ఐటీ హబ్ పోలీసుల కస్టడీలో స్టార్ హీరో, మేడమ్, దెబ్బకు మైండ్ బ్లాక్, భార్య సైలెంట్

కర్ణాటకలోని చిత్రదుర్గకు చెందిన రేణుకా స్వామి హత్య కేసులో కన్నడ స్టార్ హీరో, చాలెంజింగ్ స్టార్ దర్శన్‌ను అరెస్టు చేసి ఈరోజు బెంగళూరులోని 24వ ఏసీఎంఎం కోర్టులో హాజరుపరిచారు. ఈ సమయంలో దర్శన్‌కు అనుకూలంగా, వ్యతిరేకంగా వాదనలు జరిగాయి. వాదనలు విన్న న్యాయమూర్తి నటుడు దర్శన్‌ను ఆరు రోజుల పోలీసు కస్టడీకి అప్పగిస్తూ ఆదేశాలు జారీ చేశారు.

రేణుకాస్వామి హత్య కేసులో ఏ.1 పవిత్ర గౌడ అలియాస్ పవిత్ర, ఏ.2 స్టార్ హీరో దర్శన్‌లు న్యాయమూర్తి ఎదుట వేదనతో కన్నీళ్లు పెట్టుకున్నారు. ఈ కేసుకు సంబంధించి మొత్తం 13 మంది కోర్టుకు హాజరయ్యారు. ఈ సమయంలో దర్శన్ జడ్జి ముందు చేతులు కట్టుకుని నిలబడి మౌనంగా ఉండిపోయాడు. హీరో దర్శన్ తో పాటు నటి పవిత్రా గౌడ బెయిల్ తీసుకోవాలని, లేదంటే తమను రిమాండ్ కు పంపించాలని కోర్టుకు మనవి చేశారు.

హీరో దర్శన్ తో పాటు పవిత్రా గౌడ మొబైల్ డేటాను సేకరించాలని, నేరానికి ఉపయోగించిన ఆయుధాన్ని సేకరించాలని కోర్టులో పోలీసులు వాదించారు. అలాగే హీరో దర్శన్ ను వదిలేస్తే సాక్షాలను నాశనం చేసే అవకాశం ఉందని, ఆయనకు బెయిల్ ఇవ్వకూడదని, రిమాండ్ కు తరలించకుండా మా కస్టడీకి ఇవ్వాలని పోలీసులు వాదించారు. హీరో దర్శన్ ను కస్టడీలోకి తీసుకోవాలని పోలీసులు కోర్టుకు మనవి చేశారు.

మీ అరెస్టు గురించి కుటుంబ సభ్యులకు సమాచారం అందిందా? న్యాయవాదిని నియమించాలా? పోలీసులు మిమ్మల్ని ఇబ్బందుల్లో పెట్టారా అంటూ హీరో దర్శన్‌ను న్యాయమూర్తి పలు ప్రశ్నలు సంధించారు. న్యాయమూర్తి ఎదుట హీరో దర్శన్ ను, పవిత్రా గౌడ తదితరులను హాజరుపరచగా పోలీసులు కస్టడీ కోరగా నిందితులు మాత్రం రిమాండ్‌కు దరఖాస్తు చేసుకున్నారు. పబ్లిక్ ప్రాసిక్యూటర్ వినతిపత్రం సమర్పించి 14 రోజులు నిందితులను పోలీసు కస్టడీకి పంపాలని అభ్యర్థించారు.

హత్య జరిగిన ప్రదేశాన్ని తేల్చాల్సి ఉందని, కాబట్టి 14 రోజులు పోలీసు కస్టడీకి ఇవ్వాలని అభ్యర్థించారు. నిందితులను పోలీసుల కస్టడీకి తరలించాలని పోలీసులు దరఖాస్తు చేసుకున్నారు. దర్శన్ తరపు న్యాయవాది 14 రోజుల పోలీసు కస్టడీకి ఎందుకు అవసరం? దర్శన్ మొబైల్ ఇప్పటికే సీజ్ చేయబడింది. వారిని వేధించకూడదు. తనను జ్యుడీషియల్ కస్టడీకి పంపాలని కూడా అభ్యర్థించారు.

వాదనలు విన్న న్యాయమూర్తి ఆరు రోజుల పాటు హీరో దర్శన్ ను పోలీసు కస్టడీకి ఆదేశించారు. హీరో దర్శన్‌ తో పాటు 13 మందిని కోర్టులో హాజరుపరిచే ముందు బెంగళూరులోని బౌరింగ్ ఆసుపత్రిలో వైద్య పరీక్షలు చేయించారు. నటుడు దర్శన్ సహా 13 మంది ఆరోగ్య పరిస్థితి నిలకడగా ఉందని, వారిలో ఎవరికీ తీవ్రమైన అనారోగ్య సమస్యలు లేవని వైద్యులు నివేదిక ఇచ్చాు. మొత్తం మీద స్టార్ హీరో దర్శన్ పోలీసు కస్టడీలో ఉన్నాడు.

English summary

The court sent Kannada hero Darshan and Pavitra Gowda to police custody for six days