విజయమ్మ వైయస్ జగన్ ఆస్త్రం

కడప లోకసభ సీటుకు, పులివెందుల శాసనసభా స్థానానికి జరుగుతున్న ఎన్నికల్లో వైయస్సార్ కాంగ్రెసు పార్టీ నేత వైయస్ జగన్‌కు వైయస్ రాజశేఖర రెడ్డి సతీమణి వైయస్ విజయమ్మ అస్త్రంగా మారనున్నారు. వైయస్ విజయమ్మను ముందు పెట్టి కాంగ్రెసుపై, తన బాబాయ్ వైయస్ వివేకానంద రెడ్డిపై ప్రతీకారం తీర్చుకునేందుకు ఆయన సిద్ధపడినట్లు చెబుతున్నారు. పులివెందుల స్థానానికి వైయస్ విజమయ్మ పోటీ చేస్తున్న విషయం తెలిసిందే. కడప పార్లమెంటు సీటు నుంచి వైయస్ జగన్ పోటీ చేస్తున్నారు.

తన తల్లి విజయమ్మను వైయస్ జగన్ కేవలం పులివెందులకు మాత్రమే పరిమితం చేయబోరని, కడప లోసకసభ స్థానంలోని పలు ప్రాంతాల్లో తన తల్లితో పాటు జగన్ పర్యటిస్తారని అంటున్నారు. వైయస్ రాజశేఖర రెడ్డిపై ఉన్న అభిమానాన్ని సానుభూతిగా మార్చుకుని ఉప ఎన్నికల్లో విజయం సాధించడానికి విజయమ్మను కడప పార్లమెంటు స్థానంలో విస్తృతంగా తిప్పడం అవసరమని ఆయన భావిస్తున్నారు. వైయస్ జగన్ శనివారం కడప చేరుకున్నారు. ఉప ఎన్నికలు పూర్తయ్యే వరకు ఆయన కడప జిల్లాలోనే మకాం వేస్తారు.

English summary

YSR Congress leader YS Jagan may use his mother YS Vijayamma as a weapon in bypolls to be held for Kadapa loksabha seat and Pulivendula assembly segment.