Get Updates
Get notified of breaking news, exclusive insights, and must-see stories!

ఒకటి ఫుల్ క్లాస్.. ఇంకోటి ఊర మాస్.. ఫుల్ జోష్ లో యంగ్ హీరో !!

By
Time

టాలీవుడ్ లో తనకంటూ స్పెషల్ క్రేజ్ తెచ్చుకున్న యంగ్ హీరో "శర్వానంద్". శంకర్ దాదా ఎంబీబీఎస్‌, సంక్రాంతి, లక్ష్మీ సహా పలు సినిమాల్లో చిన్న పాత్రల్లో నటించి ప్రేక్షకుల దృష్టిని ఆకర్షించాడు. ఆ తర్వాత హీరోగా ప్రస్థానం, గమ్యం వంటి విభిన్న చిత్రాలతో నటుడిగా పేరు తెచ్చుకున్నాడు. 2014లో విడుదలైన రన్ రాజా రన్ ఆయన కెరీర్‌లో టర్నింగ్ పాయింట్‌గా నిలిచింది. ఆ తర్వాత ఎక్స్‌ప్రెస్ రాజా, శతమానం భవతి, మహానుభావుడు వంటి చిత్రాలతో కమర్షియల్ విజయాలను అందుకున్నారు. గత కొంతకాలంగా మాత్రం వరుస ఫ్లాప్ లతో కొంచెం వెనుకపడ్డారు.

కానీ ఈసారి మాత్రం తనకు బాగా కలిసొచ్చిన సంక్రాంతి సీజన్ లో "నారీ నారీ నడుమ మురారి" మళ్లీ హిట్ కొట్టి ఫామ్ లోకి వచ్చేశారు. చాలాకాలంగా సరైన సక్సెస్ కోసం ఎదురుచూస్తున్న ఆయనకు ఈ మూవీ భారీ హిట్ అవ్వడం ఫుల్ ఖుషి ఇస్తుంది. రామ్ అబ్బరాజు దర్శకత్వంలో తెరకెక్కిన ఈ చిత్రాన్ని అనిల్ సుంకర, రామబ్రహ్మం సుంకర నిర్మించారు. శర్వా సరసన సంయుక్త, సాక్షి వైద్య కథానాయికలుగా నటించారు. జనవరి 14న విడుదలైన ఈ చిత్రం బ్లాక్ బస్టర్ విజయాన్ని అందుకుంది. నేడు శర్వానంద్ పుట్టినరోజు జరుపుకుంటున్న ప్రస్తుతం ఆయన నటిస్తున్న సినిమాల నుంచి అదిరిపోయే అప్డేట్స్ వచ్చాయి.

sharwanand-latest-movies-biker-and-bhogi-release-dates-announced-by-movie-makers

ఒకటి ఫుల్ క్లాస్.. ఇంకోటి ఊర మాస్

ముందుగా శర్వానంద్ నటిస్తున్న చిత్రాల్లో 'బైకర్' ఒకటి. అభిలాష్ రెడ్డి దర్శకత్వంలో తెరకెక్కుతున్న ఈ మూవీలో ఆయన ఒక ప్రొఫెషనల్ మోటార్‌‌సైకిల్ రేసర్‌‌‌‌గా కనిపిస్తున్నారు. ఈ సినిమాను డాల్బీ సినిమా, EPIQ, 4DX వంటి ప్రీమియం ఫార్మాట్స్‌లో నిర్మిస్తున్నారు. ఏప్రిల్ 3న ప్రేక్షకుల ముందుకు రాబోతున్న ఈ చిత్రంలో మాళవిక నాయర్ హీరోయిన్‌గా నటిస్తుండగా.. సీనియర్ హీరో రాజశేఖర్ 'బుల్లెట్ సునీల్' అనే ఎక్స్ మోటోక్రాస్ లెజెండ్ పాత్రలో కనిపిస్తున్నారు. జిబ్రాన్ సంగీతం అందిస్తున్న ఈ చిత్రంలో గతంలో ఎన్నడూ లేని విధంగా ఫుల్ క్లాస్ రోల్ లో మెప్పిస్తున్నారు.

అలానే శర్వానంద్ నటిస్తున్న మరో క్రేజీ ప్రాజెక్ట్ 'భోగి'. సంపత్ నంది దర్శకత్వంలో వస్తున్న ఈ పీరియాడిక్ డ్రామా 1960ల నాటి తెలంగాణ - మహారాష్ట్ర సరిహద్దు ప్రాంతాల నేపథ్యంలో తెరకెక్కుతుంది. శర్వా సరసన అనుపమ పరమేశ్వరన్, డింపుల్ హయాతి హీరోయిన్లుగా నటిస్తున్నారు. ఈ మూవీలో పక్కా ఊరమాస్ లుక్‌లో శర్వానంద్ మెప్పిస్తున్నారు. ఈ చిత్రం ఆగస్టు 28న పాన్ ఇండియా లెవెల్లో రిలీజ్ కానుంది. ఒకేరోజు రెండు భారీ చిత్రాల రిలీజ్ డేట్స్ రావడంతో శర్వానంద్ అభిమానులు ఫుల్ ఖుషి అవుతున్నారు. రెండు సినిమాల అప్‌డేట్స్‌తో సోషల్ మీడియాలో శర్వానంద్ పేరు ట్రెండింగ్‌లో కొనసాగుతోంది.

Published On March 6, 2026
More From
Prev
Next
Read more about:

Tollywood film industry telugu cinema industry

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out