సినిమా ఒప్పుకున్న సమంత.. హీరోగా అతనే?

తెలుగు సినీ పరిశ్రమలో స్టార్ హీరోయిన్ గానే కాదు.. నెంబర్ వన్ హీరోయిన్ గా కూడా కొనసాగుతున్న సమంత గురించి ప్రత్యేకంగా పరిచయం చేయాల్సిన అవసరంలేదు. నాగచైతన్యతో వివాహానికి ముందు ఎంత పేరొచ్చిందో.. వాళ్లిద్దరూ విడాకులు తీసుకున్న తర్వాత అంతకన్నా ఎక్కువ పేరును సమంత సంపాదించుకుంది. మయోసైటిస్ తో బాధపడుతూ కొద్దికాలం నుంచి సినిమాలకు దూరం జరిగింది. చికిత్స కోసం విదేశాలకు వెళ్లివచ్చింది. తాను ఎక్కడ ఉన్నా, ఏం చేస్తున్నా ఎప్పటికప్పుడు అప్ డేట్ ను సోషల్ మీడియాలో షేర్ చేస్తూ అభిమానులకు దగ్గరగానే ఉంటుంది.

చికిత్స తీసుకునే క్రమంలో అప్పటికే ఒప్పుకున్న సినిమాలకు సంబంధించి తీసుకున్న అడ్వాన్స్ లను నిర్మాతలకు తిరిగిచ్చేసింది. ఇటీవల నుంచే కథలను వింటోంది. వెబ్ సిరీస్ లో అత్యధిక రెమ్యునరేషన్ తీసుకునే హీరోయిన్ గా కూడా రికార్డ్ సృష్టించింది. తన స్నేహితురాలు నందినిరెడ్డి తీసే సినిమాలో నటించాలనుకున్నప్పటికీ ఎందుకనో ఆ నిర్ణయాన్ని వాయిదా వేసుకుంది. ఒకరకంగా ఆమె తెలుగు సినీ పరిశ్రమకు గుడ్ బై చెప్పబోతోందంటూ వార్తలు వచ్చాయి.

అయితే వాటన్నింటినీ ఖండిస్తూ తెలుగులో ఓ సినిమాలో చేయడానికి ఒప్పుకున్నట్లు తెలిసింది. హీరోయిన్ ప్రాధాన్యత ఉన్న చిత్రమని, ఓ యంగ్ హీరో కథానాయకుడిగా నటించబోతున్నట్లు సమాచారం. ఆ హీరో ఎవరనే విషయంపై పూర్తి స్పష్టత రాలేదు. గతంలో తాను నటించిన హీరోయేనా? లేదంటే కొత్త హీరోనా? అనేది తెలియాల్సి ఉంది.

ఇదే కాకుండా బాలీవుడ్ లో రెండు సినిమాలు, హాలీవుడ్ లో ఓ సినిమా ఒప్పుకుంది. మరోవైపు సొంతంగా ప్రొడక్షన్ హౌస్ స్థాపించిన సంగతి తెలిసిందే. దీనిద్వారా కొత్తవారిని ప్రోత్సహించబోతోంది. సమంత నిర్ణయాన్ని అభిమానులు సాదరంగా స్వాగతిస్తున్నారు. ఆమెను ఎప్పుడ అభిమానిస్తూనే ఉంటామని, నాగచైతన్యతో మరోసారి కలిసిపోతే చూడాలని ఉందంటూ కామెంట్లు పెడుతున్నారు. తన రెండో ఇన్నింగ్స్ లో సమంత ఎలా రాణిస్తుందో చూడాలి.

English summary

It seems that Samantha, who has been staying away from films for a while, has recently agreed to act alongside a young hero in Telugu.