పూరి జగన్నాథ్ ఆలయ బ్యాక్డ్రాప్లో అద్భుతమైన డివోషనల్ థ్రిల్లర్
మాస్టర్ మహేంద్రన్, అంబికా వాణి జంటగా, వైకుంఠ్ బోను దర్శకత్వంలో తెరకెక్కిన విజువల్ డివోషనల్ థ్రిల్లర్ 'వసుదేవసుతం'. రెయిన్బో సినిమాస్ బ్యానర్ పై ధనలక్ష్మి బాదర్ల నిర్మించిన ఈ చిత్రం జూలై 10న థియేటర్స్లోకి వచ్చి ప్రేక్షకులను ఎంతగానో ఆకట్టుకుంటోంది. ప్రసిద్ధ పూరి జగన్నాథ్ ఆలయ నేపథ్యం, అందులోని రహస్యాలు, బ్రహ్మపదార్థం , గుప్తనిధుల చుట్టూ తిరిగే ఓ ఆసక్తికరమైన కల్పిత కథతో ఈ చిత్రాన్ని విజువల్గా చాలా అద్భుతంగా తెరకెక్కించారు.
స్టోరీ
పురుషోత్తమపురిలోని ప్రముఖ వాసుదేవ ఆలయ చైర్మన్ ఎన్నికలు, ఆ అధికారం కోసం హీరా బంధు (మైమ్ గోపి) చేసే కుట్రలతో కథ ప్రారంభమవుతుంది. వాసుదేవుని ఉత్సవాలకు హైదరాబాద్ నుంచి కృశవ్ (మహేంద్రన్) ఊరికి వస్తాడు. అక్కడే అతనికి హీరా బంధు మేనకోడలు భువి (అంబికా వాణి) పరిచయమై, ఇద్దరూ ప్రేమలో పడతారు.కానీ, అందరూ వెళ్ళడానికి భయపడే కోయిరాతల అనే రహస్య ప్రదేశంలో ఏముంది? అసలు వాసుదేవ ఆలయం కింద ఉన్న నిధి రహస్యం ఏంటి? అనే విషయాలను కృశవ్ అన్వేషించడం మొదలుపెడతాడు. ఈ క్రమంలో అతనిపై దాడులు జరుగుతాయి. ఇంటర్వెల్ లో సెంట్రల్ మినిస్టర్ (జాన్ విజయ్) ఎంట్రీతో కృశవ్ గురించి వచ్చే ఒక ఊహించని ట్విస్ట్ సెకండ్ హాఫ్పై విపరీతమైన క్యూరియాసిటీని పెంచుతుంది. తర్వాత ఏం జరిగిందనేది మిగిలిన సినిమా.
సినిమా ప్లస్ పాయింట్స్
పూరి జగన్నాథ్ ఆలయ విగ్రహాల్లో ఉండే బ్రహ్మపదార్థం, ఆలయ రహస్యాల బ్యాక్డ్రాప్ను ఎంచుకోవడం సినిమాకు అతిపెద్ద ప్లస్ పాయింట్. ట్రెజర్ హంట్ మరియు డివోషనల్ ఎలిమెంట్స్ కలయిక ప్రేక్షకుడిని కథలోకి తీసుకెళ్తుంది. చైల్డ్ ఆర్టిస్ట్గా మెప్పించిన మాస్టర్ మహేంద్రన్ ఇందులో హీరోగా పరిణతి చెందిన నటనను కనబరిచారు. యాక్షన్, ఎమోషనల్ సీన్స్లో చాలా బాగా చేశారు. హీరోయిన్ అంబికా వాణి గ్లామర్తో పాటు నటనతోనూ ఆకట్టుకుంది.
విలన్ పాత్రల్లో మైమ్ గోపి, జాన్ విజయ్ తమ నటనతో సినిమాను నిలబెట్టారు. అలాగే హీరో అక్క, బావ ఎమోషనల్ పాత్రలు గుండెలను పిండేస్తాయి. రాజీవ్ కనకాల, ఆటో రామ్ ప్రసాద్, తులసి, దువ్వాసి మోహన్ తమ పాత్రలకు పూర్తి న్యాయం చేశారు. సెకండ్ హాఫ్లో వచ్చే ఫ్లాష్బ్యాక్ ఎపిసోడ్ చాలా ఎమోషనల్గా సాగుతుంది. ప్రీ-క్లైమాక్స్ లో అసలు విలన్ ఎవరు అని రివీల్ చేసే ట్విస్ట్ థియేటర్లలో ప్రేక్షకులను ఆశ్చర్యపరుస్తుంది. క్లైమాక్స్లో దేవుడు, గరుత్మంతుడు, పాముల ఎంట్రీ సీన్స్ను సరికొత్త ఏఐ విజువల్స్ టెక్నాలజీతో చూపించడం విశేషం. ఈ గ్రాఫిక్స్ విజువల్స్ ప్రేక్షకులకు ఒక కొత్త అనుభూతిని ఇస్తాయి.
సాంకేతిక విభాగం
డైరెక్టర్ వైకుంఠ్ బోను ఓ మంచి దైవిక రహస్యాల కథను కమర్షియల్ ఎలిమెంట్స్తో కలిపి చక్కగా ప్రెజెంట్ చేశారు. సినిమాటోగ్రఫీ విజువల్స్ పురుషోత్తమపురి లొకేషన్లను, ఆలయ వాతావరణాన్ని ఎంతో అందంగా చూపించాయి. నిర్మాణ విలువలు సినిమాకు తగ్గట్టుగా బాగున్నాయి. క్లైమాక్స్లో పార్ట్ 2 కి ఇచ్చిన లీడ్ సినిమాపై మరింత ఆసక్తిని పెంచేలా ఉంది.
ఫైనల్గా
భక్తి, ఉత్కంఠ, ప్రేమాభిమానాలు, అద్భుతమైన ట్విస్టులతో సాగే ఒక మంచి ట్రెజర్ హంట్ డివోషనల్ మూవీ చూడాలనుకునే వారికి 'వసుదేవసుతం' ఒక పర్ఫెక్ట్ ఛాయిస్. ఈ వారాంతంలో కుటుంబంతో కలిసి థియేటర్లలో చూడదగ్గ క్లీన్ అండ్ ఇంట్రెస్టింగ్ మూవీ ఇది.
రేటింగ్: 2.75/5
Click it and Unblock the Notifications
Sign in with Google