ఓటీటీలో ప్రత్యక్షమైన సస్పెన్స్ థ్రిల్లర్.. గుండె ధైర్యం ఉన్నవాళ్లకు మాత్రమే

ఈ రోజుల్లో ఓటీటీ ప్లాట్‌ఫామ్‌లలో క్రైమ్ థ్రిల్లర్లకు చాలా మంచి ఆదరణ లభిస్తోంది. అందువల్లే ఓటీటీ సంస్థలు కూడా అలాంటి కథాంశాలపైనే ఎక్కువగా దృష్టి పెడుతున్నాయి. ఉత్కంఠభరితమైన కథాంశాలు, ఊహించని మలుపులు, సస్పెన్స్ ప్రేక్షకులను బాగా ఆకట్టుకుంటున్నాయి. దీనిలో భాగంగానే ఓ సస్పెన్స్ థ్రిల్లర్ సినిమా ఓటీటీ స్ట్రీమింగ్ అవుతోంది.
తెలుగు ఓటీటీ ప్రేక్షకులకు సరికొత్త అనుభూతిని అందించడానికి, ప్రముఖ తెలుగు ఓటీటీ సంస్థ ఈటీవీ విన్ ఒక వైవిధ్యమైన ఆంథాలజీ సిరీస్‌తో ముందుకు వచ్చింది. అదే '4 టేల్స్'. కేవలం వినోదం అందించడమే కాకుండా, సినిమా రంగంలో కొత్త ప్రతిభను ప్రోత్సహించాలనే ఉద్దేశంతో వారు చేపట్టిన 'కథా సుధ' కార్యక్రమంలో భాగంగా ఈ వినూత్న ప్రయత్నం మొదలైంది.

ప్రతి ఆదివారం ఒక కొత్త కథ, ఒక కొత్త భావోద్వేగం, ఒక కొత్త అనుభూతిని పరిచయం చేయనున్న ఈ సిరీస్‌లోని మొట్టమొదటి కథ - 'ది మాస్క్' ఈ ఆదివారం (12-10-2025) నుండే ఈటీవీ విన్ యాప్‌లో స్ట్రీమింగ్ అవుతోంది. '4 టేల్స్' యొక్క వైవిధ్యాన్ని, ప్యాకేజింగ్‌ను స్పష్టం చేస్తూ, ఈ చిత్ర ట్రైలర్‌ను దిగ్గజ దర్శకులు రామ్ గోపాల్ వర్మ (R.G.V.), మాస్ డైరెక్టర్ హరీష్ శంకర్ మరియు ప్రముఖ మ్యూజిక్ డైరెక్టర్ జి.వి.ప్రకాష్ వంటి సినీ ప్రముఖులు లాంచ్ చేయడం ఈ సిరీస్‌కు ఎంత ప్రాధాన్యత ఉందో తెలుపుతోంది.

కథ
ఈ వారం ప్రీమియర్ అయిన 'ది మాస్క్' కథాంశం అత్యంత ఆసక్తికరంగా ఉంది. ఈజీ మనీకి అలవాటు పడి, క్రికెట్ బెట్టింగ్‌లలో డబ్బులు పోగొట్టుకుని అప్పుల పాలైన ఒక యువకుడి చుట్టూ కథ తిరుగుతుంది. ఆ అప్పులను తీర్చడానికి అతను చేసే ఆఖరి ప్రయత్నం - ఒక ఇంట్లో దొంగతనం. అయితే ఆ దొంగతనం అతన్ని ఎలాంటి ఊహించని ప్రమాదంలోకి నెట్టింది? అక్కడ అతడు ఎదుర్కొన్న పరిస్థితులు ఏమిటి? అనేదే ఈ కథలోని ప్రధాన సస్పెన్స్.

దర్శకుడు కొత్తపల్లి సురేష్ కేవలం ఒక చిన్న కథాంశంలోనే సస్పెన్స్, డ్రామా, మరియు డార్క్ హ్యూమర్ను అద్భుతంగా మిళితం చేశారు. బుల్లితెర (ఓటీటీ) కోసమే అయినా, ఆయన ఆవిష్కరించిన విధానం ప్రేక్షకులకు ఒక పూర్తి సినిమాటిక్ ఎక్స్పీరియన్స్ను అందిస్తుంది అనడంలో సందేహం లేదు. ప్రధాన పాత్రధారులుగా రావన్ నిట్టూరి, గడ్డం శ్రీనివాస్ తమదైన నటనతో ఆకట్టుకున్నారు.

టెక్నికల్ అద్భుతం
'నరుడి బ్రతుకు నటన' చిత్రానికి దర్శకత్వం వహించిన రిషికేశ్వర్ యోగి సమర్పణలో, 'కథా గని పిక్చర్స్' బ్యానర్ పై నిర్మితమైన ఈ చిత్రానికి, అక్షయ్ వసూరి ఛాయాగ్రహణం, విశాల్ భరద్వాజ్ సంగీతం, రిషికేశ్వర్ యోగి ఎడిటింగ్ కథకు తగ్గట్టుగా మూడ్‌ను, టెన్షన్‌ను పీక్స్‌కి తీసుకెళ్లాయి. మొత్తంగా, ఈటీవీ విన్ చేపట్టిన ఈ '4 టేల్స్' ఆంథాలజీ కొత్త టాలెంట్‌ను ప్రోత్సహించడంతో పాటు, తెలుగు ఓటీటీ కంటెంట్‌లో ఒక కొత్త, ఆసక్తికరమైన ట్రెండ్‌కు నాంది పలికింది. 'ది మాస్క్' అందించిన ఉత్కంఠభరితమైన అనుభవాన్ని మిస్సవ్వకుండా చూడాల్సిందే.

English summary

ETV Win launches '4 Tales' Anthology to promote new talent. The first story, 'The Mask,' a crime thriller about a young man and a theft gone wrong, is streaming now (Oct 12, 2025). Director K. Suresh mixes suspense, drama, and dark humor brilliantly.