రతన్ టాటా నిర్మించిన ఏకైక సినిమా ఏదో తెలుసా..?

భారతదేశపు విశిష్ట వ్యాపారవేత్త రతన్ నవల్ టాటా భారతదేశపు అత్యంత ప్రసిద్ధమైన వ్యాపారవేత్తలలో ఒకరు. టాటా గ్రూప్‌ను ప్రపంచ స్థాయి సంస్థగా తీర్చిదిద్దిన ఘనత ఆయనకు దక్కింది. ఆయన దృష్టి, నాయకత్వం మరియు దాతృత్వం భారతీయ వ్యాపార రంగంలో ఒక మైలురాయిగా నిలిచింది. 1937లో జన్మించిన రతన్ టాటా, టాటా కుటుంబానికి చెందిన వారే అయినప్పటికీ, తన స్వంత కృషితో ఎదిగారు. కార్నెల్ విశ్వవిద్యాలయం మరియు హార్వర్డ్ బిజినెస్ స్కూల్‌లో చదివారు. తన కెరీర్‌ను టాటా స్టీల్‌లో ఒక సాధారణ ఉద్యోగిగా ప్రారంభించి, క్రమంగా టాటా గ్రూప్‌ను నడిపించే స్థాయికి చేరుకున్నారు.

1991 నుండి 2012 వరకు టాటా సన్స్ చైర్మన్‌గా పనిచేశారు. ఆయన నాయకత్వంలో టాటా గ్రూప్‌ అనేక రంగాల్లో విస్తరించి, ప్రపంచ స్థాయి సంస్థగా ఎదిగింది. ఆయన వ్యక్తిగతంగా ఎన్నో పరోపకార కార్యక్రమాలను చేపట్టారు. టాటా ట్రస్ట్స్ ద్వారా లక్షలాది మందికి సహాయం చేశారు.భారతదేశ ప్రభుత్వం ఆయనకు పద్మభూషణ్ మరియు పద్మవిభూషణ్ అనే అత్యున్నత పౌర పురస్కారాలను ప్రదానం చేసింది.

ఆయన నాయకత్వంలో టాటా గ్రూప్‌ భారతీయ వ్యాపార రంగంలో ఒక ప్రత్యేక స్థానాన్ని సంపాదించింది.టాటా గ్రూప్‌ ద్వారా లక్షలాది మందికి ఉపాధి కల్పించి, భారతీయ ఆర్థిక వ్యవస్థకు బాగా దోహదపడింది.ఆయన దాతృత్వం ద్వారా అనేక సామాజిక సమస్యలను పరిష్కరించడానికి ప్రయత్నించారు. రతన్ టాటా కేవలం ఒక వ్యాపారవేత్త మాత్రమే కాదు, ఆయన ఒక దార్శనికుడు, మానవతావాది కూడా. ఆయన జీవితం మరియు కృషి భవిష్యత్ తరాలకు స్ఫూర్తిగా నిలుస్తాయి.

గత కొంతకాలంగా అనారోగ్యంతో బాధపడుతున్న రతన్ టాటా గురువారం బుధవారం రాత్రి కన్నుమూశారు. ఆయన మరణంపట్ల యావత్ భారతావని దిగ్భ్రాంతి చెందింది. ఆయన లేని లోటు దేశానికి తీర్చలేనిదంటూ కన్నీరు పెట్టింది. వ్యాపార రంగంలో తనదైన ముద్ర వేసిన రతన్ టాటా, సినిమా రంగంలో కూడా అడుగుపెట్టారు. ఆయన నిర్మాతగా మారి ఓ సినిమాను తెరకెక్కించారు. ఆ సినిమా పేరు 'ఏత్‌బార్'. బాలీవుడ్ బిగ్‌బీ అమితాబ్ బచ్చన్, జాన్ అబ్రహం, బిపాసా బసు ప్రధాన పాత్రల్లో నటించిన ఈ సినిమా 2004లో రిలీజైంది.

అలియాభట్ తండ్రి విక్రమ్ భట్ దర్శకత్వంలో తెరకెక్కిన ఈ సినిమా ఆ ఏడాది డిజాస్టర్ సినిమాల్లో ఒకటిగా నిలిచింది. రొమాంటిక్ సైకలాజికల్ థ్రిల్లర్ కాన్సెప్ట్‌తో తెరకెక్కిన ఈ సినిమా అప్పట్లో రూ.10 కోట్ల వరకు ఖర్చయింది. బాక్సాఫీస్ వద్ద ఈ సినిమా అట్టర్ ఫ్లాప్‌గా నిలిచింది. పెట్టుబడిలో సగం కూడా ఈ సినిమా కలెక్ట్ చేయలేకపోయింది. అలా రతన్ టాటా నిర్మించిన ఏకైక సినిమా డిజాస్టర్‌గా నిలిచింది. ఈ తర్వాత రతన్ టాటా మరో సినిమాను నిర్మించింది లేదు. ఈ సినిమా తెచ్చిపెట్టిన నష్టాలతో మళ్లీ సినిమా రంగంలో డబ్బు పెట్టకూడదని నిర్ణయించుకున్నారాయన.

English summary

Other than being an industrialist, Ratan Tata was a movie enthusiast as well. The 86-year-old co-produced a Bollywood film in 2004. He was involved in producing Aetbaar, a romantic psychological thriller directed by Vikram Bhatt, which starred Amitabh Bachchan, John Abraham, and Bipasha Basu.