వాస్తుదోషంపై పడిన బాలకృష్ణ

By Pratap

Published: Wednesday, September 21, 2011, 9:34 [IST]

బావ ఎంతగా చెమటోడ్చినా తెలుగుదేశం పార్టీ పరిస్థితి ఎక్కడ వేసిన గొంగళి అక్కడే అన్నట్లు ఉండడంతో సినీ హీరో బాలకృష్ణ దానికి విరుగుడు కనిపెట్టారని అంటున్నారు. తెలుగుదేశం పార్టీ కార్యాలయం ఎన్టీఆర్ ట్రస్టు భవన్‌కు వాస్తుదోషం ఉందని ఆయన గుర్తించారట. దాంతో పార్టీ కార్యాలయం వాస్తు దోషాన్ని సరిచేసేందుకు నడుం బిగించారని అంటున్నారు. వాస్తు ప్రకారం ఇప్పటికే పార్టీ కార్యాలయ భవనంలో మార్పులు చేర్పులు జరుగుతున్నాయి.

ఇది వరకే బాలకృష్ణ వాస్తుకు అనుగుణంగా పార్టీ కార్యాలయం భవనం పక్కన మరో నిర్మాణాన్ని పూర్తి చేశారు. ఇప్పుడు మరిన్ని మార్పులు చేర్పులు చేపట్టారు. చంద్రబాబు నాయుడు ఇప్పుడు వెనక నుంచి పార్టీ కార్యాలయంలోకి ప్రవేశిస్తున్నారు. అలా కాకుండా నేరుగా మొదటి గేటు నుంచి కారులో సెల్లార్‌లోకి వెళ్లి అక్కడి నుంచి కార్యాలయంలోపలికి వెళ్లే విధంగా మార్పులు కూడా చేస్తున్నారట.

Published On September 21, 2011