లైంగిక వేధింపుల కేసులో 'స్క్విడ్ గేమ్' నటుడు అరెస్ట్..

చిత్ర పరిశ్రమలో లైంగిక వేధింపుల ఘటనలు ఇప్పటికే చాలా చోటుచేసుకున్నాయి. ఇప్పుడు తాజాగానే ఈ తరహా సంఘటన జరిగింది. 'స్క్విడ్ ‌గేమ్‌' సిరీస్ నకు ప్రపంచవ్యాప్తంగా మంచి ఆదరణ లభించింది. నాలుగేళ్ల క్రితం విడుదలయ్యి ప్రపంచవ్యాప్తంగా విపరీతమైన పాపులారిటీ సంపాదించుకుంది. ఈ వెబ్ సిరీస్ లో కీలక పాత్రలో నటించిన ఒక నటుడుకి లైంగిక వేధింపుల ఆరోపణల కేసులో శిక్ష ఖరారు కావడం సర్వత్రా చర్చనీయాంశంగా మారింది.

అయితే లైంగిక వేధింపుల కేసులో జైలుకి వెళ్లబోయేది మెయిన్ లీడ్ గా చేసిన నటుడు కాదులేండి. మరో ముఖ్య పాత్ర పోషించిన 80 ఏళ్ల ఓ యోంగ్ సు. ఈ వయసులోనూ ఆయన అద్భుతంగా నటించారని ప్రశంసలు వెల్లువెత్తాయి. కానీ ఇప్పుడు అనూహ్యంగా వేధింపుల కేసులో న్యాయస్థానం అతడికి జైలు శిక్ష విధించడం అందరికీ షాక్ ఇస్తుంది.

ఇందుకు సంబంధించి పూర్తి వివరాల్లోకి వెళ్తే.. దాదాపు 50 ఏళ్ల నుంచి సినిమా ఇండస్ట్రీలో రాణిస్తున్నారు ఓ యోంగ్‌ సు. అయితే కొంతకాలం క్రితం వేధింపులకు పాల్పడ్డాడని.. లైంగికంగా వేధించాడని ఆరోపిస్తూ ఓ జూనియర్‌ ఆర్టిస్ట్‌ న్యాయస్థానాన్ని ఆశ్రయించింది. అంతే కాకుండా ఘటన జరిగిన నాటి నుంచి తిరిగి పని చేసుకోవడానికి వెళ్లాలంటేనే భయంగా ఉందని వాపోయింది. అయితే కోర్టు విచారణ సమయంలో తాను చేసిన దానిలో ఏమాత్రం తప్పు లేదన్నట్లు ఓ యోంగ్‌ సు మాట్లాడటం.. పశ్చాత్తాపం వ్యక్తం చేయడానికి బదులు తనని తాను సమర్థించుకోవడంతో.. ఇరు వాదనలు విన్న న్యాయస్థానం సాక్ష్యాధారాలను పరిశీలించి అతడికి ఏడాది పాటు జైలు శిక్ష విధించింది.

స్క్విడ్ గేమ్ వెబ్ సిరీస్‌లో ప్లేయర్ 001గా ఓ యోంగ్ సు కనిపించాడు . మరోవైపు ఈ సిరీస్ కొనసాగింపుగా చిత్రాలు రానున్న తరుణంలో మళ్లీ ఆయనను ఈ సిరీస్ లోకి తీసుకోరని కూడా అంటున్నారు. యోంగ్ సు కారణంగా తమ సిరీస్ కు ఎలాంటి డ్యామేజ్ జరగకూడదని మేకర్స్ ఈ నిర్ణయం తీసుకోబోతున్నారని చర్చ నడుస్తోంది.

English summary

There have been many incidents of sexual harassment in the film industry. Now, this is the latest incident of its kind. An actor who played a key role in the 'Squid Game' series has been sentenced in a sexual harassment case.