వరుణ్ తేజ్ - లావణ్య కొడుకు పేరు ఇదే..!

దస‌రా పండుగ సంద‌ర్భంగా మెగా ప్రిన్స్ వ‌రుణ్ తేజ్ - లావణ్య త్రిపాఠి అభిమానులకు శుభవార్త తెలియజేశారు. ఈ మేరకు తమ కుమారుడి పేరుని సోష‌ల్ మీడియా వేదిక‌గా అనౌన్స్ చేశారు. బాబుకి 'వాయువ్ తేజ్ కొణిదెల'గా పేరు పెట్టినట్లు దంపతులు వెల్లడించారు. సోషల్ మీడియాలో వరుణ్ తేజ్, లావణ్య త్రిపాఠి, వాయువ్ తేజ్ ఉన్న ఫొటోలను కూడా షేర్ చేశారు. అయితే ఎక్క‌డా పిల్లాడి ముఖం క‌న‌ప‌డ‌నీయ‌లేదు. ఈ ఫోటోలు వైరల్‌ కావడంతో అభిమానులు, మెగా ఫ్యాన్స్, సినీ ప్రముఖులు ఈ జంటకు విషెస్ చెబుతూ పోస్టులు పెడుతున్నారు.

ఈ మేరకు ఆ పోస్టులో "ఆంజ‌నేయ స్వామి ద‌య‌తో పుట్టిన మా బాబుకి వాయువ్ తేజ్ కొణిదెల అని పేరు పెట్టాం..మీ అంద‌రి దీవెన‌లు కావాలి' అంటూ ఓ చిన్న వీడియో కూడా షేర్ చేశారు. కాగా మెగా ఫ్యామిలీకి ఆంజ‌నేయ స్వామి ఇష్ట దైవం అని తెలిసిందే. అందుకే వారి కుటుంబంలోని పిల్ల‌ల‌కు ఆంజ‌నేయ స్వామి పేరు వ‌చ్చేలా చూసుకుంటారు. దాంతో ఆ సెంటిమెంట్‌ను ఫాలో అవుతూ వ‌రుణ్ తేజ్ కూడా అలా పేరు పెట్టినట్టు భావిస్తున్నారు.

'అందాల రాక్షసి' సినిమాతో లావణ్య త్రిపాఠి హీరోయిన్‌గా పరిచియమైంది. వరుణ్ తేజ్‌, లావణ్య త్రిపాఠి ఇద్దరి కలిసి రెండు సినిమాల్లో నటించారు. ''మిస్టర్'', ''అంతరిక్షం'' సినిమాల్లో వీరిద్దరు జంటగా కనిపించారు. ఆ సమయంలో ఏర్పడిన పరిచియం ప్రేమగా మారింది. వీరి పెళ్లికి ఇరు కుటుంబాలు అంగీకరించడంతో..లావణ్య త్రిపాఠి మెగా ఇంటికి కోడలుగా వెళ్లింది. 2023 నవంబర్ 1న ఇటలీలో వివాహం చేసుకున్నారు. వారి వివాహం అంగరంగ వైభవంగా జరిగింది.

ఇక ప్రస్తుతం వ‌రుణ్ తేజ్ హీరోగా మేర్ల‌పాక గాంధీ ద‌ర్శ‌క‌త్వంలో కొరియ‌న్ క‌న‌క‌రాజు అనే హార‌ర్ కామెడీ మూవీ రూపొందుతోంది. చాలా రోజులుగా ఓ మంచి హిట్ మూవీ కోసం వ‌రుణ్ తేజ్ ఎదురు చూస్తున్నాడు. మ‌రి దీంతోనైన హిట్ కొడ‌తాడేమో చూడాలి మ‌రి. ఈ సినిమాపై టాలీవుడ్ లో అంచనాలు బాగానే ఉన్నాయి.

English summary

On the occasion of Dussehra festival, Mega Prince Varun Tej and Lavanya Tripathi have given good news to their fans. To this extent, they announced the name of their son on social media. The couple revealed that they have named their son 'Vayuve Tej Konidela'.