'తెలుసు కదా' రివ్యూ .. ఊహించుకుంటేనే భయంగా ఉంది భయ్యా..!
'టిల్లు' బ్రాండ్తో యూత్లో ట్రెండ్ సెట్టర్గా నిలిచిన సిద్ధు జొన్నలగడ్డ, ఈసారి ఒక క్లాస్, మెచ్యూర్డ్ రొమాంటిక్ డ్రామాతో మన ముందుకొచ్చారు - అదే 'తెలుసు కదా'. స్టార్ ఫ్యాషన్ డిజైనర్ నీరజా కోన తొలిసారి మెగాఫోన్ పట్టి, ఒక సున్నితమైన అంశాన్ని ఎలా తెరకెక్కించారో ఈ సమీక్ష ద్వారా తెలుసుకుందాం.
కథ:
అనాథ అయిన వరుణ్ (సిద్ధు జొన్నలగడ్డ)కు ఒకే ఒక లక్ష్యం - సొంత పిల్లలతో కూడిన సంతోషకరమైన కుటుంబం. కాలేజీలో తన ప్రేయసి రాగ (శ్రీనిధి శెట్టి), రిలేషన్ షిప్స్, పెళ్లిపై నమ్మకం లేక వదిలేసి వెళ్ళిపోతుంది. కొన్నాళ్లకు వరుణ్, ఇంటీరియర్ డిజైనర్ అంజలి (రాశీ ఖన్నా)ను పెళ్లి చేసుకుంటాడు.
కానీ, పిల్లలు పుట్టరనే చేదు నిజాన్ని తెలుసుకున్న అంజలి, సరోగసి కోసం సిద్ధమవుతుంది. ఇక్కడే కథ ఊహించని మలుపు తిరుగుతుంది: ఆ సరోగసి స్పెషలిస్ట్ మరెవరో కాదు - వరుణ్ ఎక్స్-గర్ల్ఫ్రెండ్ రాగ! రివెంజ్ తీర్చుకోవాలనే ఉద్దేశంతో, వరుణ్ రాగను 9 నెలలు తమ ఇంట్లోనే ఉంచుకోవాలనే షరతు పెడతాడు.మరి ఈ ముగ్గురి మధ్య సాగే ఎమోషనల్ జర్నీ ఏంటి? అంజలికి ఈ గతం ఎలా తెలుస్తుంది? వరుణ్ రివెంజ్ ప్లాన్ ఏమైంది? అనేది తెరపై చూడాల్సిందే.
విశ్లేషణ:
దర్శకురాలు నీరజా కోన ఒక కొత్త తరహా లవ్ స్టోరీని చాలా సున్నితంగా డీల్ చేసింది. సినిమా కథాంశం (సరోగసి నేపథ్యం) పాత 'చోరీ చోరీ చుప్కె చుప్కె' సినిమాను గుర్తు చేసినా, దాన్ని నేటి తరం రిలేషన్షిప్లోని ఎమోషన్స్తో, ముఖ్యంగా మూడు పాత్రల మధ్య నడిపించిన తీరు ఆకట్టుకుంటుంది.
సెకండ్ హాఫ్ మొత్తం ప్రేక్షకులను క్యూరియాసిటీతో కట్టిపడేస్తుంది. అంజలికి సత్యం తెలిసిన తర్వాత, ముగ్గురి మధ్య వచ్చే ఎమోషనల్ డ్రామా చాలా ఇంట్రెస్టింగ్గా సాగుతుంది. సరోగసి వంటి సంక్లిష్టమైన అంశాన్ని సమాజంలో పాజిటివ్గా చూపించడానికి ప్రయత్నించడం మెచ్చుకోదగిన విషయం.అయితే, కొన్ని చోట్ల సన్నివేశాలు సాగదీసినట్లుగా అనిపించడం, కథ అందరికీ కనెక్ట్ అవుతుందా అనే సందేహం కలగడం ఈ సినిమాకు మైనస్లు.
నటన:
సిద్ధు జొన్నలగడ్డ 'టిల్లు' హుషారును పక్కన పెట్టి, చాలా కూల్, సెటిల్డ్ పర్ఫార్మెన్స్తో మెప్పించాడు. ఎమోషన్స్ను బయటపెట్టలేని అబ్బాయి పాత్రను బాగా పండించాడు. రాశీ ఖన్నా జెలసీతో కూడిన క్యూట్ భార్యగా ఆకట్టుకోగా, శ్రీనిధి శెట్టి మెచ్యూర్డ్ డాక్టర్ పాత్రలో అదరగొట్టింది. వైవా హర్ష తన కామెడీ టైమింగ్తో హీరో పక్కన నవ్వులు పూయించాడు.
సాంకేతికం: తమన్ సంగీతం, పాటలు బాగున్నాయి. అయితే, హీరో ఎలివేషన్ సీన్స్లో బ్యాక్గ్రౌండ్ మ్యూజిక్ పాత 'OG' ఫీలింగ్ను ఇవ్వడం గమనించవచ్చు. సినిమాటోగ్రఫీ క్లాసీగా ఉంది. ఎడిటింగ్ పద్ధతి, ముఖ్యంగా గతం-వర్తమానం సీన్స్ డీల్ చేసిన విధానం ప్రశంసనీయం.
ఫైనల్గా:
ఒక ఫిమేల్ డైరెక్టర్ ఇంతటి హార్ష్ రియాలిటీ ఉన్న డైలాగ్స్, సీన్స్తో కూడిన కథను ఇంత బాగా డీల్ చేయడం 'హ్యాట్సాఫ్' చెప్పదగిన విషయం. 'తెలుసు కదా' ఒక అబ్బాయి, తన భార్య, ఎక్స్ మధ్య ఎమోషన్స్తో కూడిన ఒక కొత్త తరహా ప్రయత్నం. క్లాస్, ఎమోషనల్ డ్రామాను ఇష్టపడే ప్రేక్షకులకు ఈ సినిమా ఒక మంచి అనుభూతిని ఇస్తుంది. ఈ సినిమాను తప్పక చూడవచ్చు.
రేటింగ్:3/5
Click it and Unblock the Notifications
Sign in with Google