి కుమార్ లు హీరోయిన్లుగా నటిస్తున్నారు. అలాగే సంజయ్ దత్, మురళి శర్మ, అనుపమ్ ఖేర్ లు కీలకపాత్రలు పోషిస్తున్నారు. అలానే హను రాఘవపూడి దర్శకత్వంలో ఒక సినిమా చేస్తున్నారు. ఆ తర్వాత సందీప్ రెడ్డితో 'స్పిరిట్'.. సలార్ 2, కల్కి 2 చిత్రాలలో నటించనున్నారు.

English summary

Preethi Mukundan.. She was introduced to Tollywood with the film 'Om Bheem Bush' starring Sri Vishnu as the hero. This beautiful girl impressed with her comedy timing along with glamour in her very first film. The film "Kannappa" was released on a pan-India scale with Manchu Vishnu as the hero.