యువీ మరో ప్రేమాయణం

భారత క్రికెటర్ యువరాజ్ సింగ్ మరో ప్రేమాయణం నడుపుతున్నట్లు ఊహాగానాలు చెలరేగుతున్నాయి. అమ్మాయిలతో యువీ ప్రేమాయణాలపై కథలు కథలుగా ప్రచారం జరగడం మొదటి నుంచీ ఉందే. ప్రపంచ కప్ పోటీల తర్వాత యువీకి, అమీషా పటేల్‌కు మధ్య సంబంధం కలుపుతూ మీడియా వార్తలు వెలువడ్డాయి. నేహా దూపియాతో కూడా అతనికి లింక్ కలిపారు. ఇప్పుడు బెంగళూర్ అమ్మాయి అక్షర గౌడతో చెట్టాపట్టాల్ వేసుకుని తిరుగుతున్నట్లు ఊహాగానాలు చెలరేగుతున్నాయి.

అక్షర, యువీ ముంబైలో ఒకే చోట ఉన్నారట. ఒకరిని విడిచి ఒకరు ఉండలేనంతగా కలిసిపోయారట. ఆమె యువీ ఇంటికి కూడా వెళ్లిందని సమాచారం. మోడల్ అక్షర ముంబైలో ఆదివారం జరిగిన మ్యాచు సందర్భంగా పూణే వారియర్స్‌ జట్టుకు చీర్స్ చెబుతూ సందడి చేసిందని అంటున్నారు. మోడల్ అక్షర బికినీలో ఫొటోలకు ఫోజులిచ్చి హల్‌చల్ చేసింది. అయితే, ఈ ఊహాగానాలను యువీ కొట్టిపారేస్తున్నాడు. తాను అక్షర ముఖం కూడా చూడలేదని అంటున్నాడు.

English summary

After the world Cup, Yuvraj Singh was linked with Amisha Patel and even Neha Dhupia. Now we hear that it’s a Bangalore gal Akshara Gowda who has caught the fancy of Yuvraj.