సౌత్ నటిని కాబట్టే నన్ను నీచంగా చూశారు!: బాలీవుడ్ పరువు తీసిన స్టార్ హీరోయిన్!

టాలీవుడ్, కోలీవుడ్ సినీ అభిమానులకు సుపరిచితురాలైన ప్రముఖ నటి రెజీనా కసాండ్రా బాలీవుడ్ సినీ ఇండస్ట్రీపై షాకింగ్ కామెంట్స్ చేశారు. హిందీ సినిమాల్లో నటిస్తున్న సమయంలో తాను ఎదుర్కొన్న వివక్ష గురించి ఆమె ఓపెన్ అయ్యారు. తాను దక్షిణాది నుంచి వెళ్లిన నటిని కాబట్టే అక్కడ తన పట్ల అసభ్యకరంగా, అవమానకరంగా ప్రవర్తించారని ఆమె ఆవేదన వ్యక్తం చేశారు. కేవలం భాష తెలియని వారికే కాకుండా.. అన్ని తెలిసిన తనలాంటి వారికి కూడా అక్కడ సరైన గౌరవం దక్కలేదని రెజీనా పేర్కొన్నారు.

భాషపై పట్టున్నా.. దక్కని గుర్తింపు
చాలా మంది దక్షిణాది నటీనటులకు హిందీ రాదనే సాకుతో బాలీవుడ్‌లో చిన్నచూపు చూస్తుంటారు. కానీ తన విషయంలో అది వర్తించదని రెజీనా స్పష్టం చేశారు. తనకు హిందీ చదవడం, రాయడం, మాట్లాడటం అనర్గళంగా వచ్చని ఆమె వెల్లడించారు. తాను నటించిన 'ఫర్జీ', 'రాకెట్ బాయ్స్' వంటి వెబ్ సిరీస్‌లకు కూడా తన సొంత గొంతుతోనే డబ్బింగ్ చెప్పుకున్నానని, అయినప్పటికీ హిందీ పరిశ్రమలో తాను ఒకరిగా గుర్తింపు పొందడానికి, అక్కడ 'ఇది నా ఇల్లు' అని అనిపించుకోవడానికి చాలా సమయం పట్టిందని ఆమె వివరించారు.

సెట్స్‌లో అవమానకర ప్రవర్తన
బాలీవుడ్ సినిమా సెట్స్‌లో తనను ఏ విధంగా నీచంగా చూశారో రెజీనా విడమర్చి చెప్పారు. కేవలం మాటల ద్వారానే కాకుండా.. అక్కడి వారి పద్ధతులు, ప్రవర్తన ద్వారా తనను తక్కువ చేసి చూపించేవారని ఆమె ఆరోపించారు. "నేను ఒక సౌత్ ఇండియన్ నటిని కాబట్టే నన్ను ఓ రకమైన తక్కువ చూపుతో చూశారు. అది నా మనసును చాలా బాధించింది. అందుకే ఉత్తరాది ప్రాజెక్టుల విషయంలో నాకు ఒక రకమైన భయం, హింస కలిగేది" అని రెజీనా తన చేదు అనుభవాలను పంచుకున్నారు. అయితే అందరూ అలాగే ఉండరని, కానీ మెజారిటీ ప్రజల తీరు అలాగే ఉందని ఆమె వాపోయారు.

మహిళలపై స్టీరియోటైప్ మాద్ర
సినిమా రంగంలో, ముఖ్యంగా బాలీవుడ్‌లో మహిళలను ఒక చట్రంలో (Stereotype) ఇరికించడం చాలా ఈజీ అని రెజీనా అభిప్రాయపడ్డారు. గ్లామర్ ఇండస్ట్రీ కాబట్టి చూసే విధానం కూడా అలాగే ఉంటుందని ఆమె అన్నారు. కేవలం కమర్షియల్ సినిమాల్లో మెరిసిపోయే పాత్రల కంటే, వైవిధ్యమైన, నటనకు ప్రాధాన్యం ఉన్న పాత్రలు చేయాలన్నదే తన కోరిక అని ఆమె చెప్పారు. తన సినీ ఎంపికలు కష్టంగా ఉన్నప్పటికీ.. ఓ నటిగా తనదైన ముద్ర వేయడానికే ప్రయత్నిస్తున్నానని రెజీనా పేర్కొన్నారు.

సైకాలజీ మాస్టర్ టు యాక్టింగ్ కెరీర్
రెజీనా సినీ ప్రయాణం కేవలం గ్లామర్ వరకే పరిమితం కాలేదు. ఆమె విద్యాభ్యాసం పరంగా కూడా ఎంతో ఉన్నత స్థాయిలో ఉన్నారు. చెన్నైలో పుట్టి పెరిగిన ఆమె, సైకాలజీలో డిగ్రీ, మాస్టర్స్ పూర్తి చేశారు. కేవలం 16 ఏళ్ల వయసులోనే సినీ రంగ ప్రవేశం చేసిన రెజీనా.. ప్రస్తుతం 35 ఏళ్ల వయసులో పరిణతి చెందిన నటిగా ఎదిగారు. తన మనసులో ఉన్న విషయాలను దాచుకోకుండా ధైర్యంగా చెప్పడం ద్వారా ఆమె మరోసారి వార్తల్లో నిలిచారు.

English summary

Actress Regina Cassandra exposes Bollywood discrimination, claiming she was looked down upon for being from the South. Despite being fluent in Hindi, she faced disrespectful behavior on sets.