బిగ్ ట్విస్ట్ ఇచ్చిన సమంత

హీరోయిన్ సమంత ఈ మధ్య నిత్యం వార్తల్లో నిలుస్తున్నారు.ఏమాయ చేశావే సినిమాతో హీరోయిన్‌గా పరిచియం అయిన సమంత.. మహేష్ బాబుతో నటించిన దూకుడు సినిమాతో స్టార్ హీరోయిన్ హోదా సంపాదించింది. ఆ తరువాత తెలుగులో టాప్ హీరోయిన్‌గా ఓ వెలుగు వెలిగిన సమంత .. హీరో నాగచైతన్యను ప్రేమించి పెళ్లి చేసుకున్నారు. పెళ్లైనా కొన్నాళ్లకే వీరి మధ్య అభిప్రాయభేదాలు తలెత్తడంతో ఈ జంట విడాకులు తీసుకున్నారు.

సమంత గత కొంతకాలంగా మయసైటీస్ అనే వ్యాధితో బాధపడుతున్నారు. ఆర్యోగం సహకరించకపోవడంతో సమంత సినిమాలు చేయడం తగ్గించింది. నాగచైత్యన్యతో విడిపోయిన తరువాత చాలా సెలెక్టివ్‌గా సినిమాలు చేస్తుందామె. విజయ్ దేవరకొండతో కలిసి నటించిన 'ఖుషి' తరువాత ఆమె మళ్లీ వెండితెర మీద కనిపించింది లేదు.ఇటీవలే తిరిగి సమంత వరుస సినిమాలకు గ్రీన్ సిగ్నల్ ఇస్తోంది.

బాలీవుడ్ వెబ్ సిరీస్‌లో నటిస్తోంది సమంత. తాజాగా సిరీస్‌కు సంబంధించిన టైటిల్‌ను ప్రకటించారు. ఈ వెబ్ సిరీస్ టైటిల్‌ను ''హనీ, బన్నీ'' పెట్టినట్టు చిత్ర యూనిట్ తెలిపారు. ఈ సినిమాతో పాటు అల్లు అర్జున్ తమిళ స్టార్ దర్శకుడు అట్లీ దర్శకత్వంలో తెరకెక్కుతున్న సినిమాలో కూడా సమంతను హీరోయిన్‌గా ఎంపిక చేసినట్టు వార్తలు వస్తున్నాయి. ఇదిలా ఉంటే సమంత తాజాగా చేసిన స్టేట్మెంట్ ఆశ్చర్యానికి గురి చేస్తోంది.

తన సకీ కంపెనీకి వర్క్ చేసేందుకు ఎగ్జిక్యూటివ్ మేనేజర్స్, ఫ్యాషన్ డిజైనర్స్ కావాలని ఆసక్తి ఉన్న వారు సంప్రదించాలంటూ ఓ ప్రకటన విడుదల చేసింది. అంతేకాకుండా మెయిల్ ఐడిని కూడా ఇచ్చింది. ప్రస్తుతం సామ్ పోస్ట్ వైరల్ అవుతుండగా.. అది చూసిన ఫ్యాన్స్ ఆమె దగ్గర పని చేసేందుకు ఆసక్తి చూపిస్తున్నారు. అయితే ఇన్నాళ్లు హెల్త్‌కు సంబంధించిన విషయాలు తెలిపిన సమంత సడెన్‌గా బిజినెస్ స్టార్ట్ చేయడంతో నెట్టింట పలు అనుమానాలకు తెరలేపింది. సమంత సినిమాలు ఆపేసి బిజినెస్ చేస్తుందా అనే అనుమానాలు తెర మీదకు వస్తున్నాయి.

English summary

Samantha started new business.